"6-12 qazan aralyǵynda halyqaralyq áýe reısterimen 14 578 jolaýshy ushyp keldi. Olardyń ishinde COVID-19-ǵa PTR týraly anyqtamalary bar - 11 966 nemese 82 paıyz. Al anyqtamasyz kelgenderdiń sany - 2 596. Sondaı-aq PTR taldaýyn tapsyrý úshin 2 596 azamat eki kúndik karantınge oqshaýlandy.
S.Baıǵabylovtyń aıtýynsha, túrli áýe reıstermen jáne datalarmen ushyp kelgen 2 596 azamattyń ishinde tek alty azamatta ǵana koronavırýs deregi rastalǵan.
Vırýsty juqtyrǵandardyń arasynda úsh jolaýshy Almatydan 10 jáne 12 qazanda, bireýi Nur-Sultannan 9 qazanda jáne ekeýi Shymkentten 11 qazanda ushyp kelgen.
Aýrý juqtyrǵan azamattar Máskeýden Nur-sultanǵa, Túrkııadan Shymkentke, Dýbaı men Túrkııadan Almatyǵa ushqany naqtylandy. Qazirgi ýaqytta ınfeksııa oshaqtarynda epıdemııaǵa qarsy is-sharalar júrgizilip jatyr.
