«Barystyń» qatysýymen ótken keıingi bes oıynda komandalar keminde 5 shaıba soǵatynyna úırenip qalǵan jankúıerler bul joly tek bir ǵana goldyń kýási boldy. Osylaısha elorda klýbynyń bes oıynǵa jalǵasqan 3:2 (ár match osy eseppen aıaqtalyp otyrdy) nátıjesine núkte qoıylyp, erekshe statıstıkanyń murty buzyldy. «Aq Bars» pen «Barys» arasyndaǵy kezdesý á degennen-aq tartysty bastaldy. О́ıtkeni eki komandaǵa da jeńis aýadaı qajet edi. Ásirese týrnır kestesinde tómengi oryndarda júrgen qazaqstandyq komanda úshin syrt alańdaǵy jeńis asa mańyzdy bolatyn.
Úsh kezeń boıy bir-birin ala almaǵan komandalar qosymsha ýaqytqa júgindi. Buǵan deıingi eki oıynda da qarsylastarynan overtaımda basym túsken «Barys» bul joly da júrisinen jańylǵan joq. Overtaımnyń birinshi mınýty túgesilip jatqanda komanda kapıtany Darren Dıs qarsylastyń eki oıynshysynan sytylyp ótip, ashyq turǵan áriptesi Roman Starchenoǵa tamasha pas shyǵaryp berdi. О́z kezeginde Roman qaqpany dál kózdep, komandasyna mańyzdy jeńis syılady. Qorytyndy esep – 1:0.
