2013 jylǵy 6 tamyz, Astana qalasy
«Barlyq nemese jekelegen operasııalardy oryndaý úshin temirjol stansııalaryn ashý jáne jabý erejelerin bekitý týraly» Kólik jáne kommýnıkasııa mınıstriniń 2004 jylǵy 23 shildedegi № 283-I buıryǵyna ózgerister engizý týraly
«Temirjol kóligi týraly» Qazaqstan Respýblıkasynyń Zańynyń 17-baby 2-tarmaǵyna sáıkes buıyramyn:
1. «Barlyq nemese jekelegen operasııalardy oryndaý úshin temir jol stansııalaryn ashý jáne jabý erejelerin bekitý týraly» Kólik jáne kommýnıkasııa mınıstriniń 2004 jylǵy 23 shildedegi № 283-I buıryǵyna (normatıvtik quqyqtyq aktilerdi memlekettik tirkeý tiziliminde 2004 jylǵy 27 shildede № 2969 tirkeldi, «Zań gazeti» 2005 jylǵy 16 tamyz, № 85 (709)) mynadaı ózgerister engizilsin:
kórsetilgen buıryqtyń ataýyn kelesi mazmunda jazylsyn:
«Barlyq nemese jekelegen operasııalardy oryndaý úshin temir jol stansııalaryn, razezderin ashý jáne jabý erejelerin bekitý týraly»;
kórsetilgen buıryqtyń 1- tarmaǵy kelesi mazmunda jazylsyn:
«1. Qosa berilip otyrǵan barlyq nemese jekelegen operasııalardy oryndaý úshin temir jol stansııalaryn, razezderin ashý jáne jabý erejeleri bekitilsin.»;
Barlyq nemese jekelegen operasııalardy oryndaý úshin temir jol stansııalaryn, razezderin ashý jáne jabý erejesin osy buıryqqa qosymshaǵa sáıkes redaksııada jazylsyn.
3. Qazaqstan Respýblıkasy Kólik jáne kommýnıkasııa mınıstrliginiń Kólik jáne qatynas joldary komıteti (R.Q. Maǵzumov) osy buıryqtyń:
1) Qazaqstan Respýblıkasynyń Ádilet mınıstrliginde memlekettik tirkelýin;
2) onyń Qazaqstan Respýblıkasy Ádilet mınıstrliginde memlekettik tirkelgennen keıin buqaralyq aqparat quraldarynda, Qazaqstan Respýblıkasy Kólik jáne kommýnıkasııa mınıstriniń ınternet-resýrsynda resmı jarııalanýyn jáne memlekettik organdarynyń ıntranet-portalynda (MOIP) ornalastyrylýyn qamtamasyz etsin.
4. Osy buıryqtyń oryndalýyn baqylaýdy ózime qaldyramyn.
5. Osy buıryq alǵashqy resmı jarııalanǵan kúnnen bastap qoldanysqa engiziledi.
Mınıstrdiń mindetin atqarýshy R.SKLIаR.
Qazaqstan Respýblıkasy Kólik jáne kommýnıkasııalar mınıstriniń
2013 jylǵy 6 tamyzdaǵy № 607 buıryǵyna qosymsha
Qazaqstan Respýblıkasynyń Kólik jáne kommýnıkasııalar mınıstriniń
2004 jylǵy 23 shildedegi № 283-I buıryǵymen bekitilgen
Barlyq nemese keıbir operasııalardy oryndaý úshin
temirjol stansııalardy ashý jáne jabý erejeleri
1. Barlyq nemese keıbir operasııalardy oryndaý úshin temirjol stansııalardy, razezderdi ashý jáne jabý erejeleri «Temirjol kóligi týraly» Qazaqstan Respýblıkasynyń 2001 jylǵy 8 jeltoqsandaǵy Zańynyń 17-baby 2-tarmaǵyna sáıkes ázirlengen.
Ereje Ulttyq ınfraqurylym operatory (magıstraldyq temirjol jelisi operatory) (budan ári - Ulttyq ınfraqurylym operatory), tasymaldaý prosesiniń qatysýshylary jáne temir jol kóligi salasyndaǵy basshylyqty, sondaı-aq Qazaqstan Respýblıkasynyń zańnamasynda kózdelgen shekte salaaralyq úılestirýdi júzege asyratyn ýákiletti organy (budan ári - ýákiletti organ) arasyndaǵy qatynastardy retteıdi.
2. Barlyq nemese keıbir operasııalardy oryndaý úshin temirjol stansııalardy, razezderdi ashý maqsatynda (budan ári – stansııalardy, razezderdi ashý) tasymaldaý prosesiniń qatysýshysy Ulttyq ınfraqurylym operatoryna ashylatyn temirjol stansııasyndaǵy, razezindegi tasymaldaýdyń qajettiligi negizdemesimen qosa jazbasha ótinish jiberedi.
3. Barlyq nemese keıbir operasııalardy oryndaý úshin temir jol stansııalardy, razezderdi jabylý kezinde (budan ári – stansııalardy, razezderdi jabý) tasymaldaý prosesiniń qatysýshysy Ulttyq ınfraqurylym operatoryna osy temir jol stansııadaǵy, razezindegi tasymaldaýǵa arnalǵan usynystyń jáne júk, bagaj, júk-bagajdyń, mólsheri, jolaýshylar aǵymynyń mólsheri, sondaı-aq boljanyp otyrǵan stansııanyń, razezdiń jabylýy áser etýge múmkindik jasaıtyn jergilikti maǵynadaǵy faktor tómendegini rastaıtyn qujattarmen qosa jazbasha ótinish jiberedi.
4. Ulttyq ınfraqurylym operatory tasymaldaý prosesiniń qatysýshynyń stansııalardy, razezderdi ashý nemese jabý jónindegi ótinishin alǵan kúninen bastap on kúntizbelik kúnder ishinde qaraıdy.
5. Stansııalardy, razezderdi ashýǵa nemese jabýǵa kelisýden bas tartylý kezinde Ulttyq ınfraqurylym operatory on kún ishinde tasymaldaý prosestiń qatysýshy adresine negizdelgen jaýabyn jiberedi.
6. Temir jol stansııalaryn, razezderin ashý nemese jabý týraly laıyqty sheshimin qabyldanǵan kezde, Ulttyq ınfraqurylym operatory belgilengen merzimde tasymaldaý prosesi qatysýshynyń ótinishin qaraǵannan keıin ony qarastyrý jáne sheshim qabyldaý úshin barlyq qosylatyn qujattarmen ýákiletti organǵa jiberedi.
7. Ýákiletti organ on kúntizbelik kúnder ishinde Ulttyq ınfraqurylym operatormen kelisilgen stansııalardy, razezderdi ashýǵa nemese jabýǵa arnalǵan ótinishti qaraıdy. Temirjol stansııalardy, razezderdi ashý jáne jabý týraly laıyqty sheshim qabyldanǵannan keıin ýákiletti organ úsh jumystyq kúnder ishinde temir jol stansııalardy, razezderdi ashý jáne jabý týraly buıryqty Ulttyq ınfraqurylym operatoryna jiberedi.
8. Memlekettik, áleýmettik nemese qorǵanys mańyzy bar stansııalardy, razezderdi jabýǵa múmkindigi bolmasa ýákiletti organ bul týraly Ulttyq ınfraqurylym operatoryna habarlaıdy. Ulttyq ınfraqurylym operatory ýákiletti organnan stansııalardy, razezderdi jabýǵa múmkinsizdigi týraly habar alǵannan keıin, tasymaldaý prosestiń qatysýshylaryna úsh kún ishinde bul týraly habarlaıdy.
9. Ulttyq ınfraqurylym operatordy memlekettik, áleýmettik nemese qorǵanys mańyzy bar stansııalardy, razezderdi jabýǵa múmkinsizdigi týraly habarlaǵan kúnnen bastap, ýákiletti organ úsh aı merzimde osy stansııany qarjylandyrý kózin anyqtaýǵa mindetti. Eger ýákiletti organ belgilengen merzimde memlekettik, áleýmettik nemese qorǵanys mańyzy bar stansııalardy, razezderdi qarjylandyrý kózi anyqtalmasa, tasymaldaý prosestiń qatysýshylary osy temir jol stansııany, razezdi jabýdy nemese osy temir jol stansııada, razezde jeke operasııalardy oryndaýdy toqtatý sot boıynsha talap etýge quqyly.
10. Ulttyq ınfraqurylym operatory barlyq nemese keıbir operasııalardy oryndaý úshin stansııalardy, razezderdi ashýǵa jáne jabýǵa ýákiletti organnyń buıryǵyn alǵannan keıin Temirjoldar yntymaqtastyǵy uıymyn, memleketter-qatysýshylar Dostyǵynyń temir jol kóligi boıynsha Keńes Dıreksııasyn, sondaı-aq Táýelsiz memleketter dostyǵy jáne Baltııa elderdiń temirjol ákimshilikterdi belgilengen tártipte habarlaıdy.
Barlyq nemese keıbir operasııalardy oryndaý úshin temirjol stansııalardy, razezderdi ashý jáne jabý týraly sheshimi № 4 - tarıftik basshylyqta jarııalanady.
Buıryq Qazaqstan Respýblıkasynyń Ádilet mınıstrliginde 2013 jylǵy 28 tamyzdaǵy Normatıvtik quqyqtyq kelisimderdi memlekettik tirkeýdiń tizilimine №8673 bolyp engizildi.
