2013 jylǵy 26 tamyz, Astana, Úkimet Úıi
Biryńǵaı jınaqtaýshy zeınetaqy qorynyń ýákiletti uıymmen salymshylardyń (alýshylardyń) jeke zeınetaqy shottary týraly aqparat almasýy qaǵıdalaryn bekitý týraly
«Qazaqstan Respýblıkasynda zeınetaqymen qamsyzdandyrý týraly» 2013 jylǵy 21 maýsymdaǵy Qazaqstan Respýblıkasy Zańynyń 34-baby 9-tarmaǵynyń 15) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Biryńǵaı jınaqtaýshy zeınetaqy qorynyń ýákiletti uıymmen salymshylardyń (alýshylardyń) jeke zeınetaqy shottary týraly aqparat almasýy qaǵıdalary bekitilsin.
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2013 jylǵy 26 tamyzdaǵy №839 qaýlysymen bekitilgen
Biryńǵaı jınaqtaýshy zeınetaqy qorynyń ýákiletti uıymmen salymshylardyń (alýshylardyń) jeke zeınetaqy shottary týraly
aqparat almasýy qaǵıdalary
1. Osy Biryńǵaı jınaqtaýshy zeınetaqy qorynyń ýákiletti uıymmen (budan ári – Ortalyq) salymshylardyń (alýshylardyń) jeke zeınetaqy shottary týraly aqparat almasýy qaǵıdalary (budan ári – Qaǵıdalar) «Qazaqstan Respýblıkasynda zeınetaqymen qamsyzdandyrý týraly» 2013 jylǵy 21 maýsymdaǵy Qazaqstan Respýblıkasy Zańynyń (budan ári – Zań) 34-baby 9-tarmaǵynyń 15) tarmaqshasyna sáıkes ázirlendi jáne biryńǵaı jınaqtaýshy zeınetaqy qorynyń Ortalyqqa salymshylardyń (alýshylardyń) jeke zeınetaqy shottary týraly aqparat usyný tártibin aıqyndaıdy.
2. Biryńǵaı jınaqtaýshy zeınetaqy qory men Ortalyq arasynda almasýǵa jatatyn:
1) salymshylardyń (alýshylardyń) mindetti zeınetaqy jarnalary, mindetti kásiptik zeınetaqy jarnalary esebinen zeınetaqymen qamsyzdandyrý týraly sharttar boıynsha ashylǵan jeke zeınetaqy shottary;
2) salymshylarmen (alýshylarmen) mindetti zeınetaqy jarnalary, mindetti kásiptik zeınetaqy jarnalary esebinen zeınetaqymen qamsyzdandyrý týraly jasalǵan jáne qoldanysy toqtatylǵan sharttar;
3) mindetti zeınetaqy jarnalary, mindetti kásiptik zeınetaqy jarnalary esebinen zeınetaqymen qamsyzdandyrý týraly sharttar jónindegi málimetterdi mindetti zeınetaqy jarnalary, mindetti kásiptik zeınetaqy jarnalary esebinen zeınetaqymen qamsyzdandyrý týraly shart jasasqan jeke tulǵalardyń biryńǵaı tizimine engizý nemese engizbeý týraly aqparat.
3. Biryńǵaı jınaqtaýshy zeınetaqy qory jylyna bir ret, esepti jyldan keıingi aıdyń 15-kúninen keshiktirmeı Ortalyqqa 1 qańtardaǵy jaǵdaı boıynsha osy Qaǵıdalarǵa qosymshaǵa sáıkes nysan boıynsha osy Qaǵıdalardyń 2-tarmaǵynyń 1) tarmaqshasynda kórsetilgen aqparatty beredi.
4. Biryńǵaı jınaqtaýshy zeınetaqy qory kún saıyn Ortalyqqa halyqty áleýmettik qorǵaý salasyndaǵy ortalyq atqarýshy organ aıqyndaıtyn tártippen osy Qaǵıdalardyń 2-tarmaǵynyń 2) tarmaqshasynda kórsetilgen aqparatty beredi.
5. Ortalyq usynylǵan aqparat negizinde:
1) ınflıasııa deńgeıin eskere otyryp, naqty engizilgen mindetti zeınetaqy jarnalarynyń, mindetti kásiptik zeınetaqy jarnalarynyń somasy men esepti jyldan keıinge jyldyń 1 qańtaryna biryńǵaı jınaqtaýshy zeınetaqy qoryndaǵy zeınetaqy jınaqtarynyń somasy arasyndaǵy aıyrma týraly derekterdi, onyń ishinde Zańnyń 11-babynyń 1-tarmaǵyna sáıkes zeınetkerlik jasqa jetken mindetti zeınetaqy jarnalary, mindetti kásiptik zeınetaqy jarnalary esebinen qalyptastyrylǵan biryńǵaı jınaqtaýshy zeınetaqy qorynda zeınetaqy jınaqtary bar adamdar boıynsha aqparatty;
2) mindetti zeınetaqy jarnalary, mindetti kásiptik zeınetaqy jarnalary boıynsha salymshylardyń (alýshylardyń) derekter bazasyn jáne halyqty áleýmettik qorǵaý salasyndaǵy ýákiletti organ aıqyndaıtyn tártippen mindetti zeınetaqy jarnalary, mindetti kásiptik zeınetaqy jarnalary esebinen zeınetaqymen qamsyzdandyrý týraly shart jasasqan jeke tulǵalardyń biryńǵaı tizimin qalyptastyrady.
6. Ortalyq kún saıyn biryńǵaı jınaqtaýshy zeınetaqy qoryna osy Qaǵıdalardyń 2-tarmaǵynyń 3) tarmaqshasynda kórsetilgen aqparatty beredi.
7. Aqparat almasý aqparatty jetkizýdiń avtomattandyrylǵan qarjylyq júıesin paıdalana otyryp, elektrondy tásilmen júzege asyrylady.
Biryńǵaı jınaqtaýshy zeınetaqy qorynyń Ortalyqpen salymshylardyń (alýshylardyń) jeke zeınetaqy shottary týraly aqparat almasýy qaǵıdalaryna qosymsha
Salymshylardyń (alýshylardyń) jeke zeınetaqy shottary týraly aqparat
_____________________________________________________________
(zeınetaqy jarnalarynyń túri kórsetiledi: mindetti zeınetaqy jarnalary/mindetti kásiptik zeınetaqy jarnalary)
Tegi Aty Ákesiniń Týǵan JSN Jy- Aǵymdaǵy Zeınet- Zeınet- Zeınet-
Jeke aty kúni ny- jyldyń aqy aqy aqy
zeınet- (bol sy- 1 qańtary- jınaq- jınaqta- jınaqta-
aqy ǵan kezde) na taryn ryn tóleý/ ryn tóleý/
shoty- zeınetaqy tóleý/ aýdarý aýdarý
nyń jınaqtary- aýdarý kúni sebebi *
nómiri nyń somasy somasy
1 2 3 4 5 6 7 8 9 10 11
9-11-baǵandar árbir zeınetaqy jınaqtaryn tóleý/aýdarý boıynsha jeke toltyrylady;
* - onyń ishinde salymshynyń (alýshynyń) zeınetaqy jınaqtaryn saqtandyrý uıymyna aýdarý.
