Vetnam astanasy Hanoı qalasynda Qazaqstan-Vetnam saýda ekonomıkalyq jáne ǵylymı-tehnıkalyq yntymaqtastyq jónindegi úkimetaralyq komıssııasynyń altynshy májilisi bolyp ótti, dep habarlady QR SIM-iniń baspasóz qyzmeti.
Vetnam astanasy Hanoı qalasynda Qazaqstan-Vetnam saýda ekonomıkalyq jáne ǵylymı-tehnıkalyq yntymaqtastyq jónindegi úkimetaralyq komıssııasynyń altynshy májilisi bolyp ótti, dep habarlady QR SIM-iniń baspasóz qyzmeti.
Qazaqstan delegasııasyna elimiz Syrtqy ister mınıstriniń orynbasary Qaırat Sarybaı, Vetnam delegasııasyna osy el О́nerkásip jáne saýda mınıstriniń orynbasary Le Zyong Kýang basshylyq jasady.
Shara barysynda taraptar Qazaqstan Respýblıkasynyń Prezıdenti Nursultan Nazarbaevtyń 2011 jyly Hanoıǵa, Vetnam Prezıdenti Chynog Tan Shanganyń 2012 jyly Astanaǵa saparlary barysynda qol jetkizilgen ýaǵdalastyqtardyń oryndalý jaǵdaıy, sondaı-aq, Qazaqstan Respýblıkasy men Vetnam Sosıalıstik Respýblıkasy arasyndaǵy 2011-2013 jyldarǵa arnalǵan birlesken is-qımyl jospary talqylandy.
Úkimetaralyq komıssııanyń otyrysyna qatysýshylar saıası jáne saýda-ekonomıkalyq salalardaǵy yntymaqtastyq máseleleri boıynsha pikir almasyp, keden isi, aýyl sharýashylyǵy, bilim berý, densaýlyq saqtaý, mádenıet, týrızm jáne sport salalaryndaǵy yntymaqtastyqty damytýdyń múmkindikterin qarastyrdy jáne ózara saýda-sattyq kóleminiń joǵary ósý qarqynyn qanaǵat sezimimen atap ótti. Eki el arasyndaǵy taýar aınalymy bıylǵy jyldyń toǵyz aıynda ótken jyldyń sáıkes kezeńimen salystyrǵanda 2,4 esege ósken.
Kelissózder qorytyndylary boıynsha taraptar Úkimetaralyq komıssııanyń altynshy májilisiniń hattamasyna qol qoıdy. Qujatta yntymaqtastyqtyń buǵan deıingi kelisimdik-quqyqtyq bazalaryn odan ári damytý týraly ýaǵdalastyqtardy qosa alǵanda, basqa da basym baǵyttar naqtylanǵan. Onyń ishinde bankaralyq ózara is-qımyl jónindegi birlesken jumys tobyn qurý týraly da kelisim bar.
Qazaqstan delegasııasynyń basshysy, sondaı-aq, Vetnam Syrtqy ister mınıstriniń orynbasary Ngýen Fyn Namen kezdesý ótkizdi. Kezdesý kezinde BUU, AО́SShK, ASEAN jáne basqa da halyqaralyq uıymdar sheńberindegi ekijaqty saıası únqatysýlar men ózara is-qımyldardy ilgeriletýdiń mańyzy úlken ekeni atap kórsetildi. Taraptar eki eldiń Ortalyq jáne Ońtústik-Shyǵys Azııa óńirlerindegi mańyzdy áriptester retindegi róli joǵary ekenin qýattady.
