Is-shara Koreıa Respýblıkasynyń ulttyq merekesi – Memleket qurylǵan kúnine oraılastyryldy, al jobanyń ózi Koreıa Ulttyq kitaphanasynyń bastamasymen jáne Almaty qalasyndaǵy Koreıa Respýblıkasynyń Bas konsýldyǵynyń qoldaýymen júzege asyryldy. Onyń aıasynda kitaphanada arnaıy oqý zaly jabdyqtaldy, onda kelýshiler koreı jazýshylarynyń shyǵarmalarymen tanysyp, koreı ulttyq qoldanbaly óneriniń pánderin tamashalaı alady.
Almaty qalasyndaǵy SIM ókildiginiń basshysy Erlan Ysqaqov alǵy sóz sóılep, halyqtarymyzdyń arasynda shynaıy dostyq qarym-qatynas ornaǵanyn aıtty. Qazirgi ýaqytta Qazaqstandaǵy koreı dıasporasy eki el arasyndaǵy «jandy kópir» ǵana emes, sonymen qatar ekijaqty qarym-qatynastardy damytýdaǵy belsendi element bolyp tabylady, al saıası jáne ekonomıkalyq baılanystar jyldan jylǵa nyǵaıyp keledi. Dıplomat, sondaı-aq órship bara jatqan indet shyńyna gýmanıtarlyq júk túrinde Qazaqstanǵa jan-jaqty kómek kórsetken koreı kompanııalardyń úlesin atap ótip, Koreıa Respýblıkasynyń azamattaryn ulttyq merekesimen quttyqtady.
Qazaqstannyń Ulttyq kitaphanasy úshin bul prezentasııa alǵashqy is-shara emes. Máselen, 1994 jyly Abaı shyǵarmalarynyń koreı tilindegi basylymy usynyldy, al 2004 jyldan bastap onyń qabyrǵalarynda Reseı, Qytaı, Pákistan, Túrkııa, Úndistan jáne Irannyń kitap buryshtary tabysty jumys istep, damyp keledi. Mundaı tájirıbeni engizý elderimiz arasyndaǵy mádenı-aqparattyq yntymaqtastyqty nyǵaıtýda yntalandyrýshy faktor bolyp tabylady.
