Is-shara halyqaralyq standarttardyń talaptaryna sáıkes respýblıkanyń ónerkásiptik kásiporyndary, ártúrli deńgeıdegi qyzmetkerlerdiń kásibı quzyrettiliginiń deńgeıin jetildirý jáne arttyrý maqsatynda uıymdastyryldy.
Mundaı oqytý jyl saıyn besinshi jyl qatarynan ótkizilýde, alaıda aǵymdaǵy semınar ótken jyldardan qatysýshylardy oqytý formatymen erekshelenedi. Qashyqtyqtan oqytý formatyna kásiporyndardyń, memlekettik organdardyń, bıznes-qoǵamdastyqtardyń, synaq zerthanalarynyń jáne ónimniń sáıkestigin rastaý organdarynyń 70 mamany qatysty.
Tyńdaýshylar 3 kún ishinde ulttyq standarttaý júıesi salasyndaǵy jalpy Normatıvtik-quqyqtyq bazamen tanysty, "Standarttaý týraly" Zańnyń negizderin, standarttaý jónindegi qujattardyń qoldanylýyn, halyqaralyq, óńirlik standarttardy jáne shet memleketterdiń standarttaryn qoldaný qaǵıdalaryn, ulttyq standarttaý jospary men ulttyq standarttardy ázirleý qaǵıdalaryn zerttedi.
Osy semınardyń jańalyǵy-memlekettik satyp alýdy júzege asyrý kezinde standarttaý jáne tehnıkalyq retteý týraly zańnamany praktıkalyq qoldaný máselesin zerdeleý. Qatysýshylar tehnıkalyq retteý salasyndaǵy memlekettik baqylaý jáne qadaǵalaý, ólshem birligin qamtamasyz etý, ulttyq deńgeıde de, EAEO sheńberinde de sáıkestikti baǵalaý salasyndaǵy akkredıtteý máselelerin egjeı-tegjeıli qarady.
Oqytý aıasynda qatysýshylarǵa alǵash ret Qytaı, Iran, Túrkııa, Birikken Arab Ámirlikteri jáne Germanııa sııaqty basym elderdiń naryqtaryna ónimdi eksportyna qol jetkizý jáne Tehnıkalyq retteý júıesi tanystyryldy.
Sondaı-aq qatysýshylarǵa "Halal" ónimderi men aqparattyq tehnologııalar salasyndaǵy standarttaý jáne tehnıkalyq retteý týraly zańnamanyń talaptary túsindirildi. Qashyqtyqtan oqytý formaty tyńdaýshylardy eki baǵyt boıynsha platformalarǵa bólýge múmkindik berdi: "Halal" ónimderi jáne aqparattyq tehnologııalar, onda semınardyń árbir qatysýshysy ózine qyzyqty baǵytty tańdaı aldy.
Semınar barysynda tyńdaýshylar praktıkalyq qyzmette týyndaıtyn suraqtardy belsendi qoıyp, olarǵa lektorlar tolyq jaýap berdi. Bul oqytý bolashaqta, is júzinde, ónimder men qyzmetter óndirisin jetildirýde joǵary nátıjelerge durys jáne tıimdi qol jetkizýge múmkindik beredi.
