Ádildik izdegen polıseı áleýmettik jelige shyqty

Memleket basshysynyń «Jańa jaǵdaıdaǵy Qazaq­stan: is-qımyl kezeńi atty» Joldaýyna úńilsek, «ýchas­kelik ınspektordyń márte­be­sin zańnama arqyly arttyryp, onyń ónimdi jumys isteýine mol múmkindik bergen jón. Ol azamattar aldynda tanymal, qoljetimdi ári bedeldi bolýǵa, solardyń quqyqtaryn qorǵaýǵa tıis», delingen.

Al polıseılerdiń halyq aldynda bedeli artýy úshin ádildiktiń aq týyn jyqpaı, aldymen eldiń qaýipsizdigin qamta­masyz etýi kerek emes pe?! Qajet jaǵdaıda, turǵyn­dar­ǵa kómek qolyn sozyp ji­be­rý de artyqtyq etpes. Odan polıseıdiń abyroıy artpasa, pogony túsip qalmaıdy. Kerisinshe alǵysqa bólenip, el arasynda eńbegi elenedi. Halyqqa jaqyn júrgen soń bedeli artady. Eli syılaıtyn azamatqa aınalady. Ol úshin biraq Prezıdent aıtqandaı, tutas reforma jasalýy kerek shyǵar. Áıtpese quqyq qorǵaý qyzmetkerleriniń óz ishinde zańǵa qaıshy áreket jasaıtyndar az emes sııaqty.

Atap aıtsaq, bıyl aqpan aıynda aqtóbelik polıseıler ádildik izdep, beıneúndeý jasaǵany este­rińi­­zde shy­ǵar. Odan soń qyr­kúıektiń bas ja­ǵynda «Túr­kis­tandyq polıseı­lerdiń bylyǵy» degen taqy­ryppen áleýmettik jelide ýchas­kelik ıns­pek­tor­dyń buza­qy­lyq iske beıjaı qa­ra­ǵan­dy­ǵy týraly jazylǵan bolatyn. Nátıjesinde ýchas­kelik polısııa sútten aq, sý­dan taza bolyp shyqqanǵa uqsaı­dy. Bular bertingisi, bizge belgi­lisi ǵana. Al ishinara oryn alyp jatqan zańsyzdyqtar qanshama?!

Kúni keshe ǵana Shyǵys Qazaqstan oblysynda quqyq qorǵaý qyzmeti salasynda taǵy ádiletsizdik oryn aldy. Bul joly da óz ishterindegi zańsyz áreketke qarsy shyq­qan polısııa qyzmetkeri shara­syz­dyqtan áleýmettik jeli arqyly halyqqa beıneúndeý joldaǵan.

О́zin Erkebulan Merembaev dep tanystyrǵan polısııa serjanty Shyǵys Qazaqstan oblysy, Jarma aýdany, Shar qalasynyń polısııa bóliminde qyzmet etedi. Polıseıdiń aıtýynsha, Jarma aýdandyq polısııa bólimi bastyǵynyń mindetin atqarýshy podpolkovnık Rınat Ahatın sot qaýlysymen 15 táýlikke qa­mal­­ǵan azamatty bo­sa­tý­yn su­ra­ǵan. Alaıda bul zań­ǵa qaıshy edi. Onyń ústi­ne qamaýdaǵy er-azamattyń eshqandaı kýáligi bolmaǵan.  

«Sharasyzdyqtan beıne­ún­deý joldap otyrmyn. О́ıt­k­eni aqylǵa syımaıtyn jaǵdaılar bolyp jatyr. Men 2013 jyldan beri ákimshilik qamaýǵa alynǵandardy qabyl­daý ornynda jumys isteımin. 2020 jyldyń 27 shildesinde kestege sáıkes kezekshilikke tús­tim. Bólim kezekshisi Jar­ma aýdan­dyq polısııa bóli­mi bas­tyǵynyń mindetin atqa­rý­shy, podpolkovnık Rınat Ahatınge qońyraý shalýymdy surady. Aıtqan soń habarlas­tym. Ol sottyń qaýlysymen 15 táýlikke qamalǵan Áýezov kentiniń turǵyny, 1970 jyly týǵan azamatty ýaqytsha bosa­týym kerektigin aıtty. Ol Ákim­shilik quqyqbuzý­shy­lyq­tyń 608-baby boıynsha, ıaǵnı alkagoldi ishimdik iship kólik rýline otyrǵandyǵy anyq­talyp, 14-29 shilde araly­ǵyn­da Shar qalasynda qamaýǵa alynǵan bolatyn», deıdi po­lısııa qyzmetkeri beıneún­deý­de.

Polısııa qyzmetkeriniń aı­týynsha, qamaýdaǵy azamat kórshi aýylǵa áldebireýdiń jerleý rásimine suranǵan kórinedi. Biraq kezekshi polıseı  bosatýǵa úzildi-kesildi qarsy bolǵan. Alǵan betten qaıtpaǵan podpolkovnık qaıta qońyraý shalyp, qamaýdaǵy azamattyń eshkimge kórinbeı ún-túnsiz baryp qaıtatynyn aıtqan. Tipti aýdannyń prokýrorymen kelisip qoıǵanyn da habardar etken. Bolmasa, «aýyrdy degen syltaý aıtyp, dáriger shaqyrtyp ýa­qyt­sha bosat», degendeı túrli nusqalar da usynǵan. Alaı­da antyna berik polıseı bas­shy­lyq taraptan aıtylǵan nus­qaýdy oryndaýdan bas tartqan. Budan soń sheni ózinen tómen qyzmetkerge podpolkovnık azamat qoqan-loqy kórset­ken kórinedi. Al serjant bul jaǵdaı dáleldi bolýy úshin sóılesken sózderin dıktofonǵa jazyp alǵan.

«Men Ishki ister mınıs­tri­ne, Bas prokýrorǵa baıanat jazdym. Bolǵan jaǵdaı tártiptik komıssııada qaralyp, tolyq emes jaza berildi. Tipti qyzmetinde qaldy. Al meni madaqtaýdyń ornyna «basqa qyzmetke aýysqyń kelmeı me?» desti. Osy sóz meniń na­my­­syma tıdi», degendi aıtady polıseı.

Osyndaı qıturqy áre­ket­terdi kórip-bilip otyrǵan qara­paıym halyq quqyq qor­ǵaý qyzmetkerlerinen qan­daı qaıyr kútsin. Álbette, bes saýsaq birdeı emes. Zań­syz­dyqqa bara qoımaıtyn Erkebulan Merembaev syndy polıseıler de joq emes shyǵar. Dese de, bir qumalaq bir qaryn maıdy shiritpeı me?!        

Bul oqıǵa týraly Shyǵys Qazaqstan oblystyq Po­lı­­sııa departamenti baspa­sóz qyzmetiniń habarlaýyn­sha, áleýmettik jelilerde taratylǵan beınejazbaǵa qa­tys­ty departamenttiń qaýip­sizdik basqarmasy qyzmettik tergeý júrgizip, birqatar aýmaq­­tyq bólimshelerdiń bas­shy­lary qatań tártiptik jaýap­kershilikke tartylǵanyn aıtty. Sonymen qatar departament basshylyǵynyń tapsyrmasy boıynsha qosymsha tekserý taǵaıyndalǵan eken.

Keıin belgili bolǵandaı, Ishki ister mınıstri Erlan Tur­ǵymbaev shyǵys­qazaq­stan­dyq polıseıdiń beıneúndeýin nazarǵa alyp, oblysqa ishki qaýipsizdik departamentiniń qyz­metkerlerin jiberdi. «Olar qyzmettik tekserý júr­gi­zip, oqıǵanyń mán-ja­­ıyn anyqtap, polısııa bó­li­mi bas­shy­larynyń is-áre­ket­te­ri­ne baǵa berýi tıis», dep habarlady vedomstvodan.

Áliptiń artyn baǵaıyq. Bul máseleniń nátıjesin biz de nazarymyzda ustaıtyn bolamyz.

Shyǵys Qazaqstan oblysy