Bul is-shara Ulttyq ǵylym akademııasynyń akademıgi Nurlan Jumaǵululy Bátpenovti eske alýǵa arnalǵan.
"Nurlan Jumaǵululy Travmatologııa jáne ortopedııa UǴZI negizin qalaýshy jáne onyń alǵashqy dırektory. Ol óziniń bar ǵumyryn osy saladaǵy ǵylymǵa arnaǵan adam. Sol kisiniń qajyrly eńbeginiń arqasynda elimizde endoprotezdeýdiń ınnovasııalyq tásili jáne býyn aýrýlaryn emdeýdiń úzdik ádistemesi tájirıbege endi. Az ǵumyr súrgenimen, halyq úshin ólsheýsiz eńbek qaldyrdy. Eń bastysy, Nurlan Jumaǵululynyń izin jalǵap jatqan shákirtteri bar.Búginde olar naýqastardy emdeýge aıryqsha úles qosýda", dep atap ótti Densaýlyq saqtaý mınıstri A.Soı.
Qazirgi ýaqytta TOǴZI-elimizdegi jetekshi ǵylymı ortalyqtyń biri. Medısınanyń salalyq baǵytyna ınnovasııalyq tehnologııalar tetigin kiriktirip jatqan biregeı ǵylymı ortalyq. Ǵylymı-emhanalyq jáne aǵartýshylyq baǵytty da qamtyǵan.
Munda 360 orynǵa arnalǵan 14 bólimshe bar. 19 jylda 200 myńnan astam naýqasqa kómek kórsetken. Úsh kúndik ǵylymı tájirıbelik konferensııa barysynda otandyq jáne sheteldik jetekshi mamandardy emdeýdiń úzdik ádistemeleri boıynsha ózara tájirıbe almasady.
