Kestege sáıkes áskerı qyzmetshiler saptyq, memlekettik-quqyqtyq, kásiptik, arnaıy, dene shynyqtyrý jáne atys daıarlyqtary boıynsha synaqtar tapsyrýda. Sonymen qatar olar jalpy áskerı jarǵylar men radıasııalyq, hımııalyq jáne bıologııalyq qorǵaý jónindegi normatıvter týraly óz bilimderin kórsetedi.
Qorytyndy tekserý saptyq baıqaýdan bastaldy, onyń barysynda komıssııa jeke quramnyń syrtqy túrin jáne qujattaryn tekserdi.
"Qorytyndy tekseriste áskerı qyzmetshilerdiń daıyndyǵyn baǵalaýdyń basty krıterııleri joǵary kásibılik jáne óz maqsatyna sáıkes qoıylǵan mindetterdi oryndaýǵa daıyn bolý bolyp tabylady. Áýe keńistigin kúzetip, kez-kelgen klımattyq jaǵdaıda táýlik boıy áskerı qyzmet atqaratyn áskerı qyzmetshiler. Sondyqtan olardyń qorytyndy tekserýdegi baǵalary "jaqsy" ǵana emes, "óte jaqsyǵa" sáıkes kelýi tıis", - dep atap ótti áskerı bólim komandıri polkovnık Orynbasar Jubanov.
Tekserý qorytyndylardy shyǵarýmen aıaqtalady, onda árbir bólimshe jeke quramnyń daıyndyq deńgeıine sáıkes baǵa alady.
