Aımaqtar • 24 Qyrkúıek, 2020

Jambyl oblysynda meshit qyzmetkerleri tal otyrǵyzýda

490 ret

kórsetildi

1 mın

oqý úshin

Halqymyzda "Atadan mal qalǵansha, tal qalsyn", deıtin danalyq bar. О́zgege saıa bolý úshin ári qorshaǵan ortany taza ustaý maqsatynda tal egý dástúri elimizde erteden qalyptasqan. Adamzattyń ardaqtysy Muhammed paıǵambar da "Kimde-kim bir tal ekse, Alla Taǵala mindetti túrde bul tal jemis bergenshe oǵan saýap jazady" degen. Sondyqtan da tal egýdiń paıdasy da, saýaby da mol, dep habarlaıdy Egemen.kz.

Hamıt ESAMAN

Jambyl oblysynda meshit qyzmetkerleri tal otyrǵyzýda

Qazaqstan musylmandary dinı basqarmasynyń 30 jyldyǵyna oraı atalǵan basqarmanyń tóraǵasy, bas múftı Naýryzbaı qajy Taǵanulynyń bastamasymen elimizde "Jasyl Qazaqstan" eko-sharasy uıymdastyrylǵan bolatyn. Shara aıasynda Jambyl oblysy boıynsha 3651 túp aǵash egildi. Onyń ishinde 1070 túp jemis taly, týıa, qara aǵash, terek jáne taǵy da basqa taldar bar.

Igi shara Taraz qalasynan bastaý alyp, oblys aýdandarynda jalǵasty. Áýeli qala meshitteriniń aýlasyna aǵashtar egildi. Odan keıin Jambyl aýdanynyń Bektóbe, Aısha bıbi, Báıdibek aýyldaryndaǵy meshit mańyna jalpy 60 túp tal egilse, Qazaqstan musylmandary dinı basqarmasynyń oblys boıynsha ókili, oblystyq ortalyq "Hıbatýlla Tarazı" meshitiniń bas ımamy Beıbit Myrzageldıev bastaǵan meshit qyzmetkerleri, ımamdar men meshit jamaǵaty Merki aýdany boıynsha 30 tal otyrǵyzdy. Sonymen qatar óńir ımamy "30 jyldyqqa 30 myń tal otyrǵyzý" naýqany jaıynda suhbat berip, el amandyǵy úshin duǵa jasady.