MEMLEKETTIK BAǴDARLAMA О́MIRGE JOLDAMA ALDY

Keshe Premer-Mınıstr Kárim Másimovtiń tóraǵalyǵymen kezekti Úkimet otyrysy bolyp ótti. Onda elimizdiń 2010-2014 jyldardaǵy úde­meli ındýstrııalyq-ınnovasııalyq damýynyń memlekettik baǵdar­lamasyn júzege asyrý jónindegi sharalar jospary talqylanyp, bekitildi. Úkimet múshelerin memlekettik baǵdaralamany is júzine asyrý jónindegi sharalar josparymen Indýstrııa jáne jańa tehno­lo­gııa­lar vıse-mınıstri Albert Raý tanystyrdy. Onyń aıtýyn­sha, sha­ralar josparynyń joba­sy barlyq memlekettik organdar men vedom­stvolardyń, oblys ákim­dikteriniń “Samuryq-Qa­zy­na” UÁQ, “Qaz­agro” ulttyq hol­dıngi­niń birlesken jumys­ta­ry­nyń nátıjesinde daı­yn­dalǵan. Bul rette keshendi jos­parlardy júzege asyrý jónindegi halyq­ara­lyq tájirıbeler jan-jaqty es­kerilgen. Baıandamashynyń aı­týyn­sha, árbir jeke jospardy is júzine asyrý úshin tek qana bir memlekettik organ nemese ve­domstvo jaýap beredi. “Indýstrııalandyrý karta­sy­na” kiretin jobalardyń tizimi to­lyq anyqtalǵan. Sóıtip elimiz boıynsha “Indýstrııalandyrý kar­tasyna” jalpy quny 6,8 trıl­lıon teńgeni quraıtyn 101 joba engizilgen. Bul jobalardy is júzine asyrý bary­synda elimiz boıynsha 130 myń ýaqytsha ju­mys orny ashylady. Al belgi­len­gen jobalar tolyq paı­da­la­nýǵa berilgennen keıin 90 myń­nnan astam adam turaqty jumys orny­men qamtylmaq. Albert Raý erek­she atap kórsetkendeı, bul jo­balar óndiris salalary boıyn­sha naqtylanǵan jáne oń baǵaǵa ıe bolǵan. Sondaı-aq, bul jospar Respýblıkalyq úılestirý keńe­sin­de jáne Qazaqstan ekonomı­ka­syn ártaraptandyrý jónindegi mem­leket­tik komıssııada talqy­la­nyp, jan-jaqty qoldaýǵa ıe bolǵan. Sol sııaqty el Úkimeti qosym­sha bilim berý, densaýlyq saqtaý jáne tilderdi damytý baǵdarla­ma­laryn belgileýde. Bul týraly Úkimet otyrysynda Premer-Mı­nıstr Kárim Másimov málim­dedi. “Qazirgi tańda Ekonomı­ka­lyq saıasat jónindegi keńeste taǵy úsh baǵdarlama belsendi túr­de talqy­la­ný­da. Taıaý ýaqytta  bul baǵ­darla­ma­lar qoǵamdyq uıym­dardyń naza­ry­na usynyl­maq”, dedi Úkimet bas­shysy. Pre­mer-Mınıstr bul úsh baǵdar­la­ma­nyń 2030 jylǵa deıingi Qa­zaq­stannyń strategııalyq damý baǵdar­la­masyna jáne údemeli ın­dýs­trııa­lyq-ınnovasııalyq damý jos­paryna sáıkes naqty ári tıimdi bolýy qajet ekendigin erekshe atap kórsetti. Tilderdi damytý baǵdarlamasy týraly aıtqanda, Kárim Másimov bul baǵdarlama boıynsha bıylǵy jyly ne istelýi kerek, kelesi jyly qandaı sharalar júzege asy­rylýǵa tıis jáne 10 jyldan keıin ne istelýi kerek degen má­seleler naqty kórinis tabýy qa­jet ekendigin eskerte kelip, 10 jyldan keıin elimizdiń árbir azamaty memlekettik tilde sóıleýi qajet, bul – bizdiń maqsatymyz, dedi. Sonymen birge, Úkimet oty­ry­synda “Bıznestiń jol kartasy-2020” baǵdarlamasy da talqylan­dy. Bul baǵdarlamany is júzine asyrý máseleleri týraly Ekono­mı­kalyq damý jáne saýda mı­nıs­tri Janar Aıtjanova baıandama jasady. Baıan­damashynyń aıtýy boıynsha, “Bız­nestiń jol kar­tasy-2020” 2010-2014 jyldardaǵy ındýstrııalyq-ın­novasııalyq da­mýdyń memle­ket­tik baǵdarlama­syn júzege asyrýdyń negizgi te­tik­teriniń biri bolyp ta­by­lady. Jol kartasyn is júzine asyrý maqsatynda 2010 jyly res­pýb­­lı­ka­lyq bıýdjette 30 mıllıard teń­ge qarastyrylǵan. Bul baǵdarla­ma mynandaı úsh baǵyttan turady:  birinshi, jańa bıznes bastama­lar­dy qoldaý, ekinshi, kásipkerlik salany saýyqtyrý, úshinshi, eksportqa beıimdelgen óndiriske jan-jaqty qoldaý kórsetý. Birinshi baǵytty is júzine asyrý maqsatynda kásipkerler alǵan nesıeler boıynsha paıyz­dyq stav­kalar sýbsıdııalanady, ishinara ne­sıe­lerge kepildik be­ri­ledi, sonymen birge bıznesti júr­gizý úshin ser­vıs­tik qoldaý kór­se­tilip, óndiristik (ındýstrııalyq) ınfraqurylymdar damytylady. 2011 jyldan bastap áleýmettik jumys oryndary uıym­dastyry­lyp, kadrlar daıarlaý máselesi qol­ǵa alynady. Osy baǵyt boı­yn­sha nesılerdi sýbsıdııalaý jańa nesıeler boıynsha da, sol sııaqty jańa ınvestısııalyq jo­balardy júzege asyrý úshin alyn­ǵan ne­sıeler boıynsha da beri­le­tin bolady. Bankter beriletin nesıe­lerdiń paıyzdyq stavkasyn 12 paıyzdan asyrmaýǵa tıis. Onyń 7 paıyzyn baǵdarlamaǵa qa­tysýshy kásipkerler tóleıtin bolsa, 5 paıyzyn memleket óteıtin bolady. Memleket basshysy Nursul­tan Nazarbaev Astana qalasynda saly­nyp jatqan Halyqaralyq jańa ýnı­versıtette bilim alatyn jas­tarǵa qosymsha 500 grant bólý týra­ly sheshim qabyldaǵan bola­tyn. Osy­ǵan baılanysty Úkimet oty­ry­synda Kárim Másimov Qar­jy, Bi­lim jáne ǵylym mınıstr­likterine bul qarjymen der ke­zin­de qamta­ma­syz etý máselesin tap­syrdy. So­ny­men birge Úkimet basshysy ústimiz­degi jyldyń 1 qyr­kúıegine deıin Astana qala­sy­nyń ákimdigine, Qu­ry­lys jáne turǵyn úı-kommýnal­dyq sharýa­shy­lyq isteri jónindegi agenttikke jáne TKSh-larǵa, stý­dentter úshin 500 oryndyq jataq­ha­nany paıdalanýǵa berý jáne oqy­tý­shy­lardy turǵyn úımen qam­ta­masyz etý máselesin sheshýdi tapsyrdy. Qazirgi kezde kásipkerlerdiń kópshiligi Keden odaǵy jónindegi birqatar keleli suraqtarǵa jaýap izdeýde. Osyǵan baılanysty ká­sip­kerlerge Keden odaǵyna qatys­ty týyndaǵan barlyq suraqtarǵa túsinik beretin jumys toby qu­ryl­ǵan. Úkimet otyrysynda Pre­mer-Mınıstr Kárim Másimov elimizdiń barlyq kásipkerlerin ózderin tolǵandyryp otyrǵan máseleler boıynsha osy jumys tobymen habarlasýǵa shaqyrdy. “Bizdiń mindetimiz Kedendik odaq aıasynda elimizdiń barlyq kásip­ker­lerine tıimdi de qolaıly jaǵ­daı týǵyzý”, dedi Úkimet basshysy. Úkimet otyrysynda qaralǵan máseleler boıynsha Premer-Mı­nıstr tıisti organdarǵa, ákimdikterge naqty tapsyrmalar berip, onyń der kezinde jáne sapaly oryndalýyn qamtamasyz etýdi júktedi. Jylqybaı JAǴYPARULY.