«Iýventýs» klýbynyń shabýylshysy Portýgalııa quramasymen birge Ulttar lıgasy aıasyndaǵy kezekti týr oıyny aldynda koronavırýstyń bar-joǵyn anyqtaıtyn test oń nátıje kórsetkeni belgili boldy. Eýropalyq BAQ ókilderiniń habarlaýynsha, Ronaldýda vırýstyń eshqandaı belgileri baıqalmaǵan jáne ol densaýlyǵyna qatysty eshqandaı shaǵym aıtpaǵan. Dese de fýtbolshy ulttyq qurama bazasynan ketip, adamdardan oqshaýlanǵan. Endi ol aldaǵy birqatar oıynǵa qatysa almaıdy. Sonyń ishinde Ulttar lıgasyndaǵy Shvesııamen ótken oıynǵa qatysqan joq.
Aıta keteıik, keıingi aptalarda Eýropada koronavırýsqa shaldyqqandardyń sany artyp, ekinshi tolqyny baıqalyp jatyr. Sondaı-aq TOP-5 chempıonattyń birqatar klýbynyń oıynshylary men qyzmetkerlerinen de indet tabylǵan. Máselen, Ronaldý óner kórsetetin «Iýventýs» klýbynyń eki qyzmetkerinen koronavırýs anyqtalyp, klýb ókilderi karantınge jabylǵan.
