Parlament • 12 Qazan, 2020

Talǵat Musabaev Tájikstandaǵy prezıdent saılaýynda halyqaralyq baıqaýshy boldy

460 ret

kórsetildi

1 mın

oqý úshin

11 qazanda Senat depýtaty Talǵat Musabaev TMD elderiniń Parlamentaralyq Assambleıasynan Tájikstandaǵy prezıdent saılaýynda halyqaralyq baıqaýshylar tobynyń quramyndaǵy jumystarǵa qatysty, dep habarlaıdy Egemen.kz Parlament Senatynyń baspasóz qyzmetine silteme jasap.

Jibek AǴDARI

Talǵat Musabaev Tájikstandaǵy prezıdent saılaýynda halyqaralyq baıqaýshy boldy

Monıtorıng júrgizetin top Olı Májilisi(Parlamenttiń) eki palatasynyń basshylyǵymen, Tájikstan prezıdenti laýazymyna úmitkerlermen, Tájikstan Respýblıkasy Saılaý jáne referendým jónindegi ortalyq komıssııasynyń basshylyǵymen kezdesti.

Tájikstan Parlamentiniń tómengi palatasynyń Tóraǵasy TMD Parlamentaralyq Assambleıasynyń saılaýdy baıqaýdyń demokratııalyq ınstıtýtyn damytý isindegi mańyzdy rólin atap ótti. Ol Dostastyq elderiniń parlamentshileriniń nátıjeli ári tıimdi jumys atqarýyna tilektestigin bildirdi.

Saılaý jáne referendým jónindegi ortalyq komıssııanyń tóraǵasy Tájikstannyń okrýgtik jáne ýchaskelik saılaý komıssııalarynyń qyzmeti týraly aıtyp berdi. Ol saılaýǵa 167 halyqaralyq baıqaýshy men túrli elderden 270-ten astam jýrnalıst tirkelgeni týraly sheteldik delegattardy habardar etti.

Tájikstan aýmaǵynda prezıdent saılaýyna 68 okrýgtik jáne 3375 ýchaskelik saılaý komıssııalary qurylǵan bolatyn, sonymen qatar 29 shet elde daýys berýge arnalǵan taǵy 39 ýchaske ashyldy.