2013 jylǵy 26 tamyz, Astana, Úkimet Úıi
Sýdıa teris sebepter boıynsha laýazymynan bosatylǵan jaǵdaıda, sýdıalar úshin qosymsha belgilengen mindetti zeınetaqy jarnalarynyń somalaryn alyp qoıý jáne bıýdjetke aýdarý qaǵıdalaryn bekitý týraly
«Qazaqstan Respýblıkasynda zeınetaqymen qamsyzdandyrý týraly» 2013 jylǵy 21 maýsymdaǵy Qazaqstan Respýblıkasynyń Zańy 6-babynyń 4) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Sýdıa teris sebepter boıynsha laýazymynan bosatylǵan jaǵdaıda, sýdıalar úshin qosymsha belgilengen mindetti zeınetaqy jarnalarynyń somalaryn alyp qoıý jáne bıýdjetke aýdarý qaǵıdalary bekitilsin.
2. «Sýdıa teris sebepter boıynsha laýazymynan bosatylǵan jaǵdaıda, sýdıalar úshin qosymsha belgilengen mindetti zeınetaqy jarnalarynyń somalaryn alyp qoıý jáne bıýdjetke aýdarý qaǵıdalaryn bekitý týraly» Qazaqstan Respýblıkasy Úkimetiniń 2013 jylǵy 14 mamyrdaǵy № 479 qaýlysynyń kúshi joıyldy dep tanylsyn.
3. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2013 jylǵy 26 tamyzdaǵy №838 qaýlysymen bekitilgen
Sýdıa teris sebepter boıynsha laýazymynan bosatylǵan jaǵdaıda, sýdıalar úshin qosymsha belgilengen mindetti zeınetaqy jarnalarynyń somalaryn alyp qoıý jáne bıýdjetke aýdarý qaǵıdalary
1. Osy Sýdıa teris sebepter boıynsha laýazymynan bosatylǵan jaǵdaıda, sýdıalar úshin qosymsha belgilengen mindetti zeınetaqy jarnalarynyń somalaryn alyp qoıý jáne bıýdjetke aýdarý qaǵıdalary (budan ári – Qaǵıdalar) «Qazaqstan Respýblıkasynda zeınetaqymen qamsyzdandyrý týraly» 2013 jylǵy 21 maýsymdaǵy Qazaqstan Respýblıkasynyń Zańy 6-babynyń 4) tarmaqshasyna sáıkes ázirlendi jáne sýdıa teris sebepter boıynsha laýazymynan bosatylǵanda jaǵdaıda, sýdıalar úshin qosymsha belgilengen mindetti zeınetaqy jarnalarynyń somalaryn alyp qoıý jáne bıýdjetke aýdarý tártibin aıqyndaıdy.
2. Sýdıa teris sebepter boıynsha laýazymynan bosatylǵan kezde Qazaqstan Respýblıkasy Joǵarǵy Sotynyń, jergilikti jáne basqa da sottardyń qyzmetin uıymdyq jáne materıaldyq-tehnıkalyq qamtamasyz etý jónindegi ýákiletti organ nemese oblystardaǵy, astanadaǵy jáne respýblıkalyq mańyzy bar qalalardaǵy aýmaqtyq bólimsheler (budan ári – agent) sýdıany teris sebepter boıynsha laýazymynan bosatý týraly Qazaqstan Respýblıkasy Prezıdentiniń Jarlyǵyna qol qoıylǵannan nemese Qazaqstan Respýblıkasy Parlamenti Senatynyń qaýlysy qabyldanǵannan keıin bes jumys kúni ishinde Qazaqstan Respýblıkasy Eńbek jáne halyqty áleýmettik qorǵaý mınıstrliginiń «Zeınetaqy tóleý jónindegi memlekettik ortalyǵy» respýblıkalyq memlekettik qazynalyq kásipornyna (budan ári – Ortalyq) osy Qaǵıdalarǵa 1-qosymshaǵa sáıkes respýblıkalyq bıýdjet qarajaty esebinen sýdıanyń aı saıynǵy tabysynan qosymsha aýdarylǵan mindetti zeınetaqy jarnalarynyń somalaryn alyp qoıý týraly ótinishpen (budan ári – ótinish) júginedi.
О́tinishke osy Qaǵıdalarǵa 2-qosymshaǵa sáıkes teris sebepter boıynsha laýazymynan bosatylǵan sýdıalardyń tizimi (budan ári – tizim) qosa beriledi.
Tizim árbir jeke tulǵa boıynsha mynadaı málimetterdi qamtıdy:
1) jeke sáıkestendirý nómiri;
2) tegi, aty, ákesiniń aty (bolǵan kezde);
3) týǵan kúni;
4) jynysy;
5) jeke basyn kýálandyratyn qujattyń nómiri, ony bergen memlekettik organ týraly málimetter, berilgen kúni;
6) bıýdjetke alyp qoıýǵa jatatyn respýblıkalyq bıýdjet qarajaty esebinen sýdıanyń aı saıynǵy tabysynan qosymsha aýdarylǵan mindetti zeınetaqy jarnalarynyń somasy (budan ári – mindetti zeınetaqy jarnalarynyń somalary). Tegi, aty, ákesiniń aty (bolǵan kezde) ózgergen jaǵdaıda burynǵy tegi, aty, ákesiniń aty (bolǵan kezde) kórsetiledi.
3. О́tinishte:
1) agenttiń ataýy jáne derektemeleri (bıznes sáıkestendirý nómiri (budan ári – BSN), 2013 jylǵy 1 qańtarǵa deıingi tólemder boıynsha salyq tóleýshiniń tirkeý nómiri;
2) banktik sáıkestendirý kody (budan ári – BSK);
3) jeke sáıkestendirý kody (budan ári – JSK);
4) tólem qujattarynyń derektemeleri (nómiri, kúni jáne somasy) kórsetiledi.
О́tinishke:
1) Qazaqstan Respýblıkasy Joǵarǵy Sotynyń Tóraǵasyna, Qazaqstan Respýblıkasy Joǵarǵy Sotynyń sot alqalarynyń tóraǵalaryna jáne sýdıalaryna qatysty – Qazaqstan Respýblıkasy Joǵarǵy Soty janyndaǵy Sottardyń qyzmetin qamtamasyz etý departamentiniń (Qazaqstan Respýblıkasy Joǵarǵy Soty apparatynyń) basshysy;
2) jergilikti jáne basqa da sottardyń tóraǵalaryna, sot alqalarynyń tóraǵalaryna jáne sýdıalaryna qatysty – oblystardaǵy, astanadaǵy jáne respýblıkalyq mańyzy bar qalalardaǵy aýmaqtyq bólimshelerdiń (sot keńseleriniń) basshylary, sondaı-aq bas býhgalter qol qoıady jáne ol eltańbaly mórmen rastalady. Eger bas býhgalterdiń laýazymy kózdelmegen bolsa, alyp qoıýǵa arnalǵan ótinishke tıisti belgi qoıylady.
4. Mindetti zeınetaqy jarnalarynyń somalaryn alyp qoıýǵa alynǵan qujattardyń negizinde Ortalyq bes jumys kúni ishinde kórsetilgen somalardy biryńǵaı jınaqtaýshy zeınetaqy qorynan alyp qoıýǵa arnalǵan elektrondyq ótinimdi nómiri men kúnin bere otyryp, qalyptastyrady.
Elektrondyq ótinimde:
1) osy Qaǵıdalardyń 2-tarmaǵynyń úshinshi bóliginde kórsetilgen salymshynyń derektemeleri;
2) ótinimniń nómiri men kúni;
3) mindetti zeınetaqy jarnalarynyń somasy kórsetiledi.
Elektrondyq ótinim aqparatty jetkizýdiń qarjylyq avtomattandyrylǵan júıesi arqyly biryńǵaı jınaqtaýshy zeınetaqy qoryna jiberiledi.
5. Biryńǵaı jınaqtaýshy zeınetaqy qory Ortalyqtan mindetti zeınetaqy jarnalarynyń somalaryn alyp qoıýǵa arnalǵan elektrondyq ótinimdi alǵan kúninen bastap bes jumys kúni ishinde Ortalyq ótiniminiń nómiri men kúnin kórsete otyryp, mindetti zeınetaqy jarnalarynyń somalaryn aýdarýdy júzege asyrady.
Biryńǵaı jınaqtaýshy zeınetaqy qory mindetti zeınetaqy jarnalarynyń somalaryn aýdarýdy Ortalyqtyń banktik shotyna tizimdi qosa bere otyryp, tólem tapsyrmasymen júrgizedi.
6. Ortalyq biryńǵaı jınaqtaýshy zeınetaqy qorynan mindetti zeınetaqy jarnalarynyń somalary túsken kúninen bastap úsh jumys kúni ishinde olardy ótinishte kórsetilgen derektemelerge sáıkes agentke aýdarýdy júrgizedi.
7. Sýdıa teris sebepter boıynsha laýazymynan bosatylǵan jaǵdaıda, agenttiń sýdıalarǵa qosymsha belgilengen mindetti zeınetaqy jarnalarynyń somalaryn bıýdjetke aýdarýy Qazaqstan Respýblıkasynyń bıýdjet zańnamasynda belgilengen tártippen júzege asyrylady.
Sýdıa teris sebepter boıynsha laýazymynan bosatylǵan jaǵdaıda, sýdıalar úshin qosymsha belgilengen mindetti zeınetaqy jarnalarynyń somalaryn alyp qoıý jáne bıýdjetke aýdarý qaǵıdalaryna 1-qosymsha
Sýdıa teris sebepter boıynsha laýazymynan bosatylǵan kezde respýblıkalyq bıýdjet qarajaty esebinen sýdıanyń aı saıynǵy tabysynan qosymsha aýdarylǵan mindetti zeınetaqy jarnalarynyń somalaryn alyp qoıýǵa arnalǵan agenttiń
ótinishi
«Qazaqstan Respýblıkasy Eńbek jáne halyqty
áleýmettik qorǵaý mınıstrliginiń
Zeınetaqy tóleý jónindegi memlekettik ortalyǵy»
RMQK bas dırektory
_____________________________
1. Mindetti zeınetaqy jarnalaryn tóleýshiniń (agenttiń) derektemeleri
ataýy_________________________________________________________________
BSN (01.01.2013 j. keıingi tólemder boıynsha)_______________________________________
STN (01.01.2013 j. deıingi tólemder boıynsha)______________________________________
BSK _______________ JSK _______________________________________________________
2. Sýdıanyń derektemeleri________________________________________________________
(tegi, aty, ákesiniń aty (bolǵan kezde), týǵan kúni)
JSN ___________________________________________________________________________
mindetti zeınetaqy jarnalarynyń somasy __________________________________________
Alyp qoıýǵa jatatyn soma ________________________________________________
(birneshe tólem tapsyrmalary boıynsha mindetti zeınetaqy jarnalarynyń eseptelgen somalaryn esepten shyǵarý qajet bolǵan jaǵdaıda esepten shyǵarylýǵa jatatyn somalar árbir tólem tapsyrmasyna jeke kórsetiledi)
Alyp qoıylǵan somalardy mynadaı derektemeler boıynsha aýdarýdy suraımyz _________
___________________________________________________________________________
(kásiporynnyń tolyq derekteri, barlyq banktik derektemeleri kórsetiledi)
Qazaqstan Respýblıkasy Joǵarǵy Soty janyndaǵy
Sottardyń qyzmetin qamtamasyz etý departamentiniń
(Qazaqstan Respýblıkasy Joǵarǵy Soty apparatynyń)
basshysy/oblystyq jáne olarǵa teńestirilgen sot
keńsesiniń basshysy
_________________________
(T. A. Á., qoly)
Bas býhgalter ___________________________
(T. A. Á., qoly)
M.O. kúni _____________________
Sýdıa teris sebepter boıynsha laýazymynan bosatylǵan jaǵdaıda, sýdıalar úshin qosymsha belgilengen mindetti zeınetaqy jarnalarynyń somalaryn alyp qoıý jáne bıýdjetke aýdarý qaǵıdalaryna 2-qosymsha
Teris sebepter boıynsha laýazymynan bosatylǵan sýdıalardyń
tizimi
R/s № Agenttiń ataýy men derekte-meleri* Teris sebepter boıynsha laýazymynan bosatylǵan sýdıalar boıynsha málimetter
Jeke basyn kýálandyratyn qujattyń nómiri, ony bergen memlekettik organ týraly málimetter, berilgen kúni Tegi, aty, ákesiniń aty (bolǵan kezde) Týǵan kúni, jynysy Salym-shynyń JSN Laýazymynan bosatý negizi (Qazaqstan Respýblıkasy Prezıdenti Jarlyǵynyń nemese Qazaqstan Respýblıkasy Parlamenti Senaty qaýlysynyń №, kúni) Tólem tapsyrma
synyń №, kúni Bıýdjetke alyp qoıýǵa jatatyn respýblıkalyq bıýdjet qarajatynan qosymsha aýdarylǵan mindetti zeınetaqy jarnalarynyń somasy
* STN (01.01.2013 j. deıingi tólemder boıynsha)
BSN (01.01.2013 j. keıingi tólemder boıynsha)
Qazaqstan Respýblıkasy Joǵarǵy Sotynyń
janyndaǵy Sottardyń qyzmetin qamtamasyz
etý departamentiniń (Qazaqstan Respýblıkasy
Joǵarǵy Soty apparatynyń) basshysy/oblystyq
jáne olarǵa teńestirilgen sot keńsesiniń basshysy
__________(T. A. Á., qoly)
M.O. kúni __________________
