"Osydan on kún buryn Veterınarııa boıynsha ulttyq referenttik ortalyǵy eldi mekenderde ólgen qustardyń patologııalyq materıaldaryn dıagnostıkalyq zertteýden ótkizdi. Sonyń nátıjeleri boıynsha oblys aýmaǵynda "joǵary patogendi qus tumaýy" dıagnozy qoıyldy", deıdi Baýyrjan Beket.
Baýyrjan Bekettiń aıtýynsha, osyǵan baılanysty veterınarlar ınfeksııa oshaqtarynda epızootologııalyq tekserý júrgizip, aktilerin AShM veterınarııa basqarmasy oblystyq aýmaqtyq ınspeksııasyna usynǵan.
Qostanaı oblysynyń bas memlekettik veterınarııalyq-sanıtarııalyq ınspektorynyń usynysy boıynsha Meńdiqara aýdanynyń Krasnaıa Presnıa, Sarykól aýdanynyń Maıak, Taǵyl, Uzynkól aýdanynyń Sokol, Arqalyq qalasynyń Rodına, Fýrmanov, Altynsarın aýdanynyń Prıozernoe, Qarabalyq aýdanynyń Mıhaılov aýyldarynda karantın belgilengen.
Sondaı-aq ol atalǵan eldi mekenderdiń kireberisinde blok-beketter ornatylǵanyn jáne qustar men qus sharýashylyǵy ónimderin shyǵarý toqtatylǵanyn habarlady.
Búginde Respýblıkalyq qordan qus tumaýyna qarsy vaksınanyń 366218 danasy kelip túsken. Qustardy vaksınalaý eldi mekenderden 25 kılometr radıýsta býferlik aımaqta jalǵasady.
