«Keshe Qasym-Jomart Kemeluly kóz jumǵan 182 medısına qyzmetkeriniń otbasylaryna, sondaı-aq qyzmet atqarý kezinde COVID-19-ben aýyrǵan dárigerlerge ótemaqy tóleý boıynsha jedel sharalar qabyldaýdy tapsyrdy. Osyǵan baılanysty óńirlerdiń ákimdikterine, densaýlyq saqtaý, eńbek jáne halyqty áleýmettik qorǵaý mınıstrlikterine medısına qyzmetkerleriniń qaıtys bolý faktisi boıynsha ótemaqy tóleýdi ústimizdegi jyldyń 13 qazanynda aıaqtaýdy tapsyramyn. Sondaı-aq aǵymdaǵy jylǵy 17 qazanda óńirlik komıssııalarda ótinimderi qaralǵan kásibı qyzmetti júzege asyrý kezinde aýyrǵan dárigerlerge ótemaqy taǵaıyndaýdy aıaqtaýdy qamtamasyz etý qajet», – dedi E. Toǵjanov.
Memleket basshysynyń tapsyrmasyn oryndaý maqsatynda Vedomstvoaralyq komıssııa memlekettik organdarmen, «Atameken» UKP-men jáne otandyq taýar óndirýshilermen talqylaý qorytyndysy boıynsha qorǵanysh maskalaryna 40 teńge, bir rettik medısınalyq maskalarǵa 60 teńge mólsherinde shekti bólshek saýda baǵasyn belgiledi.
Sondaı-aq, E. Toǵjanov jaýapty memlekettik organdarǵa bıznes-qoǵamdastyqpen, salalyq qaýymdastyqtarmen birlesip, halyqqa qyzmettiń qoljetimdiligin arttyrý úshin úsh kúndik merzimde PTR testileý baǵasyn tómendetý máselesin pysyqtap, Vedomstvoaralyq komıssııanyń kelesi otyrysyna kelisilgen usynystardy shyǵarýdy tapsyrdy.
Sonymen qatar, Premer-Mınıstrdiń orynbasary bir apta merzimde óńirlerde PTR testileýdi birkelki ótkizýdi qamtamasyz etýdi, karantındik rejımdi buzýshylyqtardy, onyń ishinde QR memlekettik shekarasy arqyly ótkizý pýnktterinde, áýejaılarda, temirjol vokzaldarynda anyqtaý boıynsha monıtorıng toptarynyń jumysynyń tıimdiligin arttyrýdy tapsyrdy.
Shymkent qalasy, Aqmola, Aqtóbe jáne Batys Qazaqstan oblystarynyń ákimdikterine turaqtandyrý qorlaryndaǵy dárilik zattar rezerviniń kólemin ulǵaıtý tapsyryldy. Sonymen qatar, koronavırýs ınfeksııasynyń taralýyna jol bermeý jáne ınfeksııa oshaqtaryn ýaqtyly oqshaýlaý maqsatynda Vedomstvoaralyq komıssııa «Saqbol» mobıldi qosymshasyn engizýdi maquldady. Qosymsha tegin, jeke derekterdi taratpaıdy, juqtyrǵan adamdarmen baılanys týraly azamattardy ýaqtyly habardar etýge múmkindik beredi.
Keńes qorytyndysy boıynsha Premer-Mınıstrdiń orynbasary birqatar basqa da tapsyrmalar berdi.
