Shekteý sharalary jarııalanǵanymen, el gazet pen habar-oshar alýdan shektelgen joq. Indet kúsheıip, tártip qataıyp ketken kezeńderde de karantınge jabylǵan eldi mekenderge áriptesterimiz maska, qolǵap, arnaıy qorǵanysh kıimin kıip baryp júrdi.
Aptasyna 5 márte shyǵyp turatyn elimizdiń bas basylymy «Egemen Qazaqstan» gazeti oblys ortalyǵy men aýdan ortalyqtarynda, sondaı-aq aımaqtaǵy tórt qalada turyp jatqan oqyrmandarynyń qolyna baspadan shyqqan kúni tıedi. Al aýdan ortalyqtarynan shalǵaı jatqan aýyldarǵa ári ketkende 1 táýliktiń ishinde jetkiziledi. Gazetti tıisti mekenjaıǵa der ýaqytynda jetkizýde oblys ákimdigi, tasymaldaýdy uıymdastyrý, kólik bólý jaǵynan kóp kómek tıgizip, úlken qoldaý jasap otyrǵanyn aıta ketken jón.
Búginde aımaqta jalpy sany 300 poshtashy jumys isteıdi. Al oblys ortalyǵynda 53 adam, bizdiń bólimshede 14 poshta qyzmetkeri gazet tasymaldaýmen aınalysady. О́z basym osy salada jeti jyldan beri qyzmet etip kelemin. Qostanaı qalasyndaǵy S.Baımaǵambetov kóshesi men M.Hákimjanova kóshesiniń aralyǵyndaǵy turǵyn úılerge hat-habar, gazet-jýrnal tasımyn. Buryn jumys kúni alty kún edi, krantınge baılanysty 5 kúndik bolyp qysqartyldy. Kúndelikti jumysymyz tańerteńgi saǵat 8.00-de bastalady. 1 saǵat boıy gazet-jýrnal, basqa da habar-osharlar suryptalyp, saǵat toǵyzda árkim óz ýchaskesine jol tartady. Gazetti jaıaý júrip taratamyz. О́z basym eń aldymen mekemelerdi aralap shyǵamyn. Sodan keıin ǵana turǵyn úılerge kóshemin. Jumysym ári ketkende saǵat 11-11.30-ǵa deıin aıaqtalady. Kún saıyn oqyrmandarǵa shamamen 100 shaqty «Egemen Qazaqstan» gazetiniń jańa nómirin jetkizemin. Kóp qabatty turǵyn úılerdiń poshta jáshikterine salyp ketemin. Al jeke úılerde turatyn úlken kisiler gazet keletin ýaqytty ábden jattap alǵan. Ádette esiginiń aldyna shyǵyp meni anadaıdan kútip alady. Jyly aman-saýlyqtan soń qolyna gazetin ustatamyn. Jymıyp, alǵysyn aıtyp qalady. Bizdiń basty mindetimiz – jańa nómirdi gazet shyqqan kúni oqyrmannyń qolyna tabys etý. Bul amanatty adal oryndap kelemiz.
9-qazan – dúnıejúzilik poshta odaǵynyń kúni. Demek, poshtashylardyń tól merekesi. Dúnıejúzilik poshta kúni – Birikken Ulttar Uıymy júıesinde atap ótiletin halyqaralyq kúnderdiń biri.
Bul kúni Dúnıejúzilik poshta odaǵy 14-shi kongresiniń sheshimimen odaqtyń 1874 jyly qurylǵan kúni qurmetine atap ótiledi.
1874 jyly 9 qazanda Shveısarııanyń Berne qalasynda 22 eldiń ókilderi Bas poshta odaǵynyń negizin bekitetin Bern kelisimine qol qoıdy. 1878 jyly odaq óz ataýyn ózgertip, Dúnıejúzilik poshta odaǵy dep atala bastady. Búgingi tańda DPO-ǵa 189 memleket múshe. Búkil álemde 9 qazannan bastap halyqaralyq hat aptalyǵy ótkiziledi. Bizdiń elimiz bul odaqqa 1992 jyldyń 27 tamyzynda múshe bolyp kirdi. Sodan beri bul kún Qazaqstanda poshtashylar merekesi retinde jyl saıyn atap ótilip keledi. Biz de oblystyń ár túpkirinde jumys istep júrgen ózimizdiń poshtashy, suryptaýshy, júrgizýshi, ınkassator mamandar men bólim basshylarynyń basyn qosyp ózimizshe atap ótemiz.
Svetlana ZEZIýLINA,
«Qaposhta» AQ №1 jetkizý bóliminiń qyzmetkeri
QOSTANAI
