Qazaqstan Respýblıkasynyń Úkimeti qaýly etedi:
1. «Azamattardy dárilik zattarmen qamtamasyz etý erejesin bekitý týraly» Qazaqstan Respýblıkasy Úkimetiniń 2009 jylǵy 15 jeltoqsandaǵy №2135 qaýlysyna (Qazaqstan Respýblıkasynyń PÚAJ-y, 2009 j., №59, 582-qujat) mynadaı ózgeris engizilsin:
7-tarmaq mynadaı redaksııada jazylsyn:
«7. Qazaqstan Respýblıkasy Densaýlyq saqtaý mınıstrliginiń formýlıarlyq komıssııasy (budan ári – formýlıarlyq komıssııa) Qazaqstan Respýblıkasy Densaýlyq saqtaý mınıstrliginiń konsýltasııalyq-keńesshi jáne sarapshy organy bolyp tabylady. Formýlıarlyq komıssııa qyzmetiniń erejesi men tártibin densaýlyq saqtaý salasyndaǵy ýákiletti organ bekitedi.
Dárilik formýlıardy qalyptastyrýdy jáne medısınalyq uıymnyń dárilik zattarǵa qajettiligin anyqtaýdy uıymnyń formýlıarlyq komıssııasy medısınalyq uıymnyń bıýdjettik baǵdarlamasynyń ákimshisi kózdegen bıýdjet qarajaty sheginde júzege asyrady jáne uıymynyń basshysy bekitedi.».
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
