Lýkashenko Konstıtýsııaǵa qolyn qoıyp, Belarýs tilinde ant berdi. Budan soń, Respýblıka OSK tóraǵasy Lıdııa Ermoshına oǵan Prezıdent kýáligin tabystady.
"Belarýs Respýblıkasynyń prezıdenti qyzmetine kirise otyryp, men Belarýs Respýblıkasynyń halqyna adal qyzmet etýge, adam quqyqtary men bostandyqtaryn qurmetteýge jáne qorǵaýǵa, Belarýs Respýblıkasynyń Konstıtýsııasyn saqtaýǵa jáne qorǵaýǵa, ózime júktelgen joǵary mindetterdi adal atqarýǵa saltanatty túrde ant etemin", - dedi A.Lýkashenko ulyqtaý rásiminde.
Agenttiktiń habarlaýynsha, saltanatty rásimge atalǵan eldiń joǵary laýazymdy tulǵalary, parlamentarııler, memlekettik organdar men jergilikti bılik organdarynyń jáne respýblıkalyq BAQ-tyń basshylary, sondaı-aq ǵylym, mádenıet jáne sport qaıratkerleri qatysqan.
