Jeli qoldanýshylary qoqyspen kelgen traktordy vıdeoǵa túsirgen, traktor júrgizýshisi vıdeoǵa túsirip jatqanyn baıqap, ilgeri júrip, alysyraq baryp turmystyq qaldyqtardy tókken. Áleýmettik jelilerge monıtorıng júrgizý kezinde anyqtalǵan atalǵan postty SQO Polısııa departamenti Jergilikti polısııa qyzmeti basqarmasynyń bólimi baqylaýǵa alyp, «Solnechnyı» kentinde turatyn traktor júrgizýshisi anyqtady. Turmystyq qoqysty jáne turmystyq qaldyqtardy jınap qoımaýdan, ýaqtyly shyǵarmaýdan kóringen abattandyrý erejelerin buzǵany, sondaı-aq qorshaǵan ortany lastaǵany úshin ÁQBtK 434-2 baby boıynsha 1989 jyly týǵan Solnechnyı kentiniń turǵyny ákimshilik jaýapqa tartyldy. Oǵan ákimshilik quqyq buzýshylyq týraly is boıynsha qysqartylǵan óndiris tártibinde 5 aılyq eseptik kórsetkish kólemindegi aıyppul salyndy.
Jyl basynan beri oblys ortalyǵynda abattandyrý qaǵıdalaryn buzǵany úshin 3569 adam ákimshilik jaýapkershilikke tartyldy, ortaq paıdalanatyn oryndardy lastaǵany jáne qoqys tastaǵany úshin 826 ákimshilik materıal toltyryldy.
