Bırjadaǵy saýda kúni bastalǵannan keıin birden toqtatyldy. Japonııanyń jetekshi 225 kompanııasynyń aksııalaryna baǵa belgileıtin Nikkei ındeksi, sondaı-aq bedeldi birinshi bólimdegi kompanııalardyń aksııalarynyń baǵalaryn kórsetetin Topix ındeksi aksııalar baǵalaryn durys kórsete almaǵan.
Tokıodaǵy saýdanyń toqtatylýynyń áserinen Nagoıadaǵy, Fýkýokadaǵy jáne Sapporodaǵy bırjalar da jumysyn toqtatýǵa májbúr boldy. Sonymen birge fıýcherstik saýda-sattyqqa negizdelgen Osaka qor bırjasy shtattyq rejımde jumys isteıdi.
Fujitsu aksııalaryn satý júıesin jasaýshy NHK telearnasyna kompanııa máseleni sheship jatqanyn, biraq onyń sebepteri týraly túsinik bere almaıtynyn aıtty. Ázirge júıeni qalpyna keltirýdiń múmkin bolatyn ýaqyty týraly boljam joq.
