Qazan aıynda aýa raıy qandaı bolady?

"Qazan – kúzden qys mezgiline aýysý ýaqyty. Osy aıda aýa raıy, ásirese soltústik óńirlerde, óziniń tosynsyılaryn usynady. Munda burqasyn, qar jamylǵysy bolýy múmkin. Konsýltatıvtik boljamǵa sáıkes 2020 jyldyń qazan aıynda Qazaqstannyń soltústik-shyǵys, ortalyq, ońtústik-shyǵys óńirlerine sýyq arktıkalyq aýa massalarynyń jıi kelýi jáne Jerorta teńiziniń shyǵys jaǵalaýynan elimizdiń ońtústik-batysyna jylýdyń shyǵarylýy kútiledi. Nátıjesinde ortasha aılyq aýa temperatýrasy respýblıkanyń basym bóliginde klımattyq norma shamasynda bolady dep kútiledi. Qazaqstannyń ońtústik-batys jartysynda normadan 1°S joǵary, elimizdiń soltústik-shyǵys bóliginde normadan 1°S tómen bolady", delingen habarlamada.

Osy jyldyń qazan aıynda jaýyn-shashyn mólsheri Qazaqstannyń basym bóliginde normaǵa jýyq, elimizdiń soltústik-shyǵys jartysynda jáne Almaty oblysynyń shyǵysynda normadan kóp bolady dep boljanady.

Aldaǵy kúnderi respýblıkanyń basym bóliginde qurǵaq jáne shýaqty aýa raıy kútiledi. Elimizdiń soltústik jartysynda aýa temperatýrasy túnde -2+7°S, kúndiz aýa birtindep +12+20°S deıin jylynady, ońtústik jartysynda jáne batysta - túnde +5+13°S, kúndiz +17+25°S bolady dep kútiledi.  5 qazannan bastap Soltústik sıklonmen jáne arktıkalyq atmosferalyq fronttardyń ótýimen jaýyn-shashyn túsedi. Soltústik jartysynda jańbyrdyń arty ylǵaldy qarǵa aýysýy múmkin, tuman jáne jeldiń ekpini 15-23 m/s deıin kúsheıýi múmkin. Jaýyn-shashynnyń toqtaýymen kúzge tán sýyq túnder men ashyq jelsiz kúnder keledi. Tek elimizdiń batysynda, ońtústik-batysynda jaýyn-shashynsyz aýa raıy saqtalady. Birinshi onkúndikte aýa temperatýrasy:

batysta kezeńniń ortasynda túnde 0,+5°S deıin, kúndiz +12+17°S deıin;

soltústikte, soltústik-batysta, ortalyqta jáne shyǵysta kezeńniń ortasynda jáne sońynda túnde -1-8°S deıin, kúndiz 0,+7°S deıin;

ońtústikte, ońtústik-shyǵysta onkúndiktiń sońynda túnde 0,+5°S deıin, taýly jáne taý bókterindegi aýdandarda 3 gradýsqa deıin úsik júrýi múmkin, kúndiz +7+12°S deıin;

ońtústik-batysta onkúndiktiń ortasynda túnde +5+12°S deıin, kúndiz +15+20°S deıin tómendeýi kútiledi.

Birinshi onkúndiktiń sońynda aýa temperatýrasy aldymen Qazaqstannyń batysynda, sodan keıin respýblıkanyń qalǵan aýmaǵynda kóteriledi.

Qazannyń ekinshi jáne úshinshi onkúndiginde Qazaqstan aýmaǵynyń basym bóliginde turaqsyz aýa raıy boljanady: jańbyr – negizinen ońtústik jáne batys óńirlerde, jaýyn-shashyn (jańbyrdyń arty ylǵaldy qarǵa aýysady) – soltústik, ortalyq, shyǵys óńirlerde, sondaı-aq eldiń ońtústik-shyǵysynyń taýly jáne taý bókterindegi aýdandarynda boljanady.  

Jylý tolqyndarmen jekelegen kúnderi QR ońtústik-batys, ońtústik jáne ońtústik-shyǵys jartysynda kúndiz aýa temperatýrasy +15+25°S deıin, soltústikte, ortalyqta jáne shyǵysta +10+20°S deıin jylynýy múmkin.

Sýyq tolqyndarmen aýa temperatýrasy:

QR soltústik-batys, soltústik, ortalyq  jáne shyǵys óńirlerinde túnde -1-10°S deıin, kúndiz 0,+5°S deıin;

elimizdiń ońtústik jáne ońtústik-batys jartysynda túnde -5+5°S deıin, kúndiz +2+10°S deıin tómendeýi múmkin.