Baǵdarlama uzaqtyǵy 10-15 mınýttan turatyn yńǵaıly qysqasha onlaın-formatta 1-11 synyptarynyń oqýshylary úshin beıne-dáristeri ázirlendi. Balalar úıden shyqpaı-aq Qazaqstannyń kıeli jerlerine vırtýaldy túrde saıahattaı alady, opera, balet, drama óneriniń ozyq úlgilerin kórip, qazaqstandyq jáne shetel kınofılmderi men mýltfılmderin tamashalap, ásem mýzykalyq shyǵarmalardy tyńdaı alady.
Oqýshylarǵa mmura.kz saıtynda mýzykalyq óner, teatr óneri, kınomatografııa, beıneleý óneri jáne Kıeli Qazaqstan atty 5 baǵyt boıynsha qazaq jáne orys tilderinde barlyq bilim berý beıne-dáristerine erkin qol jetkizýge múmkindik beriledi.
Ár beıne-dáristiń sońynda oqýshylar úsh suraqqa jaýap bere otyryp, ózderin teksere alady. Balalardyń erikti túrde qatysýy osy jobanyń qaǵıdatty sharty bolyp tabylady. Oqý jylynyń sońynda test suraqtaryna durys jaýap berip joǵary upaı jınaǵan eń belsendi qatysýshylardy syılyqtar men jaǵymdy tosynsyılar kútedi.
"Osyndaı deńgeıdegi joba jas jáne jańa bilimge qumar urpaq úshin baǵdar beredi, elimizdiń senimdi azamattaryn tárbıeleýge kómegin tıgizedi jáne jigerge toly jas júrekterdi jaýlap alady degen senimdemiz!", dep atap ótti uıymdastyrýshylar.
"Ulaǵatty urpaq" – mektep oqýshylaryn elimizdiń mádenı keńistigine belsendi túrde engizý arqyly mádenı aǵartýdyń jańa formaty, "Máńgilik El" qundylyqtarynyń búkil júıesi negizge alynǵan ózindik ulttyq mádenıetke bastapqy ený negizinde álemdik mádenıettiń jaýharlarymen tanystyrý.
Jobany iske asyrý jónindegi barlyq usynystar "Rýhanı jańǵyrý" memlekettik baǵdarlamasyna, Elbasy Nursultan Nazarbaevtyń "Uly dalanyń jeti qyry» maqalasyna, "Bilim berý týraly» Qazaqstan Respýblıkasynyń Zańyna, "Mádenıet týraly" Qazaqstan Respýblıkasynyń Zańyna jáne ózge de normatıvtik-quqyqtyq qujattarǵa sáıkes ázirlendi.
Bul bastamashylyq elimizdiń shyǵarmashylyq ıntellıgensııasy arasynda keńinen qoldaý tapqanyn eskere ketken jón. Alǵashqy beıne-dárister Qazaqstannyń Halyq artısi Gaýhar Myrzabekovanyń, Qazaqstannyń eńbek sińirgen qaıratkerleri Bolat Ábdilmanovtyń, Tolqyn Zábırovanyń, Qazaqstan kınosynshylary assosıasııasynyń prezıdenti Gúlnár Ábikeevanyń qatysýymen jasaldy.
