Astanadaǵy «Beıbitshilik jáne kelisim» saraıynda XVI halyqaralyq «Shabyt» shyǵarmashyl jastar festıvaliniń jabylýyna arnalǵan gala-konsert ótti.
Astanadaǵy «Beıbitshilik jáne kelisim» saraıynda XVI halyqaralyq «Shabyt» shyǵarmashyl jastar festıvaliniń jabylýyna arnalǵan gala-konsert ótti.
Atalmysh festıvalge bıyl Qazaqstan men TMD elderinen úkili úmitterin arqalap, at terletip kelgen 500 qatysýshy 6 atalym boıynsha alaman báıgege tústi. Al, osy baıqaýda tabandy tartysqa túsip, óziniń erekshe talantymen tańǵaldyryp, tyń týyndysymen tamsandyra alǵan naǵyz daryndy jas ónerpazdardy anyqtaýǵa bıyl Italııa, Izraıl, Ýkraına, Polsha, Reseı, Belarýs, Qyrǵyzstan, Latvııa, Túrkııa jáne óz elimizdiń óner maıtalmandary, mádenıet qaıratkerleri atsalysty. О́nerdiń asqar shyńyna shyqqan osy alyp tulǵalarǵa úzdikterdi tańdaý ońaı bolmaǵan kórinedi.
Gala-konsert Qazaq ulttyq óner ýnıversıtetiniń «Shabyt» bı ujymynyń ulttyq bıimen ashyldy. Dál osy jas bıshiler ujymy «horeografııa» atalymynda Gran-prı ıelendi. Odan keıin sahnada «Astana Opera» teatrynyń solısteri, balettiń jas juldyzdary Mádına Baspaeva men Rústem Seıitbekov óner kórsetti. Kezek «klassıkalyq mýzyka» atalymynyń jeńimpazdaryn marapattaýǵa berildi. «Úrmeli aǵash aspaptary» atalymynda baq synasqan 16 úmitker arasynda elordalyq Roza Lebedeva úzdik bolsa, «mys úrmeli aspaptar» atalymynda bas júlde Máskeýde bilim alyp jatqan otandasymyz Jasulan Ábdiqalyqovqa buıyrdy. Al, «soqpaly aspaptar» atalymynda Bolat Turabekov, «baıan-akkordeon» atalymy boıynsha Petr Babın jeńiske jetti. «Estradalyq vokal» atalymyndaǵy eń jas ónerpaz 16 jasar Emın Emınzade óz eli týraly «Ázerbaıjan» ánin oryndap berdi, biraq bul atalymda Kıev qalasynan kelgen Margarıta Meleshko Gran-prı júldesin aldy. Qazaqstannyń eńbek sińirgen qaıratkeri, kompozıtor Seken Turysbek «Kók túrikter» folklorlyq-etnografııalyq ansambline «Halyq mýzykasy» atalymynyń Gran-prı júldesin tabystady. Barlyq atalymnyń úzdikteri sahnada án aıtyp, bı bılep, aspaptarda oınasa, «úzdik ádebı shyǵarma» atalymynyń jeńimpazy Qýat Kıikbaı óz shyǵarmasynan úzindi oqyp berdi. Eń sońynda, barlyq jınalǵan qaýym tynymsyz kútken Bas júlde ıegeri de anyqtaldy. «Beıneleý óneri» atalymynda synǵa túsken almatylyq Almas Mustafaevtyń «О́rteke» dala teatry týyndysy Gran-prıge ǵana emes, Prezıdent Kýbogyna da laıyqty dep tanyldy. Marapattaý rásiminde sóz alǵan jeńimpaz óz qýanyshyn bylaı jetkizdi: «Bas júldeni alý túsime de kirmegen edi. Birinshiden, qazaq ulttyq óneriniń damýyna úles qosqan Turdyǵul Jolaýshy ustazyma sheksiz boryshtymyn. Osy oraıda, Qazaqstan Sýretshiler odaǵy men sheberler qaýymdastyǵynyń eńbegi zor, sebebi, halyqaralyq baıqaýlarǵa jastardy qatystyrýǵa atsalysty. Al, biz bolsaq tájirıbe jınap, shyńdalyp, bilim kókjıegimizdi keńeıttik. Bul tek qana meniń jetistigim emes. Sondyqtan, búgingi «Shabyt» festıvaliniń barlyq uıymdastyrýshylaryna alǵysymdy bildiremin.
«Beıneleý óneri» atalymynyń qatysýshysy alǵash ret Prezıdent Kýbogyn óz qanjyǵasyna baılady. Bul tarıhı oqıǵa bıylǵy festıvaldiń ereksheligi bolyp tabylady. Qazylar alqasynyń quramynda bolǵan sheteldik meıman Ýkraına Respýblıkasynyń eńbek sińirgen qaıratkeri, halyqaralyq «Moloda Galıchıny» festıvaliniń dırektory – Natalıa Koval bylaı dep óz áserimen bólisti: «Festıval qyzyqty ári tartysty ótti. Baıqaǵanym, bul elde ulttyq qundylyqtar jaqsy saqtalǵan. Sebebi, ulttyq mádenıetti ulyqtaýǵa atsalysyp, ony dáripteýdi, damytýdy maqsat etken jastar az emes eken. Oǵan qosa, men 22 jyl basqaryp kele jatqan Ýkraınadaǵy festıvalde keıde demeýshiler jaǵynan máseleler týyndap jatady. Al, bul memlekette jastarǵa úlken kóńil bólinedi eken. Keremet emes pe?!
Osy baıqaý týraly baıandaı otyryp esime alashtyń ardaqtysy Maǵjan Jumabaevtyń «Qajý bar ma tulparǵa, Talý bar ma suńqarǵa?! Iman kúshti olarda, Men jastarǵa senemin!..» degen óleń joldary tústi.
Nurzada KÚMISBEK,
Eýrazııa ulttyq ýnıversıtetiniń stýdenti.
