Bıylǵy 8 aıdyń qorytyndysynda otandyq kásiporyndar 20,3 mlrd. teńgege 1 118 traktor jáne 34,7 mlrd. teńgege 736 kombaın óndirdi. Bul ótken jyldyń sáıkes kezeńimen salystyrǵanda 2 ese artyq.
QR Indýstrııa jáne ınfraqurylymdyq damý mınıstrligi otandyq óndiristiń aýyl sharýashylyǵy tehnıkasyn satyp alýdy yntalandyrý maqsatynda traktorlar men kombaındarǵa jeńildikti lızıng baǵdarlamasyn iske asyrýda. Baǵdarlamanyń negizgi sharttary tehnıka qunynyń 15% bastapqy jarnasymen 7 jylǵa 7%-ben lızıng alýshyǵa qarjylandyrý usynylady. 2018 jyly bul maqsatqa respýblıkalyq bıýdjetten 3 mlrd. teńge, 2019 jyly 3,5 mlrd. teńge jáne 2020 jyly 6,5 mlrd.teńge bólindi.
Salany ári qaraı qoldaý maqsatynda jeńildikti lızıng baǵdarlamasy sheńberinde "QDB-Lızıng" AQ arqyly traktorlar men kombaındarǵa 2021-2025 jyldarǵa 13,5 mlrd. teńge mólsherinde qosymsha qarajat bólý usynylyp otyr. Sonymen qatar, ınvestısııalyq salymdar kezinde agroónerkásiptik keshen sýbektisi shyǵystardyń bir bóligin óteý boıynsha sýbsıdııalaý jónindegi agroónerkásiptik keshen baǵdarlamasy sheńberinde sheteldik tehnıkaǵa berilgen sýbsıdııalar kólemin memlekettik qarjydan jylyna bólinetin sýbsıdııalardyń barlyq kóleminiń 30%-nan aspaıtyn mólsherde belgileý josparlanyp otyr.
