«Samuryq-Energo» AQ Úkimetpen baılanys jáne kommýnıkasııalar qyzmetiniń habarlaýynsha, qurylysty avstrııalyq-germanııalyq «Andritz Hidro GmbX» kompanııasy júrgizgen. Aýqymdy qaıta qurý jumystarynyń nátıjesinde SES-tiń qýattylyǵy 100 MVt-tan 126 MVt-qa artty. Qazaqstandyq elektr energetıkalyq holdıng mamandary bul joba qýat tapshylyǵyn sezinip otyrǵan Túrkistan oblysyn elektr energııasymen qamtamasyz etýde jáne óńirdegi sý resýrstaryn paıdalanýdyń tıimdiligin arttyrýda úlken mańyzǵa ıe ekenin aıtýda. Sondaı-aq júrgizilgen jańǵyrtý jumystary sý stansııasynyń qyzmet etý merzimin 35-40 jylǵa deıin uzartady, apat deńgeıin tómendetedi.
Aıta ketelik, Shardara SES-i 1967 jyly paıdalanýǵa berilgen, belgilengen qýattylyǵy — 100 MVt. Normatıv boıynsha qyzmet etý merzimi 25 jyl bolsa, stansııa 50 jyldan astam ýaqyt boıy paıdalanylyp keledi, ıaǵnı onyń tehnologııalyq jabdyǵy 100% tozǵan. Sý stansııasynda ornatylǵan elektr jabdyǵynyń bir bóligin ony jasaǵan zaýyttar qazir shyǵarmaıdy jáne óndiristen alyp tastaǵan. Demek, qaıta jańartý jumystary tehnıkalyq qajettilikten týyndap, stansııanyń zamanaýı tehnologııamen jumys isteýine jasalǵan múmkindik.
Túrkistan oblysy
