2013 jylǵy 26 tamyz, Astana, Úkimet Úıi
Memlekettik kórsetiletin qyzmetterdi ońtaılandyrý jáne avtomattandyrý qaǵıdalaryn bekitý týraly
«Memlekettik kórsetiletin qyzmetter týraly» 2013 jylǵy 15 sáýirdegi Qazaqstan Respýblıkasy Zańynyń 6-babynyń 9) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Memlekettik kórsetiletin qyzmetterdi ońtaılandyrý jáne avtomattandyrý qaǵıdalary bekitilsin.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2013 jylǵy 26 tamyzdaǵy №845 qaýlysymen bekitilgen
Memlekettik kórsetiletin qyzmetterdi ońtaılandyrý jáne avtomattandyrý qaǵıdalary
1. Jalpy erejeler
1. Osy Memlekettik kórsetiletin qyzmetterdi ońtaılandyrý jáne avtomattandyrý qaǵıdalary (budan ári – Qaǵıdalar) memlekettik qyzmetterdi kórsetý quzyretine kiretin ortalyq memlekettik organdardyń, jergilikti atqarýshy organdardyń memlekettik kórsetiletin qyzmetterdi ońtaılandyrýy jáne avtomattandyrýy tártibin aıqyndaıdy.
2. Ońtaılandyrýǵa jáne avtomattandyrýǵa jatatyn memlekettik kórsetiletin qyzmetterdiń tizbesin (budan ári – tizbe), olardy elektrondyq nysanǵa aýystyrý merzimderin Qazaqstan Respýblıkasynyń Úkimeti aıqyndaıdy.
3. Memlekettik kórsetiletin qyzmetterdi ońtaılandyrý men avtomattandyrýdyń maqsattary memlekettik organdar kórsetetin memlekettik kórsetiletin qyzmetterdi kórsetý prosesin, onyń ishinde:
1) artyq ákimshilik rásimderdi jáne memlekettik organdardyń kelisýshi bólimsheleriniń sanyn joıý;
2) memlekettik kórsetiletin qyzmetterdi alý úshin kórsetiletin qyzmetterdi alýshylar usynatyn qaǵaz qujattarynyń sanyn qysqartý, ne olardy elektrondyq nysanǵa kóshirý nemese olardy málimetter nysanymen almastyrý;
3) memlekettik organdardyń aqparattyq júıeleriniń vedomstvoaralyq ózara is-qımylyn qamtamasyz etý;
4) kórsetiletin qyzmetterdi alýshylardyń memlekettik organdardyń laýazymdy tulǵalarymen memlekettik organdarǵa kórsetiletin qyzmetti alýshynyń ózi kelmeı-aq, aqparattyq-kommýnıkasııalyq tehnologııalardy paıdalana otyryp, «bir tereze» qaǵıdaty boıynsha ózara is-qımyly;
5) memlekettik qyzmetterdi kórsetý merzimderin qysqartý jolymen jeńildetý jáne jedeldetý bolyp tabylady.
4. Osy Qaǵıdalarda mynadaı negizgi uǵymdar paıdalanylady:
1) jaýapty memlekettik organ – memlekettik kórsetiletin qyzmet standartyn ázirleıtin jáne memlekettik kórsetiletin qyzmetti ońtaılandyrý men avtomattandyrýǵa, olardy elektrondyq nysanǵa aýystyrýǵa jaýapty memlekettik organ;
2) aqparattyq júıelerdi ıntegrasııalaý – aqparattyq júıeler arasyndaǵy aqparattyq ózara is-qımyldy qamtamasyz etý jónindegi is-sharalar;
3) málimetter nysany – memlekettik qyzmetterdi kórsetý kezinde qoıylatyn talaptarǵa sáıkestigi týraly aqparatty qamtıtyn, Qazaqstan Respýblıkasynyń zańnamasynda belgilengen elektrondyq nemese ózge de nysandaǵy qujat;
4) saraptamalyq komıssııa – memlekettik kórsetiletin qyzmetterdi ońtaılandyrý jáne avtomattandyrý boıynsha usynystar ázirleıtin aqparattandyrý salasyndaǵy ýákiletti organ janyndaǵy konsýltatıvtik-keńesshi organ.
2. Memlekettik kórsetiletin qyzmetterdi ońtaılandyrý jáne avtomattandyrý tártibi
5. Memlekettik qyzmetterdi kórsetý prosesin ońtaılandyrý jáne avtomattandyrý tizbede belgilengen merzimderdi eskere otyryp, turaqty negizde júrgiziledi.
6. Aqparattandyrý salasyndaǵy ýákiletti organ (budan ári – ýákiletti organ) jyl saıyn memlekettik kórsetiletin qyzmetterdi ońtaılandyrýdyń jáne avtomattandyrýdyń aldaǵy kúntizbelik jylǵa arnalǵan jospar-kestesin (budan ári – jospar-keste) ázirleıdi, jaýapty memlekettik organdarmen kelisedi jáne buıryqpen bekitedi.
7. Memlekettik organdar jospar-kesteni ýákiletti organ jibergen sátten bastap on bes jumys kún ishinde kelisedi.
8. Jospar-keste tizbege sáıkes memlekettik kórsetiletin qyzmetterdi ońtaılandyrýdy jáne avtomattandyrýdy júrgizý josparlanǵan kúntizbelik jyl bastalǵanǵa deıin toǵyz aıdan keshiktirmeı bekitiledi.
2014 jyly ońtaılandyrýǵa jáne avtomattandyrýǵa jatatyn memlekettik kórsetiletin qyzmetterge qatysty jospar-keste 2013 jylǵy qazannan keshiktirmeı jasalady.
9. Jaýapty memlekettik organdar jospar-kestede kórsetilgen merzimde ózderiniń quzyretine kiretin memlekettik kórsetiletin qyzmetterdi kórsetýdiń qoldanystaǵy tártibin tekserýdi júrgizedi (budan ári – tekserý).
10. Tekserý júrgizý úshin jaýapty memlekettik organ óz qyzmetkerleriniń, múddeli memlekettik organdar, ýákiletti organ, kórsetiletin qyzmetti berýshiler, jeke kásipkerlik sýbektileriniń akkredıttelgen birlestikteri ókilderiniń jaýapty memlekettik organnyń qaralyp otyrǵan qyzmet salasyndaǵy táýelsiz sarapshylarynyń qatarynan jumys tobyn (budan ári – jumys toby) qurady.
Múddeli memlekettik organdar, ýákiletti organ, kórsetiletin qyzmetti berýshiler, jeke kásipkerlik sýbektileriniń akkredıttelgen birlestikteri, táýelsiz sarapshylar jaýapty memlekettik organnyń suratýy boıynsha jeti jumys kúninen keshiktirmeı jumys tobynyń quramy jónindegi usynystaryn jiberedi.
11. Tekserý júrgizý bastalǵan sátten bastap jaýapty memlekettik organ jumys tobynyń múshelerin memlekettik kórsetiletin qyzmetti tekserý úshin qajetti aqparatpen, qujattarmen, normatıvtik quqyqtyq aktilermen, ádiskerler, jaýapty memlekettik organnyń basqa da quziretti tulǵalary tarapynan konsýltasııalarmen, sondaı-aq jumys oryndarymen, keńselik tehnıkamen, baılanyspen jáne basqa da materıaldarmen qamtamasyz etedi.
12. Tekserý kezinde birinshi kezekte memlekettik kórsetiletin qyzmetti avtomattandyrý múmkindigi belgilenedi, ol úshin mynadaı áreketter júzege asyrylady:
1) memlekettik kórsetiletin qyzmetti alý úshin kórsetiletin qyzmetti alýshylardan talap etiletin qaǵaz qujattardyń sıpaty men sanyn aıqyndaý jáne olardy osy qujattardy elektrondyq aqparattyq resýrstarmen aýystyrý mánine memlekettik aqparattyq júıelerdiń elektrondyq aqparattyq resýrstarymen salystyryp tekserý.
Eger memlekettik aqparattyq júıelerde qaǵaz qujattarda qamtylǵan málimetter bolmaǵan jaǵdaıda qaǵaz qujattardyń skanerlengen nusqalaryn paıdalaný jáne/nemese olardy málimetter nysanyna aýystyrý múmkindigi aıqyndalady;
2) qaǵaz qujattardy osy aqparattyq júıede saqtalatyn, óńdeletin elektrondyq aqparattyq resýrstarmen almastyrýǵa baılanysty ıntegrasııalaýǵa jatatyn aqparattyq júıelerdi aıqyndaý.
Bul rette ıntegrasııalanýǵa jáne memlekettik kórsetiletin qyzmetti avtomattandyrý kezinde aqparattyq almasýǵa qatysýǵa jatatyn aqparattyq júıelerdi jáne aqparattyq resýrstardy aıqyndaý kezinde jaýapty memlekettik organdar www.reginfo.kz mekenjaıy boıynsha kórsetilgen Elektrondyq aqparattyq resýrstardyń jáne aqparattyq júıelerdiń memlekettik tirkeliminiń málimetterin basshylyqqa alady;
3) memlekettik qyzmetti kórsetý merzimin qysqartýǵa bolatyn ýaqyt kezeńin aıqyndaý.
Memlekettik qyzmetti kórsetý merzimin qysqartýǵa qujattardy alý, tekserý, kelisý, jetkizý merzimderin qysqartý esebinen, sondaı-aq memlekettik organnyń kelisetin qurylymdyq bólimsheleriniń sanyn joıý jáne (nemese) qujattardy memlekettik aqparattyq júıelerde saqtalatyn elektrondyq aqparattyq resýrstarǵa almastyrýǵa baılanysty basqa memlekettik organdarmen resmı ózara is-qımyldy joıý esebinen qol jetkiziledi.
13. Eger memlekettik kórsetiletin qyzmet tekserý júrgizý sátinde avtomattandyryla almaıtyn bolǵan nemese avtomattandyrýdan tys memlekettik kórsetiletin qyzmetti uıymdastyrýshylyq, kadrlyq, ákimshilik-sharýashylyq, tehnologııalyq jáne basqa is-sharalar jolymen ońtaılandyrý múmkindigi bolǵan jaǵdaıda jumys toby, nátıjesinde memlekettik qyzmetti kórsetý prosesin jedeldetýge jáne ońaılatýǵa qol jetkiziletin qosymsha is-sharalardyń quramy men sıpatyn aıqyndaıdy.
14. Osy Qaǵıdalardyń 13-tarmaǵynda kórsetilgen memlekettik kórsetiletin qyzmetti ońtaılandyrý boıynsha qosymsha is-sharalar sanyna myna (biraq olarmen shektelmeıdi) is-sharalar jatady:
1) fýnksııalaryn utymdy bólý esebinen memlekettik organnyń kelisetin qurylymdyq bólimsheleriniń, vedomstvolyq baǵynysty uıymdarynyń sanyn alyp tastaý;
2) memlekettik organdardyń qaıtalanatyn fýnksııalaryn alyp tastaý;
3) memlekettik qyzmetti kórsetý kezinde memlekettik organnyń qurylymdyq bólimsheleriniń, vedomstvolyq baǵynysty uıymdarynyń ishki ózara is-qımylyn nemese eki jáne odan da kóp memlekettik organdardyń syrtqy ózara is-qımylyn reglamentteý;
4) kadrlyq quramdy utymdy bólý, onyń ishinde memlekettik organnyń, vedomstvolyq baǵynysty uıymdardyń kadrlyq quramyn kóbeıtý nemese azaıtý;
5) qurylymdyq bólimshelerdi, vedomstvolyq baǵynysty uıymdardy olardyń arasyndaǵy kommýnıkasııa jyldamdyǵyn ulǵaıtý jáne poshtalyq hat-habardyń uzaq ótýin joıý maqsatynda utymdy aýmaqtyq ornalastyrý;
6) qurylymdyq bólimshelerdi, vedomstvolyq baǵynysty uıymdardy ýaqtyly jáne sapaly materıaldyq qamtamasyz etý;
7) memlekettik qyzmetterdi kórsetýdiń túpki nátıjelerin ázirleý tehnologııalaryn ózgertý (sertıfıkattar, jeke kýálikter jáne t.b.);
8) memlekettik kórsetiletin qyzmetterdi alý úshin kórsetiletin qyzmetti alýshylar usynatyn qujattar sanyn, onyń ishinde olardy málimetter nysanymen almastyrý jolymen qysqartý;
9) memlekettik qyzmetterdi halyqqa qyzmet kórsetý ortalyqtary arqyly kórsetý.
15. Tekserý aıaqtalǵannan keıin jaýapty memlekettik organ árbir memlekettik kórsetiletin qyzmet boıynsha mynalardy:
1) osy Qaǵıdalarǵa 1-qosymshada belgilengen talaptardy eskere otyryp jasalǵan esepti;
2) osy Qaǵıdalarǵa 2-qosymshada belgilengen talaptardy eskere otyryp jasalǵan is-sharalar josparyn ázirleıdi.
16. Esep pen is-sharalar josparyn jaýapty memlekettik organdar memlekettik kórsetiletin qyzmetti ońtaılandyrý men avtomattandyrýǵa jumyldyrylǵan múddeli memlekettik organdar men uıymdarǵa kelisýge joldaıdy.
17. Múddeli memlekettik organdar men uıymdar óz quzyreti sheginde kemshilikterdi joıý jóninde usynystar men jazbasha túrde negizdelgen jáne túbegeıli eskertýler men usynystar beredi, bolmaǵan jaǵdaıda olar esep pen is-sharalar josparyn alǵan kúnnen bastap on jumys kúni ishinde jaýapty memlekettik organǵa olardyń bolmaýy týraly habarlaıdy.
18. Alynǵan eskertýler boıynsha qajet bolǵan jaǵdaıda jaýapty memlekettik organ esep pen is-sharalar josparyn qaıta pysyqtaıdy, al jumys toby qabyldanǵan jáne bas tartylǵan eskertýler týraly anyqtamany eskertýlerdi qabyldamaý negizdemelerin kórsete otyryp jasaıdy.
19. Jaýapty memlekettik organ múddeli memlekettik organdardyń, uıymdardyń hattary, jumys tobynyń kelisý nátıjeleri boıynsha daıyndalǵan anyqtamasy qosa berilgen esepti, is-sharalar josparyn saraptamalyq komıssııanyń otyrysyna shyǵarý sátine deıin on jumys kúninen keshiktirilmeıtin merzimde osy Qaǵıdalardyń talaptaryna sáıkestigin tekserý úshin ýákiletti organǵa jiberedi.
20. Ýákiletti organ esep pen is-sharalar josparyn alǵan sátten bastap on jumys kúni ishinde olardyń osy Qaǵıdalardyń talaptaryna sáıkestigine tekserý júrgizedi.
Olar osy Qaǵıdalardyń talaptaryna sáıkes kelmegen jaǵdaıda, ýákiletti organ olardy jaýapty memlekettik organǵa anyqtalǵan kemshilikterdi kórsete otyryp, pysyqtaýǵa qaıtarady. Jaýapty memlekettik organ jiberilgen kemshilikterdi olar túsken sátten bastap jıyrma jumys kúninen aspaıtyn merzimde túzetedi jáne ýákiletti organǵa qaıta jiberedi.
Osy Qaǵıdalardyń talaptaryna sáıkes kelgen jaǵdaıda ýákiletti organ olardy saraptamalyq komıssııanyń otyrysyna shyǵarady.
21. Saraptamalyq komıssııany ýákiletti organ memlekettik organdardyń, ǵylymı uıymdardyń, jeke kásipkerlik sýbektileriniń akkredıttelgen birlestikteriniń ókilderi qatarynan qurady.
Qajet bolǵan jaǵdaıda saraptamalyq komıssııanyń jumysyna uıymdar, joǵary oqý oryndary, sondaı-aq ǵalymdar men joǵary bilikti mamandar tartylady.
22. Saraptamalyq komıssııany ýákiletti organ taǵaıyndaıtyn saraptamalyq komıssııanyń tóraǵasy basqarady jáne onyń qyzmetine basshylyq etedi, otyrystaryna tóraǵalyq etedi, jumysyn josparlaıdy, sheshimderdiń iske asyrylýyn jalpy baqylaýdy júzege asyrady. Tóraǵa bolmaǵan ýaqytta onyń fýnksııalaryn ýákiletti organ taǵaıyndaıtyn orynbasary oryndaıdy.
23. Saraptamalyq komıssııanyń jumysyn uıymdastyrýdy, tıisti materıaldar, usynymdar ázirleýdi ýákiletti organ óz qyzmetkerleriniń qatarynan taǵaıyndaıtyn saraptamalyq komıssııanyń hatshysy júzege asyrady.
24. Komıssııanyń hatshysy:
1) saraptamalyq komıssııa otyrysynyń kún tártibi boıynsha usynystar ázirleıdi, saraptamalyq komıssııa sheshimderiniń oryndalýyn qamtamasyz etedi jáne baqylaıdy;
2) saraptamalyq komıssııa músheleriniń jáne onyń qyzmetine tartylǵan mamandardyń jumysyn úılestiredi.
25. Saraptamalyq komıssııanyń otyrystary kúntizbelik jyl aıynyń úshinshi dúısenbisinde, qajet bolǵan jaǵdaıda saraptamalyq komıssııanyń tóraǵasy aıqyndaıtyn ózge de kúnderi ótkiziledi.
Saraptamalyq komıssııanyń alǵashqy otyrysy jospar-kesteni bekitken sátten bastap eki aıdan erte emes merzimde ótkiziledi.
26. Otyrystardyń kún tártibin, sondaı-aq olardy ótkizý ýaqyty men ornyn saraptamalyq komıssııa múshelerimen kelisim boıynsha saraptamalyq komıssııanyń tóraǵasy aıqyndaıdy jáne naqtylaıdy.
27. Saraptamalyq komıssııanyń otyrysy saraptamalyq komıssııa músheleriniń jalpy sanynyń keminde jartysy qatysqan jaǵdaıda zańdy bolyp sanalady. Saraptamalyq komıssııa múshesiniń otyrysqa qatysý múmkindigi bolmaǵan jaǵdaıda saraptamalyq komıssııa múshesi óz ókilettilikterin basqa adamdarǵa júkteıdi.
28. Saraptamalyq komıssııanyń sheshimderi onyń músheleriniń kópshilik daýsymen qabyldanady, ol tóraǵalyq etýshi men saraptamalyq komıssııanyń hatshysy qol qoıatyn hattamamen resimdeledi jáne usynymdyq sıpatta bolady.
29. Sheshim qabyldaý kezinde saraptamalyq komıssııanyń ár múshesi bir daýysqa ıe bolady. Daýys berý kezinde daýystar teń bolǵan jaǵdaıda, tóraǵalyq etýshi daýys bergen sheshim qabyldanǵan bolyp sanalady.
30. Saraptamalyq komıssııanyń otyrysyna esep, múddeli memlekettik organdardyń, uıymdardyń hattary men kelisý nátıjeleri boıynsha jasalǵan jumys tobynyń anyqtamasy qosa berile otyryp, is-sharalar jospary shyǵarylady.
Saraptamalyq komıssııanyń múshelerine materıaldar jiberý saraptamalyq komıssııanyń otyrysy bastalǵanǵa deıin úsh jumys kúninen keshiktirilmeı júzege asyrylady.
31. Saraptamalyq komıssııa olardy jaýapty memlekettik organ ókilderiniń qatysýymen bolatyn otyrysta qaraıdy jáne maquldaıdy nemese jaýapty memlekettik organǵa pysyqtaýǵa qaıtarady.
32. Saraptamalyq komıssııa esepti jáne is-sharalar josparyn qaıtarǵan jaǵdaıda jaýapty memlekettik organ saraptamalyq komıssııa sheshim shyǵarǵan sátten bastap jıyrma jumys kúninen keshiktirilmeıtin merzimde kórsetilgen qujattardy osy Qaǵıdalardyń 16-20-tarmaqtarynda kózdelgen tártippen pysyqtaıdy jáne saraptamalyq komıssııanyń qaraýyna jiberedi.
33. Esep pen is-sharalar josparyn saraptamalyq komıssııa maquldaǵan jaǵdaıda jaýapty memlekettik organ saraptamalyq komıssııa sheshim shyǵarǵan sátten bastap on bes jumys kúninen keshiktirilmeıtin merzimde is-sharalar josparyn memlekettik qyzmetter kórsetý máselelerine jetekshilik etetin Qazaqstan Respýblıkasy Premer-Mınıstriniń orynbasaryna bekitýge jiberedi.
34. Is-sharalar jospary bekitilgen soń memlekettik kórsetiletin qyzmetterdi ońtaılandyrý jáne avtomattandyrý jónindegi is-qımyldardy oryndaýdyń kezektiligi men merzimderi is-sharalar josparyna sáıkes aıqyndalady.
35. Bul rette ońtaılandyrýǵa jáne avtomattandyrýǵa jatatyn árbir memlekettik kórsetiletin qyzmet mindetti túrde memlekettik kórsetiletin qyzmetterdiń standarttarynda, reglamentterinde jáne memlekettik qyzmetti kórsetý tártibin retteıtin ózge normatıvtik quqyqtyq aktilerde belgilengen jaǵdaılardan aıyrmashylyǵy bar jaǵdaılarda kórsetilýi múmkin tájirıbelik paıdalaný kezeńinen ótedi.
36. Jaýapty memlekettik organ bekitilgen is-sharalar josparyna ózgerister men tolyqtyrýlardy osy Qaǵıdalardyń 16-20, 32, 33-tarmaqtarynda belgilengen tártippen engizedi.
37. Ýákiletti organ memlekettik kórsetiletin qyzmetterdi ońtaılandyrý jáne avtomattandyrý merzimderiniń saqtalýyn baqylaýdy júzege asyrady jáne jaýapty memlekettik organdar memlekettik qyzmetterdi avtomattandyrýdyń jáne ońtaılandyrýdyń tizbede, sondaı-aq jospar-kestede belgilengen merzimderin buzǵan jaǵdaıda, Qazaqstan Respýblıkasynyń Úkimetine jaýapty memlekettik organdardyń laýazymdy tulǵalaryn tártiptik jaýaptylyqqa tartý týraly qoldaýhat jiberedi.
Memlekettik kórsetiletin qyzmetterdi ońtaılandyrý jáne avtomattandyrý qaǵıdalaryna 1-qosymsha
Júrgizilgen tekserý týraly eseptiń quramy men mazmuny
Júrgizilgen tekserý týraly esep mynadaı bólimderdi qamtıdy:
1. Kirispe
1) tekserýdiń maqsattary men baǵyttalýy;
Bólim tekserý júrgizýdiń negizgi maqsaty men mindetteriniń sıpattamasyn qamtıdy.
2) tekserý júrgizý úshin negiz;
Bólim tekserý úshin negiz bolyp tabylatyn qujattar tizbesin qamtıdy.
3) negizgi túsinikter men qysqartýlar.
Esepte paıdalanylatyn negizgi túsinikter men qysqartýlar kórsetiledi.
2. Kórsetiletin qyzmettiń qysqasha sıpattamasy:
1) kórsetiletin qyzmetti alýshylar;
Kishi bólimde Qazaqstan Respýblıkasynyń zańnamasyna sáıkes kórsetiletin qyzmetti alýshylar sanamalanady.
2) qyzmet kórsetýdi reglamentteıtin normatıvtik quqyqtyq aktiler;
Kishi bólimde qyzmet kórsetý prosesin reglamentteıtin qoldanystaǵy normatıvtik quqyqtyq aktiler sanamalanady.
3) kórsetiletin qyzmettiń talap etilýi;
Kishi bólimde keste túrinde tekserilip kórsetiletin qyzmettiń sońǵy tórt jyldaǵy kórsetilý statıstıkasy keltiriledi.
Jyl Sany
1 2
4) qyzmet kórsetý nysany;
Kishi bólimde memlekettik qyzmetti kórsetý nysany sıpattalady: avtomattandyrý deńgeıi (ishinara avtomattandyrylǵan, tolyq avtomattandyrylǵan nemese avtomattandyrylmaǵan) kórsetilgen qaǵaz nemese elektrondyq nysan.
Qyzmet kórsetý ishinara avtomattandyrylǵan nemese tolyq avtomattandyrylǵan deńgeıde bolǵan jaǵdaıda, kishi bólimde qyzmet kórsetý qalaı jáne qandaı aqparattyq júıeler arqyly avtomattandyrylǵandyǵy sıpattalady.
5) qyzmet kórsetý talaptary;
Kishi bólimde qyzmet kórsetý baǵasy jáne merzimderi týraly aqparat sıpattalady.
6) qyzmetti kórsetýge jetekshilik etetin jaýapty memlekettik organ;
Kishi bólimde qyzmet kórsetý máselelerine jetekshilik etetin jaýapty memlekettik organ týraly aqparat jáne osy organ tarapynan múddeli tulǵalar tizbesi sanamalanady.
T.A.Á. Laýazymy Qurylymdyq bólimsheniń ataýy Jumys telefony Elektrondyq mekenjaıy
1 2 3 4 5
7) kórsetiletin qyzmetti berýshiler.
Kishi bólimde kórsetiletin qyzmetti berýshiler, olardyń qyzmetti kórsetetin aýmaqtyq bólimsheleri týraly aqparat, sondaı-aq avtomattandyrylǵan túrde qyzmet kórsetýge tehnıkalyq daıyndyǵy týraly málimetter keltiriledi.
Jeke aqparattyq júıe (budan ári – AJ) bar bolǵan jaǵdaıda kishi bólimde júıe týraly mynadaı aqparat keltiriledi:
AJ ataýy;
paıdalanylatyn tehnologııalar, ázirleý tili, derekter qoryn basqarý júıesi;
AJ ázirleýshi kompanııa;
tekseriletin qyzmetti kórsetý aıasynda AJ fýnksııalary;
«elektrondyq úkimet» veb-portalymen (budan ári – EÚP) nemese «elektrondyq lısenzııalaý» veb-portalymen (budan ári – ELP) ıntegrasııalaý qajettiligi jáne múmkindigi.
Kishi bólimde kórsetiletin qyzmetti berýshi tarapynan jaýapty tulǵalardyń tizbesi men olardyń baılanys derekteri kórsetiledi.
8) memlekettik kórsetiletin qyzmettiń nátıjesi týraly málimetter suratatyn memlekettik organdardyń tizbesi.
Kishi bólim memlekettik kórsetiletin qyzmet berilgen soń onyń nátıjesi týraly málimetterdi alýdy qajet etetin memlekettik organdardyń tizbesin qamtıdy. Kishi bólimde:
memlekettik kórsetiletin qyzmettiń nátıjesi boıynsha suraý salýdy júzege asyratyn memlekettik organnyń, onyń qurylymdyq bólimshesiniń tolyq ataýy;
aıasynda memlekettik kórsetiletin qyzmettiń nátıjesi týraly suraý salý júzege asyrylatyn kórsetiletin qyzmettiń nemese fýnksııanyń ataýy;
memlekettik organdar úshin qajetti memlekettik kórsetiletin qyzmettiń nátıjesinen alynǵan málimetter tizbesi kórsetiledi.
3. «Qazirgi tańda» jáne «qalaı bolady» memlekettik kórsetiletin qyzmettiń nátıjesin berý prosesin tekserý:
1) ótinishter túrleri;
Kishi bólimde tutynýshy tekseriletin qyzmetti kórsetý aıasynda beretin ótinishter túrleri sanamalanady. Sanamalaý kezinde memlekettik kórsetiletin qyzmet nátıjesiniń barlyq ómirlik kezeńin eskerý qajet:
- memlekettik kórsetiletin qyzmettiń jańa nátıjesin alý;
- memlekettik kórsetiletin qyzmet nátıjesiniń telnusqasyn alý;
- memlekettik kórsetiletin qyzmettiń nátıjesin qaıta resimdeý;
- memlekettik kórsetiletin qyzmettiń nátıjesin toqtata turý (joıý).
2) qyzmetti kórsetý úshin usynylatyn qujattar tizbesi.
Kishi bólimde qyzmetti kórsetý úshin tutynýshy usynatyn barlyq qujattar Qazaqstan Respýblıkasynyń zańnamasyna sáıkes sıpattalady. Qajet bolǵan jaǵdaıda, ótinishtiń ár túrine qujattar jeke sıpattalady.
О́tinishtiń ár túrine arnalǵan qujattar tizbesi normatıvtik quqyqtyq aktilerde aıqyndalǵan ret boıynsha kórsetiledi. Memlekettik jáne orys tilderindegi qujattar úlgileri esepke 1-qosymshada kórsetiledi.
3) qyzmetterdi kórsetý nátıjesinde alynatyn qujattardyń tizbesi;
Kishi bólimde Qazaqstan Respýblıkasynyń zańnamasynda kózdelgen qyzmetti kórsetý nátıjesinde alynatyn barlyq qujattar sıpattalady. Qajet bolǵan jaǵdaıda, ár qujat úshin berý talaptary jeke sıpattalady (berý talaptary, qoldanys merzimi, qujat nysany).
Memlekettik jáne orys tilderindegi qujattar úlgileri esepke 2-qosymshada kórsetiledi.
4) «qazirgi tańda» qyzmetin kórsetý prosesiniń sıpattamasy;
Kishi bólimde «qazirgi tańda» qyzmetin kórsetý prosesiniń shemalyq beınesi, sonymen qatar shemany túsindiretin mátindik sıpattama keltiriledi. Qajet bolǵan jaǵdaıda, ár ótinish túri úshin prosess shemasy jeke sıpattalady.
«Qazirgi tańda» qyzmet kórsetý prosesin shemalyq nysandaý úshin tómendegilerdi aıqyndaý qajet:
- prosestiń qatysýshylary (kórsetiletin qyzmetti alýshylar, kórsetiletin qyzmetti berýshiler jáne kórsetiletin qyzmetti berýshilerdiń qyzmetkerleri);
- prosestiń qujattary (ótinish, qujattar paketi, jýrnaldar, anyqtamalar, sharttar, lısenzııalar, hattar);
- prosestiń áreketteri (aqparatty berý, qabyldaý, tirkeý, qaraý, jınaý, sheshim ázirleý, ony kelisý, sheshimdi bekitý, qabyldanǵan sheshim týraly habarlaý, sheshimdi oryndaý, memlekettik qyzmettiń nátıjesin berý);
- prosestiń oqıǵalary (testileý, saraptama, komıssııa otyrysy, obektini qaraý);
- qyzmet kórsetý prosesine qatysatyn aqparattyq júıeler men derekter qorlary.
Prosestiń shemasynda barlyq sanamalanǵan obektiler men sýbektilerdiń ózara is-qımyly, sondaı-aq ár qadamnyń rettiligi kórinis tabady.
Shemany qujattar paketiniń tym egjeı-tegjeıli sıpattamasymen, proseske qatysýshylar áreketteriniń tolyq sıpattamasymen nemese kórsetiletin qyzmet týraly eseptiń basqa bólimderinde sıpattalǵan artyq aqparatpen shamadan tys júkteý usynylmaıdy.
Qyzmet kórsetý prosesi kúrdeli jáne úlken ózara is-qımyl shema túrinde bolǵan jaǵdaıda, ony birneshe kishi prosesterge – kezeńderge bólý usynylady. Mysaly, «О́tinish berý jáne ony qabyldaý» kishi prosesi, «О́tinishti kelisý» kishi prosesi.
Bıznes-prosestiń shemasyn nysandaý quraly retinde qarapaıym jáne keń taralǵan jazý tártibiniń quralyn paıdalaný usynylady.
5) esep berýdiń nysany jáne ony berýdiń merzimdiligi;
Kishi bólimde qyzmet kórsetý aıasynda memlekettik organ, kórsetiletin qyzmetti berýshi qalyptastyratyn esep berý nysanynyń úlgisi keltiriledi.
6) «qalaı bolady» qyzmet kórsetý prosesiniń sıpattamasy.
Kishi bólimde ońtaılandyrýdy jáne avtomattandyrýdy eskere otyryp, qyzmet kórsetýdiń nusqalary «qalaı bolady» qyzmetin kórsetý prosesteriniń shemalary jáne olardyń mátindik túsindirmeleri túrinde sıpattalady. Qyzmetti kórsetýdiń birneshe balamaly nusqalary bolǵan jaǵdaıda (halyqqa qyzmet kórsetý ortalyǵy, memlekettik organnyń keńsesi, ELP nemese EÚP arqyly) shemalar men olardyń sıpattamasy ár nusqa úshin jeke qurylady.
«Qalaı bolady» qyzmet kórsetý prosesiniń shemasyn sıpattaý jáne qurý qaǵıdattary «Qazirgi tańda» prosesin sıpattaýǵa uqsas.
«Qalaı bolady» prosesin sıpattaýda mynalar kórinis tabady:
- ishki jáne syrtqy portaldarǵa bóle otyryp, EÚP pen ELP-tiń qatysýy;
- basqa aqparattyq júıelermen nemese derekter qorlarymen ózara is-qımyl;
- proseske barlyq qatysýshylardyń EÚP-pen nemese ELP-pen ózara is-qımyly;
- barlyq múmkin bolatyn kirý men shyǵýlar (ótinishti qabyldaý, nátıjesin berý).
4. Qorytyndy.
Bólimde kórsetiletin qyzmetti ońtaılandyrýdan jáne avtomattandyrýdan kórsetiletin qyzmetti alýshylarǵa, sol sııaqty memlekettik organdarǵa keletin paıdany kórsete otyryp, memlekettik kórsetiletin qyzmetti ońtaılandyrý jáne avtomattandyrý nátıjesinde alynǵan negizgi tujyrymdar sıpattalady. Mysaly, tapsyrylatyn qujattar sanynyń, qyzmet kórsetý merzimderiniń qysqarýy, kórsetiletin qyzmettiń kez kelgen ýaqytta qoljetimdi bolýy, qujattar telnusqasyna qajettilikti joıý.
Qujattar sanyn jáne qyzmet kórsetý merzimderin qysqartý jónindegi nátıjeler salystyrmaly kesteler túrinde beriledi.
Qyzmet kórsetý kezeńi qysqartylatyn merzimderdi aıqyndaý kezinde mynalar esepke alynady:
- kórsetiletin qyzmetti alýshylardan ótinishter qabyldaý jáne olardy tirkeý bir saǵatqa deıin qysqartylady (tutynýshynyń málimetter nysanyn toltyrý jáne ýákiletti organnyń alynǵan ótinishti avtomattandyrylǵan jumys ornynda qabyldaý ýaqytyn eskere otyryp);
- sheshim qabyldaý jáne ony kelisý resimderinde ýaqyttyń qysqarýy qujattardy qolmen tapsyrýǵa ketken ýaqyt kezeńin alyp tastaý arqyly aıqyndalady;
- qaraý jáne sheshim qabyldaý kezeńin esepteý kezinde tirkeletin qujattardyń kólemi men sany, ótinishter boıynsha kórsetiletin qyzmetti berýshi qyzmetkeriniń, olardy qaraýǵa jáne sheshim qabyldaýǵa jaýapty adamnyń kúndelikti júktemesi, sondaı-aq sheshim qabyldaý prosesimen birge júretin rásimderdiń uzaqtyǵy esepke alynady, mysaly, komıssııany, jınalysty, keńesti shaqyrý;
- EÚP nemese ELP aıasynda memlekettik kórsetiletin qyzmettiń nátıjesin (nemese basqa nátıjeni) berý kórsetiletin qyzmetti berýshiniń ýákiletti adamy óziniń elektrondyq sıfrlyq qoltańbasymen memlekettik kórsetiletin qyzmettiń nátıjesi boıynsha sheshimdi rastaǵan kezeńnen bastap jedel bolyp sanalady.
5. 1-qosymsha. «Qazirgi tańda» jáne «qalaı bolady» qyzmet kórsetý prosesteriniń kiris qujattarynyń nysandary.
Qosymshada kiris qujattarynyń memlekettik jáne orys tilderindegi nysandary (úlgileri) kórsetiledi.
6. 2-qosymsha. «Qazirgi tańda» jáne «qalaı bolady» qyzmet kórsetý prosesteriniń shyǵys qujattarynyń nysandary.
Qosymshada «qazirgi tańda» shyǵys qujattarynyń memlekettik jáne orys tilderindegi nysandary (úlgileri) kórsetiledi. Sondaı-aq, ońtaılandyrý jáne avtomattandyrý nátıjesinde memlekettik jáne orys tilderindegi «qalaı bolady» shyǵys qujattarynyń nysany kórsetiledi.
7. 3-qosymsha. Kórsetiletin qyzmetti berýshiniń, onyń qyzmetti kórsetetin aýmaqtyq bólimsheleriniń baılanys derekteri.
Qosymshada kórsetiletin qyzmetti berýshiniń, onyń memlekettik qyzmetti kórsetetin aýmaqtyq bólimsheleriniń baılanys málimetteri keste túrinde kórsetiledi.
R/s № Kórsetiletin qyzmetti berýshiniń jáne onyń aýmaqtyq bólimsheleriniń ataýy Kórsetiletin qyzmetti berýshiniń jáne onyń aýmaqtyq bólimsheleriniń tolyq zańdy mekenjaıy Jumys kestesi Baılanys telefony, elektrondyq poshta mekenjaıy
1 2 3 4 5
8. 4-qosymsha. Qyzmet kórsetý prosesine qatysatyn múddeli memlekettik organdardyń, olardyń aýmaqtyq bólimsheleriniń baılanys derekteri.
Qosymshada qyzmet kórsetý prosesine qatysatyn múddeli memlekettik organnyń, onyń aýmaqtyq bólimsheleriniń baılanys derekteri keste túrinde kórsetiledi.
R/s № Memlekettik organnyń, onyń aýmaqtyq bólimsheleriniń ataýy Memlekettik organnyń jáne onyń aýmaqtyq bólimsheleriniń tolyq zańdy mekenjaıy Jumys kestesi Baılanys telefony, elektrondyq poshta mekenjaıy
1 2 3 4 5
9. 5-qosymsha. EÚP-ke nemese ELP-ke qosylý núkteleri boıynsha jınaq.
R/s
№ Kórsetiletin qyzmetti berýshiniń, onyń aýmaqtyq bólimshesiniń ataýy MO BTO-ǵa qosylý núkteleriniń sany ELP, EÚP-taǵy avtomattandyrylǵan jumys oryndarynyń sany
Bar Qajet Bar Qajet
1 2 3 4 5 6
Memlekettik kórsetiletin qyzmetterdi ońtaılandyrý jáne avtomattandyrý qaǵıdalaryna 2-qosymsha
Is-sharalar josparynyń quramy
Memlekettik kórsetiletin qyzmetti ońtaılandyrý jáne avtomattandyrý jónindegi is-sharalar josparlary mynadaı bólimderdi qamtıdy:
1. Uıymdyq is-sharalar;
2. Memlekettik kórsetiletin qyzmetti ońtaılandyrý jáne avtomattandyrý jónindegi basqa da is-sharalardyń mynalardy:
1) memlekettik qyzmetti kórsetý prosesine qatysatyn aqparattyq júıelerdi jańǵyrtýdy (memlekettik qyzmetti kórsetý prosesin avtomattandyrǵan jaǵdaıda);
2) memlekettik qyzmetti kórsetý prosesine qatysatyn aqparattyq júıelerdi (memlekettik qyzmetti kórsetý prosesin avtomattandyrǵan jaǵdaıda) ózara jáne «elektrondyq úkimettiń» veb-portalymen nemese «elektrondyq lısenzııalaý» veb-portalymen jáne (nemese) halyqqa qyzmet kórsetý ortalyqtarynyń ıntegrasııalanǵan aqparattyq júıesimen ıntegrasııalaýdy qosa alǵandaǵy merzimderi men oryndalý tártibi.
3. Memlekettik qyzmetti kórsetýdiń ońtaılandyrylǵan prosesin engizý jáne tájirıbelik paıdalanýdy júrgizý;
4. Normatıvtik quqyqtyq qamtamasyz etý;
5. Azamattardyń memlekettik qyzmetti kórsetýdiń ońtaılandyrylǵan jáne avtomattandyrylǵan tártibi týraly habardar bolýyn arttyrý;
6. Qysqartýlar men belgilenýler.
Is-sharalar josparlary naqty, túsinikti mazmundalady jáne olarda jaýapty tulǵalar men aıaqtalý merzimderin kórsete otyryp, memlekettik kórsetiletin qyzmetterdi ońtaılandyrý jáne avtomattandyrý jónindegi barlyq qajetti is-sharalar kózdeledi.
Is-sharalar jospary ýákiletti organǵa ilespe hatpen birge jiberiledi, onda mynalar kórsetiledi:
1) aqparattyq júıelerdiń elektrondyq aqparattyq resýrstaryna almastyrýǵa, qaǵaz nysanynan elektrondyq nysanǵa aýystyrýǵa (qaǵaz qujattarynyń skanerlengen kóshirmeleri) nemese málimetter nysanyna almastyrýǵa jatatyn memlekettik kórsetiletin qyzmetti alý úshin ótinish berýshilerden talap etiletin qaǵaz qujattarynyń túri men sany;
2) memlekettik qyzmetti kórsetýdiń qysqartylǵan merzimi;
3) avtomattandyrylǵan jaǵdaıda memlekettik qyzmetti kórsetý úshin ıntegrasııalanýǵa jatatyn memlekettik organdar men uıymdardyń aqparattyq júıeleriniń tizbesi;
4) memlekettik qyzmetti kórsetý kezinde aqparat almasý úshin qajetti derekter tizbesi men quramy;
5) memlekettik qyzmetti kórsetý tártibin ońtaılandyrý kezinde alynyp tastalatyn ákimshilik resimder men memlekettik organdardyń bólimsheleri;
6) memlekettik kórsetiletin qyzmetke qol jetkizý núkteleri (kórsetý oryndary);
7) memlekettik qyzmetti kórsetý prosesin avtomattandyrýǵa baılanysty ázirlenýi nemese ózgerister men tolyqtyrýlar engizilýi qajet normatıvtik quqyqtyq aktilerdiń tizbesi.
