Oblys ákimi Qanat Bozymbaev kemtar balalardy qamqoryna alǵan otbasynda bolyp, olardyń turmys-tirshiligimen tanysty. Mundaı otbasylardy bılik ókilderi «patronattar» dep júr. Al bul sóz, negizinen, latyn tilindegi patronus, ıaǵnı oryssha «pokrovıtel», qazaqsha «qamqorshy» degen uǵymdy bildiretinin de eskerip qoıǵan durys bolar.
Oblys ákimi Qanat Bozymbaev kemtar balalardy qamqoryna alǵan otbasynda bolyp, olardyń turmys-tirshiligimen tanysty. Mundaı otbasylardy bılik ókilderi «patronattar» dep júr. Al bul sóz, negizinen, latyn tilindegi patronus, ıaǵnı oryssha «pokrovıtel», qazaqsha «qamqorshy» degen uǵymdy bildiretinin de eskerip qoıǵan durys bolar.
Oblys basshysynyń atalmysh otbasyna arnaıy atbasyn buratynyndaı da bar, óıtkeni, júregi jyly Zúlfııa Tólenova búginde ana meıirimin qajet etetin 9 balany baýyryna basyp, tárbıelip otyr. Olardyń arasyndaǵy múmkindigi shekteýli 3 balany patronattyq tárbıege 2010 jyly, al 4 balany odan keıingi jyly alypty. Sondaı-aq, bul otbasynda ata-anasynyń qamqorlyǵynsyz qalǵan taǵy bir beıkúná búldirshin aman-esen ósip keledi. Zúlfııa, shyn máninde, júregi jyly, qoly keń ana. О́ıtkeni, ondaı janǵa qaı balanyń da bótendigi joq.
Bıyl demeýshiler Zúlfııanyń «balalaryna» 180 sharshy metrlik jańa úı salyp berdi. Onyń aýlasy da zaman talabyna saı abattandyrylǵan. Jyl basynda sý jańa «Neksııa» avtokóligine de ıe bolǵany bar. Oblys ákiminiń aıtýynsha, qazir oblysta patronattyq otbasylar men otbasylyq tıptegi balalar úılerine kómek kórsetý baǵdarlamasy daıarlanyp jatyr.
– Memleket kórsetip jatqan kómekten bólek, biz osyndaı patronattyq otbasylar men otbasylyq tıptegi balalar úılerine bıýdjetten tys qarajat arqyly turǵyn úı máselelerin sheshýge kómek beremiz, – deıdi Qanat Aldabergenuly. – Qazirgi ýaqytta meniń tapsyrmam boıynsha osyndaı otbasylar men olarǵa kerekti kómektiń tizimi daıyndalýda. Birinshi kezekte turǵyn úı máselesin sheshemiz. Eger osyndaı otbasynda 6 balaǵa deıin tárbıelense jáne olar qalada tursa, olar úshin 4 bólmeli páter satylyp alynady. Al otbasynda 6 baladan kóp bolsa, jeke úı turǵyzyp beriledi. Bul sharalar tegin uıymdastyrylady jáne ol úılerdi 5 jyldan soń óz menshikterine rásimdep alýlaryna bolady. Mine, biz jaqyn arada osyndaı 10 patronattyq otbasynyń máselesin sheshýdi josparlap otyrmyz.
Búginde oblystaǵy 94 patronattyq otbasynda 130 bala qamqorlyqqa alynsa, 2 memlekettik balalar úıinde 271 jetkinshek tárbıelenýde.
Kósemáli SÁTTIBAIULY,
«Egemen Qazaqstan».
Jambyl oblysy.
