Oblystyq densaýlyq saqtaý basqarmasynyń baspasóz qyzmeti keltirgen málimetterge sáıkes, Jambyl oblysynda arnaıy súzgi bólmelerinde kúnine 50-60 adam tekserýden ótedi. Kóbinde josparly em sharalary qabyldanady nemese júkti áıelderden PTR-synama alynady. Budan bólek, dárigerler kún saıyn JRVI belgileri bar 5-6 naýqasty qaraıdy.
Alǵashqy fıltr bólmeni ashýdaǵy negizgi maqsat – jedel respıratorly vırýstyq ınfeksııanyń (JRVI), ıaǵnı, bezgek, jótel jáne t. b. belgilerin anyqtaý. Sımptomdary bar naýqastardy jedel oqshaýlaý mańyzdy. Ekinshi fıltr bólmesi kelgen azamattardy belgileri boıynsha bólý, júkti áıelder men balalardy oqshaýlaýǵa arnalǵan. Naýqastarda koronavırýs ınfeksııasy bar bolǵan jaǵdaıda olardy birden oqshaýlap, qajet bolǵanda ambýlatorlyq emdeý sharalary qoldanylady.
Osy arqyly pnevmonııa sekildi ókpeni jasandy jeldetýdi qajet etetin aýrýlardyń órshimeýin qamtý maqsat etilýde.
Munda emdelýshilerge dáriger med eki medbıke qyzmet kórsetedi. Aq halattylar bólek esikten kiredi. Arnaıy qorǵanysh kıimderin kıip baryp fıltr bólmege ótedi. Naýqastarǵa qyzmet kórsetip bolǵan soń olar arnaıy kıimderin sheship, basqa, taǵy bir bólek esik arqyly shyǵyp turady.
Pasıentterde «koronavırýstyq ınfeksııany» anyqtaǵan PTR-synamalar nátıjeleri elektrondy málimetter bazasyna engiziledi. Keıin olarmen baılanysta bolǵan azamattar tizimi anyqtalady. Naýqaspen qarym-qatynasta bolǵan adamdar arnaıy mobıldi brıgadamen úıden qaralady. Olardan da PTR-synamalar alynady. Fıltr bólmelerde jumys isteıtin mamandar qorǵanysh quraldar jáne pýlsoksımetrlermen tolyqtaı qamtyldy. Keleshekte emhanaǵa koronavırýstyq ınfeksııanyń aldyn alýdy maqsat etken pasıentterdi de suryptaý josparlanyp otyr.
