Kezdesýdiń moderatory retinde UQSK hatshysy Erlan Qarın sóz sóıledi.
Mınıstrmen onlaın kezdesýge Ulttyq keńestiń qatysýshylary - zańger Aıgúl Orynbek, «Strategııa» áleýmettik jáne saıası zertteýler ortalyǵynyń prezıdenti Gúlmıra Ileýova, jýrnalıst Maksım Rojın, Ekonomıkalyq saıasat ınstıtýtynyń dırektory Qaıyrbek Arystanbekov, saıasattanýshy Aıdos Sarym, «Media Holding «Atameken Business» JShS bas dırektory Qanat Saharııanov jáne basqalar qatysty.
Aýyl sharýashylyǵy mınıstri Saparhan Omarovtyń baıandamasynda aıtylǵandaı, jalpy aýyl sharýashylyǵy salasynda oń qarqyn baıqalyp otyr.
Spıker kóktemgi dala jumystaryn qarjylandyrý, veterınarııa men fıtosanıtarııany damytý boıynsha qabyldanǵan sharalar, AО́K saqtandyrýdy damytý, agrarlyq ǵylym, aýyl sharýashylyǵy jerlerine monıtorıng júrgizý týraly egjeı-tegjeıli aıtyp berdi. Bul jumystardyń barlyǵy Prezıdent Qasym-Jomart Toqaevtyń «Jańa jaǵdaıdaǵy Qazaqstan: is-qımyl kezeńi» atty Joldaýynda qoıylǵan mindetterdi eskere otyryp júrgiziledi.
Ulttyq qoǵamdyq senim keńesiniń qatysýshylary aýyl sharýashylyǵy salasyndaǵy keıbir problemalyq máselelerdi qozǵaǵan joq. Birinshi bolyp óz suraǵyn zańger Aıgúl Orynbek qoıdy. Ony Túrkistan oblysy Maqtaaral aýdanynyń maqta ósirýshiler máselesi alańdatady. Olar baǵa máselesine qanaǵattanbaıdy.
Saparhan Omarov bul másele nazardan tys qalmaıtynyna sendirdi. Onyń aıtýynsha, baǵalar maqta óńdeýmen aınalysatyn zaýyttarǵa baılanysty. Olarǵa «qarapaıym zattar ekonomıkasy» baǵdarlamasy aıasynda qarjylaı qoldaý kórsetildi. Másele jaqyn arada sheshimin tabýy tıis.
«Strategııa» áleýmettik jáne saıası zertteýler ortalyǵynyń prezıdenti Gúlmıra Ileýova qus tumaýy taqyrybyn kóterdi.
Mınıstr óz jaýabynda búgingi tańda jaǵdaıdyń turaqtanǵanyn aıtty. Sebebi, qus fabrıkalary qus aýrýlaryna qarsy vaksınasııany 100 paıyzǵa júrgizbegen jáne qustyń jappaı qyrylý jaǵdaılary týraly kesh habarlaǵan. Jaǵdaı Qostanaı men Soltústik Qazaqstan oblystaryna qatysty. Jergilikti jerlerde aýyl sharýashylyǵy mınıstrligi janynan qurylǵan arnaıy komıssııa jumys isteıdi. Mınıstrliktiń qorlarynan qus fabrıkalaryna mıllıonnan astam ekpe dozasy jiberildi, - dedi mınıstr.
Ekonomıkalyq saıasat ınstıtýtynyń dırektory Qaıyrbek Arystanbekov elimizdiń egis alqaptarynyń negizgi bóligi birneshe sharýa qojalyqtarynyń ıeliginde ekendigi týraly derekterdi keltirdi. Bul olardyń arasynda adal básekelestik joq degendi bildiredi.
Mınıstr bul másele alǵash ret kóterilip otyrmaǵanyn atap ótti. Qazir mınıstrlik barlyq sharýa qojalyqtaryna birdeı sharttar usynylatyn normatıvterdi engizý boıynsha jumys isteýde. Alaıda belgili bir qıyndyqtar bar. S. Omarov UQSK músheleriniń usynystaryn tyńdap, talqylaýǵa daıyn ekenine sendirdi.
Saıasattanýshy Aıdos Sarym óndiris pen aýyl sharýashylyǵy ónimderi men qyzmetteriniń shyǵyndarynyń naqty esebin berýdi usyndy. Turǵyndar bul sala týraly naqty túsinik alǵan bolar edi.
Kelesi suraqty «Media Holding «Atameken Business» JShS bas dırektory Qanat Saharııanov qoıdy.
Qytaıǵa et eksporttaý quqyǵyn alǵan akkredıttelgen kásiporyndardyń tizimin keńeıtý úshin qandaı sharalar qabyldanyp jatyr? Qytaı naryǵyna kirý bolashaǵy qandaı? - dep surady ol.
Mınıstrdiń aıtýynsha, koronavırýstyq pandemııaǵa baılanysty qazir qytaılyq kompanııalarmen kelissózder beınekonferensııa rejıminde júrgizilýde. Qazaqstandyq tarap 566 kompanııanyń materıaldaryn Qytaı kompanııalaryna jiberdi, olardyń 80-i qarastyrylýda.
Onlaın-kezdesýdiń qorytyndysy boıynsha QR Prezıdentiniń kómekshisi, Ulttyq Keńestiń hatshysy Erlan Qarın Facebook-tegi paraqshasynda aıtyp berdi:
«Ulttyq keńestiń taǵy bir bastamasy iske asyrylý satysynda. Búgin UQSK múshelerimen onlaın kezdesý barysynda Aýyl sharýashylyǵy mınıstri Saparhan Omarov Prezıdenttiń Ulttyq keńestiń ekinshi otyrysynda bergen tapsyrmalaryn iske asyrý maqsatynda «jerdi paıdalaný men qorǵaýǵa memlekettik baqylaýdy jetildirý máseleleri boıynsha QR keıbir zańnamalyq aktilerine ózgerister men tolyqtyrýlar engizý týraly» QR Zańynyń jobasy ázirlengenin habarlady. Atalǵan zań jobasynda aýyl sharýashylyǵy jerlerin májbúrlep alyp qoıý úshin paıdalanbaý merzimin aǵymdaǵy eki jyldan bir jylǵa deıin qysqartý jóninde túzetýler kózdelgen. Zań jobasy múddeli memlekettik organdarda kelisilýde, jaqyn arada PMK-ge, odan ári QR Parlamenti Májilisine engiziletin bolady. О́tken aptada Májilis aýyl sharýashylyǵy maqsatyndaǵy paıdalanylmaǵan jerler úshin bazalyq salyq mólsherlemelerin 10-nan 20 esege deıin arttyrýdy kózdeıtin zań jobasyn maquldady. Osy sharalardyń barlyǵyn Prezıdent Ulttyq keńestiń ekinshi otyrysynda jarııa etti. Osylaısha, ár apta saıyn Ulttyq keńes aıasynda aıtylǵan bastamalardy iske asyrý barysy týraly jańa aqparat kelip túsetin bolady. Bastamalardyń edáýir bóligi qazirdiń ózinde júzege asyrylǵany belgili, qalǵandary boıynsha UQSK Hatshylyǵy memlekettik organdardyń olardy qalaı pysyqtap jatqanyn qadaǵalap otyrady. Sondaı-aq, memlekettik organdardyń basshylarymen on-laın formatta kezdesýler jalǵasýda».
