2013 jylǵy 2 tamyz, Astana, Úkimet Úıi
«Qazaqstan Respýblıkasynyń memlekettik qorǵanystyq tapsyrysyn qalyptastyrý, ornalastyrý jáne oryndaý erejesin bekitý týraly» Qazaqstan Respýblıkasy Úkimetiniń 2009 jylǵy 29 jeltoqsandaǵy № 2219 qaýlysyna ózgerister engizý týraly
Qazaqstan Respýblıkasynyń Úkimeti qaýly etedi:
1. «Qazaqstan Respýblıkasynyń memlekettik qorǵanystyq tapsyrysyn qalyptastyrý, ornalastyrý jáne oryndaý erejesin bekitý týraly» Qazaqstan Respýblıkasy Úkimetiniń 2009 jylǵy 29 jeltoqsandaǵy № 2219 qaýlysyna (Qazaqstan Respýblıkasynyń PÚAJ-y, 2010 j., № 3, 21-qujat) mynadaı ózgerister engizilsin:
kórsetilgen qaýlymen bekitilgen Qazaqstan Respýblıkasynyń memlekettik qorǵanystyq tapsyrysyn qalyptastyrý, ornalastyrý jáne oryndaý erejesinde:
3-tarmaqtyń toǵyzynshy abzasy mynadaı redaksııada jazylsyn:
«О́tinimder úsh jyldyq kezeńge arnalǵan respýblıkalyq bıýdjette kózdelgen baǵdarlamalar, kishi baǵdarlamalar bólinisinde usynylady.»;
4-tarmaqtyń birinshi bóligi mynadaı redaksııada jazylsyn:
«4. Ýákiletti organ qorǵanystyq tapsyrystyń jobasyn memlekettik tapsyrys berýshilerdiń ótinimderi boıynsha eldiń qorǵanysy men qaýipsizdigin qamtamasyz etý salasyndaǵy Qazaqstan Respýblıkasynyń Memlekettik josparlaý júıesi qujattarynyń negizinde, sondaı-aq Qazaqstan Respýblıkasynyń halyqaralyq sharttary men mindettemelerin eskere otyryp, tıisti josparly kezeńge arnalǵan respýblıkalyq bıýdjetti qalyptastyrý kezinde osy maqsattarǵa belgilengen shyǵystar sheginde ázirleıdi jáne qalyptastyrady.»;
5, 6-tarmaqtar mynadaı redaksııada jazylsyn:
«5. Qorǵanystyq tapsyrysty oryndaýshylardy aıqyndaý maqsatynda tapsyrys berýshi úsh jyldyq kezeńge arnalǵan respýblıkalyq bıýdjetti bekitken kúninen bastap kúntizbelik on kúnnen keshiktirmeı otandyq taýar óndirýshilerdiń, áskerı jáne qosarlanǵan maqsattaǵy jumystardy, kórsetiletin qyzmetterdi otandyq jetkizýshilerdiń jáne ýákiletti uıymnyń mekenjaıyna qorǵanystyq tapsyrys ónimin satyp alý nıeti týraly suraý salýdy joldaıdy. Mundaı suraý salý mynadaı málimetterdi:
1) satyp alynatyn taýarlardyń, jumystardyń, kórsetiletin qyzmetterdiń ataýyn jáne taktıkalyq-tehnıkalyq sıpattamalaryn (tehnıkalyq erekshelikti);
2) taýarlar (ónimder) sanyn, oryndalatyn jumystardyń, kórsetiletin qyzmetterdiń kólemderin;
3) taýarlardy (ónimdi) jetkizý, jumystardy, kórsetiletin qyzmetterdi oryndaý ornyn jáne talap etiletin merzimderdi;
4) jetkiziletin taýarlarǵa (ónimge), oryndalatyn jumystarǵa, kórsetiletin qyzmetterge kepildeme merzimin;
5) quny taýarlardyń (ónimderdiń), jumystardyń, kórsetiletin qyzmetterdiń qunyna qosylýǵa tıis ilespe qyzmetter tizbesin;
6) tólem shartyn, onyń ishinde avanstyq tólem mólsherin;
7 áleýetti oryndaýshylardyń suraý salýǵa jaýap berý merzimin;
8) áskerı jáne arnaıy kıim nysanyn, aıyrym belgilerin jáne jeke qorǵaný quraldaryn satyp alý kezinde tájirıbelik úlgilerdi usyný qajettiligi týraly talapty;
9) baǵalyq (kommersııalyq) usynystardy qamtıdy.
Áleýetti oryndaýshylardyń jaýap berý merzimi tapsyrys berýshiniń suraý salýy kelip túsken sátten bastap kúntizbelik on kúndi quraıdy.
6. Otandyq taýar óndirýshiler, áskerı jáne qosarlanǵan maqsattaǵy jumystardy jáne kórsetiletin qyzmetterdi otandyq jetkizýshiler qatarynan oryndaýshylardy tańdaýdy tapsyrys berýshi mynadaı ólshemder boıynsha júzege asyrady:
1) áleýetti oryndaýshylar usynatyn qorǵanystyq tapsyrys ónimi tehnıkalyq sıpattamalary memlekettik tapsyrys berýshi suraý salýynyń talaptaryna sáıkes keledi;
2) taýarlardy (ónimderdi), jumystar men kórsetiletin qyzmetterdi óndirý úshin qajetti, tapsyrys berýshi aıqyndaǵan kólemde qorǵanystyq tapsyrys máni bolyp tabylatyn qyzmettiń tıisti túrin júzege asyrýǵa lısenzııanyń, óndiristik úı-jaılardyń, tehnologııalyq jabdyqtardyń jáne bilikti mamandardyń bolýy;
3) taýarlardy (ónimderdi), júmystar men kórsetiletin qyzmetterdi óndirý úshin qajetti, tapsyrys berýshi aıqyndaǵan kólemde qorǵanystyq tapsyrys máni bolyp tabylatyn áskerı jáne arnaıy kıim nysanyn, aıyrym belgilerin jáne jeke qorǵaný quraldaryn shyǵarý salasynda mamandandyrylǵan oryndaýshylar úshin óndiristik (qoımalyq) úı-jaılardyń jáne menshik quqyǵyndaǵy tehnologııalyq jabdyqtardyń bolýy.
Ǵylymı-zertteý jáne tájirıbelik-konstrýktorlyq jumystar salasynda mamandandyrylǵan oryndaýshylarda arnaıy ekonomıkalyq aımaqta ornalasqan óndiristik (qoımalyq) úı-jaılardyń jáne menshik quqyǵyndaǵy tehnologııalyq jabdyqtardyń bolýy da mindetti emes.
Eger eki jáne odan da astam áleýetti oryndaýshylarda berilgen usynystar tapsyrys berýshiniń talaptaryna sáıkes kelgen jaǵdaıda, eń tómen baǵa usynǵandar oryndaýshylar bolyp aıqyndalady.
Áleýetti oryndaýshylar tapsyrys berýshiniń suraý salýynda kórsetilgennen jaqsy taktıkalyq-tehnıkalyq (tehnıkalyq) sıpattamalary bar qorǵanystyq tapsyrys ónimin usynýy múmkin.
Sondaı-aq, Qazaqstan Respýblıkasynyń ındýstrııalyq-ınnovasııalyq damýy sheńberinde ınvestısııalyq jobalardy oryndaıtyn, óndiristik qýatty jańǵyrtýdy jáne jaraqtandyrýdy, jańa óndiristerdi, sehtardy salýdy, mamandardy oqytýdy júzege asyratyn, tehnologııalar transferti jónindegi ofsettik saıasatty qoldanatyn jáne sheteldik óndirýshilermen óndiristiń jańa baǵyttaryn, perspektıvaly taýarlardy (ónimderdi), jumystardy jáne áskerı jáne qosarlanǵan maqsattaǵy (qoldanystaǵy) kórsetiletin qyzmetterdi ıgerýdi boljaıtyn kooperasııalardy quratyn otandyq taýar óndirýshiler, halyqaralyq sharttarda kózdelgen qorǵanystyq tapsyrys ónimin satyp alý boıynsha jumystardy, áskerı jáne qosarlanǵan maqsattaǵy kórsetiletin qyzmetterdi otandyq jetkizýshiler qorǵanystyq tapsyrysty basym tártippen oryndaýshylar bolyp tanylady.».
7-tarmaqtyń birinshi bóligi mynadaı redaksııada jazylsyn:
«7. Otandyq taýar óndirýshiler jáne taýarlardy (ónimderdi), jumystardy, kórsetiletin qyzmetterdi otandyq jetkizýshiler qatarynan oryndaýshylardy aıqyndaý múmkin bolmaǵan jaǵdaıda ýákiletti uıym oryndaýshy bolyp tanylady.»;
11-tarmaqtyń ekinshi bóligi mynadaı redaksııada jazylsyn:
«Otandyq taýar óndirýshiler, jumystardy, kórsetiletin qyzmetterdi otandyq jetkizýshiler qatarynan oryndaýshylar tapsyrys berýshige qorǵanystyq tapsyrys ónimine shyǵyndardyń negizdemesin usynady.».
2. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri S.Ahmetov.
