2013 jylǵy 18 qazan, Astana, Úkimet Úıi
Bólek jergilikti qoǵamdastyq jıyndaryn ótkizýdiń úlgi qaǵıdalaryn bekitý týraly
«Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly» 2001 jylǵy 23 qańtardaǵy Qazaqstan Respýblıkasy Zańynyń 39-3-babyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Bólek jergilikti qoǵamdastyq jıyndaryn ótkizýdiń úlgi qaǵıdalary bekitilsin.
2. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2013 jylǵy 18 qazandaǵy № 1106 qaýlysymen bekitilgen
Bólek jergilikti qoǵamdastyq jıyndaryn ótkizýdiń úlgi qaǵıdalary
1. Jalpy erejeler
1. Osy Bólek jergilikti qoǵamdastyq jıyndaryn ótkizýdiń úlgi qaǵıdalary «Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly» 2001 jylǵy 23 qańtardaǵy Qazaqstan Respýblıkasynyń Zańy 39-3-babynyń 6-tarmaǵyna sáıkes ázirlendi jáne aýyl kóshe, kóppáterli turǵyn úı turǵyndarynyń bólek jergilikti qoǵamdastyq jıyndaryn ótkizýdiń úlgi tártibin belgileıdi.
2. Aýdandyq mańyzy bar qalalardyń, aýyldardyń, kentterdiń, aýyldyq okrýgterdiń aýmaǵyndaǵy aýyldyń, kósheniń, kóppáterli turǵyn úı turǵyndarynyń bólek jergilikti qoǵamdastyq jıyndary (budan ári - bólek jıyn) jergilikti qoǵamdastyqtyń jıynyna qatysý úshin ókilderdi saılaý maqsatynda shaqyrylady jáne ótkiziledi.
2. Bólek jıyndardy ótkizý tártibi
3. Bólek jıyndy aýdandyq mańyzy bar qalanyń, aýyldyń, kenttiń, aýyldyq okrýgtiń ákimi shaqyrady.
Tıisti aýdan (oblystyq mańyzy bar qala) ákiminiń jergilikti qoǵamdastyq jıynyn ótkizýge oń sheshimi bar bolǵan jaǵdaıda bólek jıyndy ótkizýge bolady.
4. Jergilikti qoǵamdastyq halqy bólek jıyndardyń shaqyrylý ýaqyty, orny jáne talqylanatyn máseleler týraly buqaralyq aqparat quraldary arqyly nemese ózge de tásildermen olar ótkiziletin kúnge deıin kúntizbelik on kúnnen keshiktirilmeı habardar etiledi.
5. Aýyl, kóshe, kóppáterli turǵyn úı sheginde bólek jıyndy ótkizýdi aýdandyq mańyzy bar qalanyń, aýyldyń, kenttiń jáne aýyldyq okrýgtiń ákimi uıymdastyrady.
6. Bólek jıyndy ashýdyń aldynda tıisti aýyldyń, kósheniń, kóppáterli turǵyn úıdiń qatysyp otyrǵan jáne oǵan qatysýǵa quqyǵy bar turǵyndaryn tirkeý júrgiziledi.
7. Bólek jıyndy aýdandyq mańyzy bar qala, aýyl, kent, aýyldyq okrýg ákimi nemese ol ýákilettik bergen tulga ashady.
Aýdandyq mańyzy bar qala, aýyl, kent, aýyldyq okrýg ákimi nemese ol ýákilettik bergen tulga bólek jıynnyń tóragasy bolyp tabylady.
Bólek jıynnyń hattamasyn rásimdeý úshin ashyq daýyspen hatshy saılanady.
8. Jergilikti qogamdastyq jıynyna qatysý úshin aýyl, kóshe, kóppáterli turǵyn úı turgyndary ókilderiniń kandıdatýralaryn aýdannyń (oblystyq mańyzy bar qalanyń) máslıhaty bekitken sandyq quramga sáıkes bólek jıynnyń qatysýshylary usynady.
Jergilikti qogamdastyq jıynyna qatysý úshin aýyl, kóshe, kóppáterli turgyn úı turǵyndary ókilderiniń sany teń ókildik etý qagıdaty negizinde aıqyndalady.
9. Daýys berý ashyq túrde árbir kandıdatýra boıynsha derbes júrgiziledi. Bólek jıyn qatysýshylarynyń eń kóp daýystaryna ıe bolǵan kandıdattar saılanǵan bolyh esepteledi.
10. Bólek jıynda hattama júrgiziledi, oǵan tóraga men hatshy qol qoıady jáne ony tıisti aýdandyq mańyzy bar qala, aýyl, kent jáne aýyldyq okrýg ákiminiń apparatyna beredi.
