Parlament Senatyndaǵy «О́ńir» depýtattyq toby Almaty oblysynda kóshpeli otyrys ótkizdi. Bul basqosý Memleket basshysynyń «Qazaqstan-2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýy aıasynda halyqty jumyspen qamtý jónindegi memlekettik saıasat» taqyryby boıynsha uıymdastyryldy.
Parlament Senatyndaǵy «О́ńir» depýtattyq toby Almaty oblysynda kóshpeli otyrys ótkizdi. Bul basqosý Memleket basshysynyń «Qazaqstan-2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýy aıasynda halyqty jumyspen qamtý jónindegi memlekettik saıasat» taqyryby boıynsha uıymdastyryldy.
Sharaǵa «О́ńir» depýtattyq tobynyń músheleri – senatorlar Ermek Jumabaev, Qýanysh Aıtahanov, Vladımır Bobrov, Ashat Kúzekov, Nurlan Súleımenov, Orynbaı Rahmanberdıev, Lazzat Turlashov, Eńbek jáne halyqty áleýmettik qorǵaý mınıstriniń orynbasary Qaırat Ábsattarov, Almaty oblysy ákiminiń orynbasary Serikjan Beskempirov, jergilikti atqarýshy organdardyń, úkimettik emes uıymdardyń ókilderi qatysty.
«Bıliktiń zań shyǵarý tarmaǵy men aımaqtardy memlekettik basqarý organdarymen bizdiń birlesken jumystarymyz aımaqtardyń áleýmettik-ekonomıkalyq jaǵdaıyn odan ári damytýǵa yqpal etedi», dep atap ótti Parlament Senatynyń depýtaty, «О́ńir» depýtattyq tobynyń jetekshisi Ermek Jumabaev.
Senator Memleket basshysynyń «Qazaqstan-2050» Strategııasynda áleýmettik saıasattyń jańa qaǵıdalary: áleýmettik kepildik jáne jeke jaýapkershilikti jarııa etkenin atap ótti. Qazaqstan Prezıdenti bizdiń memleketimizdiń áleýmettik saıasatyn jańǵyrtýdy, onyń tıimdiligin meılinshe arttyrýdy usynyp otyr. «Ekonomıkanyń órkendeýin eskere otyryp, ómir sapasyn birte-birte kóterýdi kózdeıtin áleýmettik tómengi standarttar men azamattarǵa arnalǵan kepildikter zań júzinde belgilenetin bolady. Bul rette memleket tek muqtaj jandarǵa – zeınetkerlerge, múgedekterge, eńbekke jaramsyzdarǵa, syrqat balalarǵa jáne basqalarǵa áleýmettik qoldaý kórsetedi, al jumyssyzdarǵa jańa kásip meńgerip jáne qaıta daıarlyqtan ótse ǵana áleýmettik qoldaý jasalatyn bolady», dedi E.Jumabaev.
Senator sondaı-aq «Jumyspen qamtý-2020» baǵdarlamasyn jáne «Jumyspen qamtý-2020» jol kartasyn iske asyrý jáne onyń keleshegi týraly aıta kelip, otyrys qorytyndysy boıynsha ony mezgilinde jáne sapaly júzege asyrý úshin naqty usynystar ázirlenetinin jetkizdi.
«О́ńir» depýtattyq tobynyń «Údemeli ındýstrııalyq-ınnovasııalyq damý memlekettik baǵdarlamasy – qazaqstandyqtardy jumyspen qamtýdaǵy ornyqtylyqtyń basty faktory» taqyryby boıynsha ótken otyrystyń barysynda senator Vladımır Bobrov sóz sóıledi. Depýtat joǵary eńbek ónimdiligi men laıyqty eńbekaqysy bar turaqty jumys oryndaryn ashýǵa múmkindik beretin «Údemeli ındýstrııalyq-ınnovasııalyq damý» memlekettik baǵdarlamasy Úkimettiń basty quraly ekenin atap kórsetti. Ol baǵdarlamany iske asyrý boıynsha kásiporyndar qurylysy kezinde 220 myń jumys oryndary ashylatyn 779 jobany iske qosý kózdeletinin jáne jobalar iske asatyn barlyq kezeńde 181 myń turaqty jumys oryndary bolatynyn kóldeneń tartty, dep habarlady Senattyń baspasóz qyzmeti.
_____________________________________
FOTOKÚNDELIK
Sýretterdi túsirgen Orynbaı BALMURAT.
