Biz úshin qýanarlyq jaıt, jeńimpaz komandanyń sapynda kezinde "Barystyń" namysyn qorǵaǵan eki birdeı oıynshy óner kórsetti. Olar – 29 jastaǵy shvesııalyq Vıktor Hedman men 31 jastaǵy amerıkalyq Raıan Makdona.
2013-14 jyldardaǵy maýsymda UHL-da lokaýt jarııalanǵanda aıtýly qos qorǵaýshy qazaqstandyq komandanyń jeıdesin kıdi. Ekeýi de óreli ónerlerimen kózge túsip, jergilikti jankúıerlerdiń júregin jaýlady. Lokaýt merzimi aıaqtalǵannan soń olar qaıta Amerıkaǵa oraldy. Mine, endi "Barystyń" burynǵy oıynshylary Stenlı Kýbogyn oljalap otyr.
Sonymen qatar, Vıktor Hedmanǵa osy jarystyń eń úzdik oıynshysyna tıesili "Konn Smaıt Trofı" syılyǵy tabys etildi. Skandınavııalyq qorǵaýshy pleı-off saıystaryndaǵy 24 kezdesýde 21 upaı (10 gol+11 pas) jıdy.
