QAIǴYLARYNA ORTAQTASTY

Keshe Parlament Senatynyń Tóraǵasy Qasym-Jomart Toqaev bastaǵan bir top palata depýtattary Polsha Respýblı­kasynyń Qazaqstandaǵy elshiliginde boldy, dep habarlady osy palatanyń baspasóz qyzmeti. Tóraǵa Polshanyń bizdiń eli­mizdegi dıplomatııalyq mıssııasy­nyń ókilderi men búkil polıak hal­qyna Polsha Respýblıkasynyń Pre­zıdenti Leh Kachınskııdiń, onyń zaıyby Marııa Kachınska­nyń, Senat jáne Seım depýtat­ta­ry­nyń, sondaı-aq Polshanyń joǵary laýazymdy adamdarynyń qaıǵyly jaǵdaıda qaza bolýyna oraı kóńil aıtty. “Sizderdiń qaıǵylaryńyzdy bólise otyryp, Smolensk mańyn­da bolǵan áýe apatynan qaza bol­ǵan­dar­dyń otbasy­laryna, týys­ta­ry men jaqyndaryna kóńil aıta­myz”, – dedi Q.Toqaev. Odan basqa Tóraǵa óziniń pol­­sha­lyq áriptesi – Polsha Senaty­nyń basshysy Bogdan Borýsevıchke kóńil aıtý jedel­ha­tyn joldady. “Qazaqstan Respýblıkasy Par­­lamenti Senatynyń depýtat­tary 2007 jylǵy Astanaǵa resmı sapary ba­rysynda Prezı­dent Kachınskıı­men kezdesýin jyly shyraımen es­ke alady. Polsha basshysy bizdiń jadymyzda óz ómirin otanyna jáne Polsha halqyna qyzmet etýge arnaǵan kórnekti saıası qaıratker jáne patrıot bolyp qalady”, delingen jedelhatta. *  *  * Premer-Mınıstr Kárim Másimov 12 sáýirde Polshanyń Qazaqstandaǵy elshi­liginde boldy. Úkimet basshysy avıasııa apatynda Polsha Prezıdenti Leh Kachınskıı­diń, onyń zaıybynyń, eldiń kór­nekti saıası, azamattyq, dinı basshy­lyǵy ókilderiniń, sondaı-aq olarmen birge bol­ǵandardyń qaıǵyly jaǵdaıda qaza tabýyna baılanysty marqumdardyń týysqan-tý­ǵan­daryna, búkil polıak halqyna kóńil aıtty. – Bizdiń Memleket basshysynyń jáne Qazaqstan Úkimetiniń atynan qatty qaıǵyryp kóńil aıtamyz jáne polıak halqy osy qasiretti eńserip, Polsha buryn belgilengen jolmen odan ári damýy úshin óz boıynan kúsh-jiger jáne batyldyq tabady dep sanaımyz, – dedi Premer-Mınıstr Qazaqstandaǵy Polshanyń dıplomatııalyq mıssııasy ókilderine. *  *  * EQYU-nyń Is ústindegi tóraǵasy, QR Memlekettik hatshysy – Syrtqy ister mınıstri Qanat Saýdabaev Polsha halqyna jáne Reseıdiń Smolensk qalasy mańyndaǵy avıasııa apatynan qaza tapqandardyń otbastaryna kóńil aıtty. “Men Polsha halqyna jáne avıasııa apatynda qaza tapqandardyń otbastaryna qatty qaıǵyryp kóńil aıtamyn. Osynaý qıyn sátterde biz sizdermen birge qaıǵyramyz”, – delingen kóńil aıtý mátininde. *  *  * Smolensk oblysyndaǵy Katyn zıratyna baryp, osy jerde ja­zyq­syz opat bolǵan otandastaryna taǵ­zym etýdi maqsat etken Polsha Res­pýblıkasynyń Prezıdenti Leh Kachınskıı men jubaıy, kóptegen delegasııa músheleri mingen ushaq­tyń áýe apatyna ushyrap, barlyǵy­nyń qaza bolǵany týraly habar qa­zaq­standyqtardy qatty kúızeltti. Osy asa aýyr sátte “Nur Otan” halyqtyq-demokratııalyq partııa­sy­nyń atynan dostas Polsha halqyna, qaza bol­ǵandardyń týys­tary men jaqyn­daryna shyn júrekten qaıǵylaryna ortaqtasyp, kóńil aıtamyz. “Nur Otan” halyqtyq-demo­kratııalyq partııasynyń Saıası keńesi.