Qazaqstan Prezıdenti Nursultan Nazarbaev Kanada Syrtqy ister mınıstri Djon Berdpen kezdesý ótkizdi, dep habarlady Prezıdenttiń baspasóz qyzmeti.
Memleket basshysy mınıstrdiń Qazaqstanǵa saparyna iltıpatyn bildirip, onyń ekijaqty qarym-qatynastardy damytýdaǵy mańyzyn atap ótti.
Qazaqstan Prezıdenti Nursultan Nazarbaev Kanada Syrtqy ister mınıstri Djon Berdpen kezdesý ótkizdi, dep habarlady Prezıdenttiń baspasóz qyzmeti.
Memleket basshysy mınıstrdiń Qazaqstanǵa saparyna iltıpatyn bildirip, onyń ekijaqty qarym-qatynastardy damytýdaǵy mańyzyn atap ótti.
– Qazaqstan geografııalyq jáne klımattyq ólshemderi jaǵynan, sondaı-aq, ekonomıkalyq qurylymy jóninen kóp jaǵdaıda Kanadaǵa uqsas. Táýelsizdik jyldary biz ekijaqty qarym-qatynastyń belsendi damýyna múddeli boldyq. Mysaly, bizde aýyl sharýashylyǵy salasynda óte qarqyndy yntymaqtastyq qalyptasyp keledi, – dedi Nursultan Nazarbaev.
Qazaqstan Prezıdenti Kanadanyń syrtqy saıasat vedomstvosy basshysynyń sapary eki eldiń túrli salalardaǵy yqpaldastyǵyn nyǵaıtýǵa yqpal etetinine senimin bildirdi.
О́z kezeginde D.Berd qabyldaý úshin alǵys aıta kelip, óziniń Qazaqstanda bolýy ekijaqty qarym-qatynasty odan ári jaqsartýǵa jańa serpin beretinin aıtty.
– Biz atom energııasyn beıbit maqsatta paıdalaný salasyndaǵy shartqa qol qoıylýyn taǵatsyz kútýdemiz. Men bul yntymaqtastyǵymyzdy damytýdyń negizgi ustynynyń biri bolady dep oılaımyn. Aýyl sharýashylyǵy salasynda, oǵan jańa tehnologııalardy engizý baǵytynda atqarylǵan jaqsy jumystar bar. Biz saýda-ekonomıkalyq baılanystardy odan ári damytýǵa múddelimiz. Sondaı-aq, saıası jáne dıplomatııalyq ózara yqpaldastyqqa zor kóńil bólemiz, – dedi D.Berd.
Kanada Syrtqy ister mınıstri Astanaǵa qatysty tańdanysyn bildire kelip, jańa elordanyń qurylysy bolashaq urpaq úshin laıyqty mura bolatyndaı jarqyn jetistik ekenin atap ótti.
Sýretti túsirgender
S.BONDARENKO, B.OTARBAEV.
