Astanada British Council jáne Qazaqstandaǵy «Shell» kompanııasynyń uıymdastyrýymen «Fılarmonııa» orkestriniń konserti ótti.
Astanada British Council jáne Qazaqstandaǵy «Shell» kompanııasynyń uıymdastyrýymen «Fılarmonııa» orkestriniń konserti ótti.
Bul kesh Qazaqstan men Ulybrıtanııa arasyndaǵy mádenı baılanystardy nyǵaıtý boıynsha is-sharalar toptamasyndaǵy alǵashqy sharalardyń biri bolyp tabylady.
Konsert basynda sóz alǵan Qazaqstandaǵy British Council dırektory Saımon Ýılıams: «Biz óner salasyndaǵy yntymaqtastyq Qazaqstan men Ulybrıtanııa arasyndaǵy mádenı baılanystardy nyǵaıtýǵa, sondaı-aq, Qazaqstandaǵy mádenı salanyń áleýetin arttyrýǵa kómektesetinine bek senemiz», dep barlyq seriktesterine alǵysyn bildirdi.
Aty ańyzǵa aınalǵan orkestr baǵdarlama boıynsha eki mýzykalyq týyndyny tartý etti. Alǵashqy bólimde Igor Stravınskııdiń «Sarbazdyń oqıǵasy» aspaptyq sıýıtasyn oryndasa, shyǵarmany qazaqstandyq akter Fılıp Voloshın esh múdirmesten asqan sheberlikpen oqyp berdi. Al, ekinshi bólimde ataqty brıtandyq ánshi Ketrın Harrıstiń qatysýymen Ýılıam Ýoltonnyń «Fasad» atty shyǵarmasy oryndaldy. Kesh búkil álem moıyndaǵan dırıjer Robın O'Nıldiń jetekshiligimen ótti.
«Fılarmonııa» orkestri Ulybrıtanııanyń ulttyq orkestri bolyp sanalady. Bul orkestr týyndyny oryndaý sapasymen, mýzyka salasyndaǵy eń sońǵy tehnologııalardy paıdalanýymen erekshelenedi. Jahanǵa esimderi áıgili mýzykanttarymen, onyń ishinde orkestrdiń shyǵarmashylyq jetekshisi bolyp tabylatyn dırıjer Esa-Pekka Salonenmen yntymaqtastyq jasaýynyń arqasynda «Fılarmonııa» orkestri Brıtanııa saz áleminiń ordasyna aınalyp otyr. Qazaqstan men Ulybrıtanııanyń óner sańlaqtary qatysatyn mádenı sharalar kelesi jyly da jalǵasyn tabatyn bolady.
Nurzada KÚMISBEK,
Eýrazııa ulttyq ýnıversıtetiniń stýdenti.
