Osy qyzmet iske qosylýmen qaıtys bolý jáne perınataldyq ólim týraly medısınalyq kýálikti, sondaı-aq qaıtys bolýdy memlekettik tirkeý týraly kýálikti mindetti túrde usyný bóligindegi talaptar alyp tastalady. Anyqtama alý úshin qaıtys bolǵan adamnyń JSN engizý jetkilikti.
"Buryn, kóp ýaqytty alatyn birneshe uıymǵa barý qajet edi. Bul anyqtama jerleý, jerleýge arnalǵan birjolǵy tólemdi taǵaıyndaý, qaıtys bolǵan adamnyń zeınetaqy jınaqtaryn alý jáne murany resimdeý kezinde usyný úshin qajet. Endi ony onlaın rejıminde alýǵa bolady" - dep túsindirdi Qazaqstan Respýblıkasy Sıfrlyq damý, ınnovasııalar jáne aeroǵarysh ónerkásibi mınıstrliginiń baspasóz qyzmeti.
eGov.kz portalynda "Otbasy" bóliminde "Otbasy jaǵdaıy" bólimshesin taýyp, "Qaıtys bolýdy memlekettik tirkeý týraly habarlama" qyzmetin tańdap, oǵan tapsyrys berip, ESQ-men qol qoıý qajet.
Onyń nátıjesimen eGov.kz portaldaǵy paıdalanýshynyń jeke kabınetinde tanysýǵa bolady. Bas tartýdyń sebebi durys toltyrylmaǵan derekter nemese qaıtys bolý týraly akt jazbasynyń bolmaýy bolýy múmkin. Birinshi jaǵdaıda, derekterdi tekserip, qyzmetke qaıta tapsyrys berýińiz kerek. Al ekinshi jaǵdaıda - ýákiletti memlekettik organǵa habarlasyńyz. Atalǵan qyzmet Qazaqstan Respýblıkasy Ádilet mınıstrliginiń aqparattyq júıelerin ıntegrasııalaý arqyly qoljetimdi. Al barlyq derekter memlekettik organdardyń aqparattyq júıelerinen alynady.
Qyzmettiń siltemesi: https://egov.kz/cms/ru/services/marital_status/death_registration
