Qazaqstan Respýblıkasy Ishki ister mınıstrliginiń buıryǵy №590

2013 jylǵy 9 qazan,  Astana qalasy

Qazaqstan Respýblıkasy Ishki Ister mınıstrligi Ishki áskerleriniń Áskerı – dárigerlik komıssııasy týraly erejeni bekitý týraly

«Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrqúıektegi kodeksiniń 8-babyna sáıkes buıyramyn:
1. Osy buıryqqa qosymshaǵa sáıkes Qazaqstan Respýblıkasy Ishki ister mınıstrligi Ishki áskerleriniń áskerı – dárigerlik komıssııasy týraly ereje bekitilsin.
2. Buıryq oblystardyń, Almaty jáne Astana qalalarynyń, ishki ister departamentterine, Qazaqstan Respýblıkasy IIM Ishki áskerleriniń óńirlik qolbasshylyq qolbasshylaryna, quramalary men áskerı bólim komandırlerine, Áskerı ınstıtýtynyń bastyǵyna jetkizilsin.
3. Ishki áskerler Bas Qolbasshysy - Ishki áskerler komıtetiniń tóraǵasy (R.F. Jaqsylyqov):
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi jáne odan ári resmı jarııalaýdy;
2) osy buıryqty Qazaqstan Respýblıkasy Ishki ister mınıstrliginiń ınternet-resýrsyna ornalastyrýdy qamtamasyz etsin.
4. Osy buıryqtyń oryndalýyn baqylaý Qazaqstan Respýblıkasy Ishki ister mınıstrligi Ishki áskerleriniń Bas Qolbasshysy - Ishki áskerler komıtetiniń tóraǵasy general-maıor R.F.Jaqsylyqovqa júktelsin.
5. Osy buıryq alǵash resmı jarııalanǵannan keın kúntizbelik on kún ótkennen soń qoldanysqa engiziledi.
Mınıstr polısııa general-leıtenanty                  Q.Qasymov.

Qazaqstan Respýblıkasy Ishki ister mınıstriniń
2013 jylǵy 2013 jylǵy 9 qazandaǵy № 590 buıryǵymen bekitilgen

Qazaqstan Respýblıkasy Ishki ister mınıstrligi Ishki áskerleriniń
áskerı-dárigerlik komıssııasy týraly ereje

1. Negizgi erejeler
1. Osy Ereje «Halyq densaýlyǵy jáne densaýlyq saqtaý júıesi týraly» Qazaqstan Respýb­lıka­synyń kodeksine, Qazaqstan Respýblıkasy Úkimetiniń 2010 jylǵy 30 qańtardaǵy № 44 qaý­lysymen bekitilgen Áskerı-dárigerlik saraptamany júrgizý qaǵıdasyna jáne Áskerı-dárigerlik saraptama organdary týraly erejege (budan ári – Áskerı-dárigerlik saraptamany júrgizý qaǵıdasy)sáıkes ázirlendi jáne Ishki áskerler áskerı-dárigerlik komıssııanyń  fýnksııalaryn jáne ókilettigin aıqyndaıdy.
2. Qazaqstan Respýblıkasy Ishki ister mınıstrligi Ishki áskerleriniń(budan ári – IIM IÁ)shtattyq áskerı-dárigerlik komıssııasy (budan ári – Shtattyq ÁDK) IIM IÁ óńirlikqolbasshylyqtarynyń (budan ári – О́ńQ), quramalarynyń, áskerı bólimderiniń, Áskerı ınstıtýtynyń(budan ári – ÁI) lazaretteri jáne gospıtaldaryjanynda qurylǵan shtattan tys áskerı-dárigerlik komıssııalardyń Ishki áskerlerde áskerı qyzmetshilerdi áskerı-dárigerlik saraptamadan (budan ári – ÁDS) ótkizý máselesi boıynsha jumysynjalpy basqarýdy júzege asyrady.
3. Shtattyq ÁDK-ni Qazaqstan Respýblıkasy IIM IÁ Bas qolbasshylyǵy (budan ári – IÁBQ) Áskerımedısına basqarmasy (budan ári – ÁMB) bastyǵynyń usynymy boıynsha Ishki áskerler Bas qolbasshysy laýazymǵa taǵaıyndaıtyn jáne odan bosatatyn bastyq basqarady.
4. Shtattyq ÁDK-niń bastyǵy tikeleıIshki ister mınıstrliginiń IÁBQ ÁMB bastyǵyna, al ÁDS máseleleri boıynsha IIM Ortalyq áskerı-dárigerlik komıssııasynyń (budan ári – IIM OÁDK) bastyǵyna baǵynady.
5. Shtattyq ÁDK-niń IÁ áskerı qyzmetshilerin ÁDS máseleleri boıynsha nusqaýlary shtattan tys ÁDK úshin mindetti bolyp tabylady.
6. Shtattyq ÁDK-niń bastyǵy óz qyzmetinde Áskerı-dárigerlik saraptama júrgizý qaǵıdasyn, Qazaqstan Respýblıkasy Qorǵanys mınıstriniń 2013 jylǵy 29 qańtardaǵy № 37 buıryǵymen Qazaqstan Respýblıkasynyń Qarýly Kúshterinde, basqa da áskerleri men áskerı quralymdarynda qyzmet etý úshin adamdar densaýlyq jaǵdaıynyń sáıkes kelýine qoıylatyn talaptardy, Qazaqstan Respýblıkasynyń(normatıvtik quqyqtyq aktilerinde memlekettik Reestirinde № 8336 bekitilgen)
7. Shtattyq ÁDK-niń bastyǵy qyzmet túri boıynsha jáne óz quzyreti sheginde Qazaqstan Respýblıkasy Densaýlyq saqtaý mınıstrligimen, IIM OÁDK-men, QM OÁDK-men ózara is-qımyl jasasady.
8. Shtattyq ÁDK-niń qorytyndysy komıssııa músheleriniń daýys basymdyǵymen alqaly túrde qabyldanady.
IÁ-de qyzmet atqarýǵa jaramdylyq Talaptarǵa sáıkes aıqyndalady.
9. ÁDK uıymdastyrý-shtattyq qurylymyn Qazaqstan Respýblıkasy IIM bekitedi.

2 Áskerı-dárigerlik komıssııalardyń ókilettigi jáne fýnksııalary
10. ÁDS ótkizý úshin IÁ-de shtatyq, shtattan tys turaqty jumys isteıtin jáne ýaqytsha, sondaı-aq gospıtaldik ÁDK qurylady.
11.Shtattyq jáne shtattan tys turaqty jumys isteıtin ÁDK ÁDS júrgizýi úshin kelisimshart negizinde IID gospıtalderiniń, Qazaqstan Respýblıkasy Densaýlyq saqtaý mınıstrliginiń bas (jetekshi) medısınalyq mamandaryn  tartýy múmkin.
12. Shtattyq ÁDK joǵary medısınalyq bilimi, maman sertıfıkaty, sondaı-aq IÁ-niń áskerı medısınalyq bólinisterinde praktıkalyq, klınıkalyq jáne saraptamalyq jumys tájirıbesi bar áskerı-dárigerlik sarapshy-mamandarmen jasaqtalady.
13. Shtattyq ÁDK ÁDS boıynsha mindetterdi oryndaý kezinde áskerı medısınalyq bólinisterdiń jumysyn uıymdastyrýdy jáne úılestirýdi júzege asyratyn barlyq ÁDS organdarymenózara is-qımyl jasasady.
14. ÁDK-niqajetti múlikpen, tehnıkamen qamtamasyz etý bekitilgen áskerı bólim arqyly júzege asyrylady.
15. Shtattyk ÁDK-niń qorytyndysyn shaǵym túsken jaǵdaıda IIM OÁDK qaıta qaraýy múmkin
16. Shtattyq ÁDK-niń jáne shtattan tys turaqty jumys isteıtin ÁDK-niń jumysyn baqylaý IÁBQ ÁMB-ge, ÁDS máseleleri boıynsha ádistemelik qamtamasyz etý IIM OÁDK-ge júkteledi.
17. ÁDS –tiń uıymdastyrylýy áskerı – dárigerlik saraptama organdary týraly Erejeniń 21-shi tarmaǵynda kórsetilgen mindetterimen júzege asyrylady.

3 Shtattan tys turaqty jumys isteıtin ÁDK
18. Shtattan tys turaqty jumys isteıtin ÁDK IÁ áskerı qyzmetshilerin medısınalyq kýálan­dyrý úshin О́ńQ, quramalardyń, áskerı bólimderdiń, ÁI lazaretteri jáne gospıtaldary janynda qurylady.
19. Shtattan tys turaqty jumys isteıtin ÁDK mynadaı quramda qurylady: bastyq, bastyqtyń oryn­basary (komıssııa músheleriniń biri), komıssııa músheleri (keminde úsh dáriger-maman) jáne hatshy.
20. Shtattan tys turaqty jumys isteıtin ÁDK bastyǵy jáne bastyǵynyń orynbasary bolyp ÁDS máseleleri boıynsha neǵurlym daıyndalǵan, IÁ, vedomstvolyq medısınalyq jáne áskerı medısınalyq mekemelerde jumys tájirıbesi bar dáriger-mamandar taǵaıyndalady.
21. Shtattan tys turaqty jumys isteıtin ÁDK ÁDS máseleleri boıynsha
Shtattyq ÁDK, IIM OÁDK, QM OÁDK nusqaýlaryn (túsiniktemelerin) basshylyqqa alady.
22. Shtattan tys turaqty jumys isteıtin ÁDK-ge:
1) áskerı bólimder kadr apparattarynyń joldamasy boıynsha osy medısınalyq bóliniste zertteýdegi jáne emdelýdegi IÁ áskerı qyzmetshileriniń qatardaǵy jáne basshy quramy adamdaryn kýálandyrý;
2) IÁ barlyq sanattaǵy áskerı qyzmetshileriniń naýqastanýy týraly qorytyndylardy, kýálikterdi qorytyndy shyǵarylǵan sátten bastap 5 jumys kúninenkeshiktirmeıShtattyq ÁDK-ge bekitýge usyný;
3) nozologııalyq nysandar boıynsha sapaly jáne tolyq zertteý júrgizý úshin tizbeler men ádistemeler ázirleý;
4) shtattantys ÁDK jumysyna qatysatyn mamandardyńÁDS máseleleri boıynsha oqytýdy uıymdastyrý jáne arnaıy bilim deńgeıin arttyrý;
5) shtattantys ÁDK qurylǵan medısınalyq bólinisterde ÁDS-ke baılanysty emdeý-dıagnostıkalyq jumystyń sapasyn baǵalaý jáne olardy jaqsartý boıynsha sharalar qabyldaý;
6) IÁ qatardaǵy jáne basshy quram adamdaryn kýálandyrý nátıjelerin taldaý jáne jınaqtaý;
7) IÁ qatardaǵy jáne basshy quram adamdaryn emdeý nátıjesin zerdeleý júkteledi.

4 Gospıtaldyq ÁDK
23. Gospıtaldik ÁDK (budan ári – GÁDK) áskerı medısınalyq mekeme bastyǵynyń buıryǵymen áskerı medısınalyq mekemede taǵaıyndalady, quramyna tóraǵa, keminde úsh dáriger-sarapshy jáne hatshy kiredi.
24. GÁDK bastyǵy bolyp áskerı medısına mekemesi medısına bóliminiń bastyǵy taǵaıyndalady.
25. IIM IÁ áskerı klınıkalyq gospıtalinde GÁDK klınıkalyq beıinderge sáıkes Ishki áskerler Bas qolbasshysynyń sheshimi boıynsha qurylady.
26.GÁDK bastyqtary bolyp jetekshi dáriger-mamandar nemese bólimshe bastyqtary, bastyqtyń orynbasarlary, dáriger-mamandardyń biri – komıssııa múshesi taǵaıyndalady.
27. GÁDK bastyǵy ÁDS máseleleri boıynsha Shtattyq ÁDK bastyǵyna baǵynady.
28. GÁDK qorytyndyny ÁDS máseleleri boıynsha normatıvtik jáne quqyqtyq aktilerge sáıkes shyǵarady.
GÁDK qorytyndylaryn Shtattyq ÁDK qaraıdy, bekitedi jáne qaıta qaraıdy.
29. GÁDK-ge:
1) osy áskerı medısınalyq mekemede zerttelýdegi jáne emdelýdegi áskerı qyzmetshilerdi, olardyń otbasy múshelerin, áskerı mindettilerdi medısınalyq kýálandyrý;
2) ÁDS baılanysty zertteý jáne emdeý nátıjelerin zerdeleý;
3) kemshilikterdi joıý maqsatynda áskerı medısınalyq gospıtaldiń bastyǵyna jáne Shtattyq ÁDK bastyǵyna áskerı qyzmetshilerdi zertteýde jáne emdeýde anyqtalǵan kemshilikter týraly baıandamalardy toqsan saıyn usyný júkteledi.

5. Shtattan tys ýaqytsha jumys isteıtin ÁDK
30. Ýaqytsha jumys isteıtin áskerı-dárigerlik komıssııa (budan ári – ÝÁDK) ÁI-de jyl saıyn ÁI bastyǵynyń buıryǵymen kandıdattar áskerı oqý ornyna túsý kezinde mynadaı quramda qurylady:tóraǵa (medısına qyzmetiniń bastyǵy),tóraǵanyń orynbasary (shtattyq dáriger-mamandar qatarynan) jáne komıssııa músheleri: terpevt, psıhıatr, nevropotolog, hırýrg, oftalmolog, otolarıngolog, stomatolog, dermatovenerolog jáne hatshy.
Osy buıryqpen ÝÁDK-niń jumys isteý merzimi jáne tártibi aıqyndalady.
Sapaly kásibı irikteý maqsatynda komıssııanyń quramyna dáriger-sarapshylar, psıholog jáne laborant qosylady.
31. Tıisti dáriger-mamandar bolmaǵan jaǵdaıda ÁI bastyǵyna tıisti mamandyq dárigerlerin basqa medısınalyq mekemelerden shaqyrýǵa ruqsat etiledi.
32. ÁI ÝÁDK tóraǵasy ÁDS máseleleri boıynsha Shtattyq ÁDK bastyǵyna baǵynady.
33. ÁI ÝÁDK óz jumysynda Shtattyq ÁDK, IIM OÁDK, QM OÁDK nusqaýlaryn (túsiniktemelerin) basshylyqqa alady.
34. ÁI ÝÁDK qatardaǵy jáne basshy quram adamdarynyń, IÁ áskerı qyzmetshileriniń jáne joǵary áskerı oqý oryndaryna túsetin adamdardyń jaramdyǵy (jaramsyzdyǵy) týraly qorytyndy shyǵarady.
35. ÁI ÝÁDK tóraǵasy komıssııanyń jumysy aıaqtaǵannan keıin  kúntizbelik 5 kúnnen keshiktirmeı qorytyndylardy, atqarylǵan jumys týraly esepti jáne Shtattyq ÁDK jaramsyz dep tanylǵan medısınalyq kartalardy joldaıdy.
36. ÁI ÝÁDK-niń oqýǵa túsýge jaramsyzdyǵy týraly qorytyndysyn Shtattyq ÁDK bekitedi.

Buıryq Qazaqstan Respýblıkasynyń Ádilet mınıstrliginde 2013 jylǵy 2 qarashada Normatıvtik quqyqtyq kelisimderdi memlekettik tirkeýdiń tizilimine №8874 bolyp engizildi.