Qoǵam • 06 Qazan, 2020

Almatyda "Bıýdjetke qatysý" boıynsha ótinish berý merzimi uzartyldy

23 ret kórsetildi

Almatyda "Bıýdjetke qatysý" jobasy boıynsha ótinishterdi qabyldaý merzimi uzartyldy. Turǵyndar ózderiniń jobalyq usynystaryna 2020 jyldyń 20 qazanyna deıin ótinish bere alady, dep habarlaıdy Egemen.kz qala ákimdiginiń baspasóz qyzmetine silteme jasap.

Almaty qalasynyń "Bıýdjetke qatysý" jobasynyń maqsaty azamattardyń bastamalary men usynystary negizinde qala aýdandarynyń aýmaqtaryn damytý jáne abattandyrý bolyp tabylady. Qala turǵyndarynyń bastamalaryna Almaty qalasynyń qoǵamdyq keńesiniń músheleri, sarapshylar, máslıhat depýtattary, ÚEU ókilderi óz baǵalaryn beredi.

Almatylyqtar ashyq talqylaý jáne daýys berý arqyly qala bıýdjetin qaıda baǵyttaý kerektigin anyqtaıdy. Eger bastamany basqa turǵyndar daýys berý barysynda qoldasa, ol qalalyq bıýdjet esebinen júzege asyrylady. Bir ótinim 55,5 mln tg aspaýy tıis. Qarjylandyrýdyń jalpy kólemi 6,4 mlrd teńgeni quraıdy — qalanyń árbir aýdanyna 800 mln tg. О́tken jyly ár aýdanǵa 500 mln tg bólindi.

Bıylǵy jyly ótinim berý algorıtmi men sharttary jeńildetilgenin atap ótken jón. О́z jobalaryn usynatyn turǵyndar smetany nemese eskızdi qospaı, onyń ornyna usynylǵan standartty qujattardyń birin tańdaı alady nemese ınternetten sýretti júkteı alady. Bul arnaıy bilimi joq kez-kelgen qala turǵynynyń óz ıdeıasyn usyna alatynyn jáne óz aýdanyn jaqsartýǵa jáne qalalyq ortany damytýǵa óz úlesin qosa alady degendi bildiredi.

2021 jylǵa ótinimderdi qabyldaý aǵymdaǵy jyldyń 28 tamyzynda Almaty damý ortalyǵy portalynda — Open Almaty bastaldy. Aǵymdaǵy jylǵy 5 qazandaǵy jaǵdaı boıynsha 428 jobalyq usynys berildi. Buǵan deıin pılottyq kezeńde 333 joba usynylǵan bolatyn, olardyń birqatary aıaqtalyp, paıdalanýǵa berildi. Iske asyrylǵan jobalardyń ishinde skeıtpark, sóıleıtin oryndyq, balalar men eresekterdiń sportpen shuǵyldanýyna arnalǵan jaılastyrylǵan alańdar, qala turǵyndarynyń saıabaqtary men demalys oryndary bar.

"Bıýdjetke qatysý" jobasynyń qatysýshysy Margarıta Balakıreva ótken jyly Almaly aýdanyndaǵy bos ýchaskeni kógaldandyrýdy usynǵan.

"Men Rozybakıev-Jambyl kósheleriniń qıylysynda osyndaı oryn taptym, jaqyn jerde jumys istep, únemi sol jerden ótip júrdim. Sodan mende sol jerdi abattandyrý ıdeıasy paıda boldy – Men ol jerge dámhana nemese avtokólik turaǵyn jasap tastaıdy ma dep qorqatynmyn, biraq men ol jerdi kógaldandyrǵym keldi. Ádette bizge sizderde bul jerde anaý bolady, mynaý bolady degen dırektıva usynady ǵoı. Al munda biz sııaqty qala turǵyndarynyń ózderi qatysady", - dep bólisti M. Balakıreva.

Almaty ákimdigi qala turǵyndaryn osy jobaǵa belsendi qatysýǵa shaqyrady. Suraqtar boıynsha +7 (727) 224-3929, ishki 203 nemese budget@almatydc.kz elektrondyq poshtasy arqyly ótinishderdi qabyldaý, daýys berý jáne bastamalarǵa irikteý budget.open-almaty.kz. portalynda onlaın ótedi.

Esterińizge sala keteıik, ótinim berý merzimin 2020 jyldyń 20 qazanyna deıin uzartý Qoǵamdyq keńestiń jumys otyrysynyń qorytyndysy boıynsha usynyldy.

Sońǵy jańalyqtar

Dollar baǵamy qaıta ósti

Qarjy • Búgin, 15:53

Qazaqstanda shekteý sharalary engizile me?

Koronavırýs • Búgin, 15:37

Mańǵystaý oblysynyń ákimi taǵaıyndaldy

Taǵaıyndaý • Búgin, 15:13

Koronavırýstyń «Serber» shtamy tez juǵady

Koronavırýs • Búgin, 13:32

Ulytaý oblysynyń ákimi taǵaıyndaldy

Taǵaıyndaý • Búgin, 11:50

Batys Qazaqstan oblysynyń ákimi taǵaıyndaldy

Taǵaıyndaý • Búgin, 11:06

Japonııa quramasy Ispanııany jeńdi

Fýtbol • Búgin, 10:33

Almaty mańynda jer silkindi

Aımaqtar • Búgin, 10:02

Jas tennısshilermen kezdesý

Tennıs • Búgin, 07:47

Uqsas jańalyqtar