Bahtııar О́nerbaev - Tekeli qalasynyń eks-ákimi
Tamyz aıynda qol astyndaǵy qyzmetkeri - Tekeli ákimi apparatynyń basshysy para alǵan. Mono-qala ákimi apparatynyń basshysy polısııadan qashý úshin ózenge sekirip, batyp kete jazdaǵany da áleýmettik jelilerde qyzý talqylanyp edi.Tamyzda ákim apparatynyń basshysyna 15 mıllıon teńge kóleminde aıyppul salynǵan. Osy uıatty jaǵdaılardyń sońyn ala, Bahtııar О́nerbaev ornyn bosatty.
Soltústik Qazaqstan oblysy ákiminiń burynǵy orynbasary Anton Fedıaev pen Aqjar aýdanynyń burynǵy ákimi Erbatyr Madııarov
Aımaqtyń memlekettik sáýlet-qurylys baqylaý jáne lısenzııalaý basqarmasynyń burynǵy basshysy Batyrbek Qalabaevqa birneshe ret, jalpy somasy - 650 myń teńge kóleminde para aldy degen aıyp taǵylǵan. Tergeý málimeti boıynsha, basqarma basshysy úsh ret zańsyz syıaqy alǵan. Bul iske Aqjar aýdany ákiminiń orynbasary Qural Dosymbekov te aralasqan. Bıyl 14 shildede Qalabaevtyń úkimi shyǵyp, 26,6 mıllıon teńge kóleminde aıyppul salynǵan. Sondaı-aq, oǵan memlekettik qyzmette jumys isteýine ómir boıyna tyıym salynǵan.Osy jaǵdaıdan soń Anton Fedıaev pen Erbatyr Madııarov óz erkimen otstavkaǵa ketýge aryz jazǵan. Oblys ákimi 3 qyrkúıekte aryzdy qabyldap, sheneýnikter qyzmetinen bosady.
Erjan Turmaǵambetov - Batys Qazaqstan oblysy Shyńǵyrlaý aýdanynyń burynǵy ákimi
Bıyl naýryzda Batys Qazaqstan oblysy Shyńǵyrlaý aýdanynyń ákimi Erjan Turmaǵambetov te osyǵan uqsas jaǵdaıdan soń qyzmetinen ketken. Buǵan aýdandaǵy bilim bólimi basshysynyń jemqorlyq qylmysyna barýy sebep bolǵan.
Azamat Ysqaqov - Qostanaı oblysy Rýdnyı qalasy ákimi apparatynyń burynǵy basshysy
Qostanaı oblysy, Qashar aýylynyń ákimi mekeme balansynda turǵan qyzmettik kólikti jóndeýge bólingen 1 mıllıon 464 myń teńge bıýdjettik qarajatty jeke kásipkerdiń esepshotyna aýdarý arqyly qarajatty jymqyrǵan dep kúdiktelýine baılanysty, Rýdnyı qalasy ákimi apparatynyń basshysy Azamat Ysqaqov óz erkimen qyzmetinen ketken.
