Batys Qazaqstan oblysynyń bas sanıtar dárigeri Muhamǵalı Aryspaev habarlaǵandaı, óńirde jalpy 6 903 adam qaýipti keseldi juqtyrǵan. Onyń 3491 naýqasy sımptomsyz túrimen aýyrǵan. Sondaı-aq ol, oblysta koronovırýsqa shaldyqqandardyń sany ósip kele jatqanyn atap ótti. Máselen, tek sońǵy 4 táýlik ishinde 18 adam aýrý juqtyryp úlgergen.
"Sońǵy 4 táýlikte aýrý juqtyrǵandarǵa toqtalaıyn. Olardyń arasynda 75-80 jastaǵylar men Reseıden kelgen azamattar da bar. Bórli aýdanynda balaqbaqsha tárbıeshisinen koronavırýs anyqtaldy. Balabaqshada karantın jarııalandy. Búgin, 16 qazanda ondaǵy tárbıeshiler men balalardan jáne aýrý juqtyrǵan naýqastyń týystarynan PTR-test alynady", dedi Muhamǵalı Aryspaev.
Sonymen qatar, oblystyq bas sanıtar dáriger Reseıde COVID-19 juqtyrǵandar sanynyń ósýine baılanysty Batys Qazaqstan oblysyndaǵy 4 shekara beketinde karantın talaby kúsheıetinin málimdedi.
