Qoǵam • 28 Qyrkúıek, 2020

"Almaty – Ulan-Batyr" jańa áýe reısi ashyldy

1 mın

oqý úshin

Qazaqstannyń Mońǵolııadaǵy Elshisi Jalǵas Ádilbaev Mońǵolııa Úkimetiniń Atqarýshy agenttigi – Azamattyq avıasııa bas basqarmasy jáne "Hýnný eır" áýe kompanııasynyń basshylyǵymen birge atalǵan kompanııanyń "Ulan-Batyr – Almaty – Ulan-Batyr" baǵytyndaǵy áýe qatynasyn ashýǵa arnalǵan baspasóz konferensııasyna qatysty, dep habarlaıdy Egemen.kz SIM baspasóz qyzmetine silteme jasap.

Marjan TILEÝBEK

"Almaty – Ulan-Batyr" jańa áýe reısi ashyldy

Elshi óz sózinde Qazaqstannyń eń iri megapolısi men Mońǵolııanyń astanasy arasyndaǵy tikeleı áýe qatynasynyń ashylýymen quttyqtap, 2019 jylǵy 10 qazanda Nur-Sultanda ótken Qazaqstan Premer-Mınıstri Asqar Mamın men Mońǵolııanyń Premer-mınıstri Ýhnaagıın Hýrelsýhtyń arasyndaǵy kelissózder barysynda qol jetkizilgen osy baǵyt boıynsha áýe qatynasyn ashý jónindegi ýaǵdalastyqtyń tolyq oryndalǵanyn atap ótti.

Atalǵan jańa áýe baǵyty ekijaqty saıası, saýda-ekonomıkalyq, mádenı-gýmanıtarlyq jáne týrıstik salalardaǵy baılanystardyń qarqyndy damýyna múmkindik beretini aıtyldy.

Búgin "Hýnný eır" áýe kompanııasynyń ushaǵy "Ulan-Batyr – Almaty – Ulan-Batyr" baǵyty boıynsha alǵashqy repatrıasııalyq reısti oryndady. Álemdegi epıdemııalyq jaǵdaı jaqsarǵannan keıin ushýdyń naqty jıiligi belgilenedi.