О́rtti sóndirýge jáne oǵan tunshyqqan adamdardy qutqarýǵa qalanyń №1 jáne №2 órt sóndirý bólimderiniń qyzmetkerleri qatysyp, jedel áreketter jasap, órtte qalǵan 25 adamdy qutqaryp, 50-ge jýyq adamdy evakýasııalaǵan.
Joǵary qabattaǵylardy avtosatymen túsirip, tómengi qabattaǵylardy óz ómirlerine qaýip tóngenine qaramastan, otqa kirip alyp shyqqan.
Olardyń ishinde 6 bala bolǵan. Sóıtip, órt sóndirýshilerdiń eren eńbekteri adam shyǵynyna jol bermegen.
Sonymen qatar Krepostnoı kóshesindegi 56-shy úıdiń turǵyndary men múlikteri ottan qutqarylǵan. Sonyń bárin bastan keshken adamdar órt sóndirýshilerge rıza bolyp, jýyrda Tótenshe jaǵdaılar departamentiniń bastyǵy Ramıl Kamalovqa mynadaı hat jazypty: "Qurmetti, Ramıl Kamalov myrza! Petropavl qalasynyń №1 órt sóndirý bóliminiń janqııarlyq erliginiń arqasynda bizdiń ómirimiz órtten qutqaryldy. Olar óz bastaryna tóngen qaterge qaramaı bizdi ottan aman alyp shyqty. Úılerimizge órtti órshitpeı, tez arada tilsiz jaýdy tuzaqtady. Sondyqtan osy qyzmetkerlerge alǵysymyzdy bildire otyryp, Sizden olardyń eńbekterin atap ótip, materıaldyq kótermeleý sharasyn jasaýyńyzdy ótinemiz", degen eken turǵyndar.
О́z jumystary týraly mundaı jyly lebiz estý kez kelgen órt sóndirýshi-qutqarýshy úshin eń úlken marapat. Bul hat jeke quram aldynda oqyldy.
Aı saıyn, tipti kún saıyn órt sóndirýshiler óz ómirlerin qaterge tigedi, adamdardy janyp jatqan úılerden shyǵaryp, qar qursaýynan qutqarady. Adamdardy qutqarý-bul "jumys" qana emes, búkil ómir úshin óte jaýapty másele. Sondyqtan olar óz jumystaryna alǵys estý olardy qanattandyra túsedi.
20 qyrkúıekte de 12 saǵat 05 mınýtta órt sóndirý qyzmetiniń kúshteri men quraldary Krepostnaıa kóshesi, 56 mekenjaıdaǵy alty páterli turǵyn úıdiń 1-qabattaǵy páteri janyp jatqany týraly telefon habarlamasyn alǵan. Tótenshe jaǵdaı ornyna 12 saǵat 09 mınýtta kelgen órt sóndirýshiler janyp jatqan páterdi sóndirýge shuǵyl kirisken. Aınalasy úsh mınýttyń ishinde órt sóndirilip, 1973 jyly týǵan páter ıesi qutqaryldy.
Sonymen birge basqa páterlerdegi tórt adam, onyń ishinde bireýi bala evakýasııalandy. О́rt saldarynan 1,5 sharshy metr alańdaǵy eden jabyny otpen búlingen.
Jedeldik pen kásibılik sheberliktiń arqasynda órt sóndirýshiler turǵyn úı men adamdardy az shyǵynmen qysqa merzimde qutqara aldy. Jalpy, órt shyqqan jerde adamdar ózdiginen is qylmaı jedel túrde órt sóndirýshilerge habarlaǵany durys. Al olar órt sóndirýdiń aıla-tásilderin erkin meńgergen. Jedel ári kásibı sheberlikpen órtti tez aýyzdyqtaı alady.
Erliktiń, batyrlyqtyń, kásibıliktiń jáne jedeldiktiń arqasynda órt sóndirýshiler turǵyn úıdi jáne olardyń turǵyndaryn orny tolmas zardaptardan qutqarady.
