Jobanyń avtory ataqty qazaqstandyq ssenarıst jáne rejısser – Málik Zenger. Ol kóptegen zamanaýı ártisterdiń beınebaıandaryn túsirgen óz isiniń mamany.
Ánniń negizinde 7 jasynda ákesinen aıyrylǵan jáne oǵan án arnaýdy armandaǵan qyzdyń oqıǵasy jatyr. Sondyqtan, rejısserdiń basty nazary jumystary óte qaýipti jáne ómirin qaterge tigetin qyzmettegi sarbazdar, ǵaryshkerler, órt sóndirýshilerge túsken.
"Bul – ómirin qaýipke tikken mamandyqta jumys isteıtin ákelerge arnalǵan balalardyń odasy. Iаǵnı bir adam týraly án ǵana emes, jalpy ákeleri qaıtyp oralmaǵan barsha balalardyń áni", dedi qysqasha beınebaıannyń sıýjeti týraly Málik Zenger.
Baıqaýdyń grand-fınalyn "Habar" telearnasynyń tikeleı efırinde kórsetedi. Álemde qalyptasqan epıdemııalyq jaǵdaıǵa baılanysty, Eýropalyq habar taratý odaǵy bul baıqaýdy ár qatysýshy óz elinde telekópir formatynda ótkizý týraly sheshim qabyldady. Konkýrstyń jeńimpazy qazylar alqasynyń daýys berýi jáne onlaın-daýys berý arqyly anyqtalady.
Atalǵan baıqaýǵa Qazaqstannyń osymen úshinshi márte qatysýy "Habar" Agenttiginiń 2016 jyldan beri Eýropalyq habar taratý odaǵynyń (EVU) qaýymdasqan múshesi atanýynyń arqasynda múmkin bolyp otyr.
