Reseıdegi Astrahan meri Mıhaıl Stolıarov óziniń qyzmetine ótken jyly ǵana saılanǵan bolatyn. Endi ol jer telimderin berýge qolushyn sozǵany úshin para aldy degen kúdikpen qamalyp otyr.
Keshe M.Stolıarov tergeýshiler men arnaıy baǵyttaǵy jasaq jaýyngerleriniń kúzetimen Máskeýge jetkizildi. Sóıtip, Reseı astanasyndaǵy ýaqytsha oqshaýlaǵyshtardyń birine toǵytyldy. ITAR-TASS-taǵy derekkózderi resmı túsindirý jarııalanǵanǵa deıin Astrahan meriniń 200 mıllıon rýbl kóleminde para alǵanyn habarlap úlgerdi. Muny teńgege shaqsaq, 1 mıllıardty quraıdy. Az aqsha emes, árıne. Tergeý komıteti bas tergeý basqarmasynyń resmı ókili Vladımır Markınniń sózine qaraǵanda, M.Stolıarovtan jaýap búgin alynatyn bolady.
Sharaına
Reseıdegi Astrahan meri Mıhaıl Stolıarov óziniń qyzmetine ótken jyly ǵana saılanǵan bolatyn. Endi ol jer telimderin berýge qolushyn sozǵany úshin para aldy degen kúdikpen qamalyp otyr.
Keshe M.Stolıarov tergeýshiler men arnaıy baǵyttaǵy jasaq jaýyngerleriniń kúzetimen Máskeýge jetkizildi. Sóıtip, Reseı astanasyndaǵy ýaqytsha oqshaýlaǵyshtardyń birine toǵytyldy. ITAR-TASS-taǵy derekkózderi resmı túsindirý jarııalanǵanǵa deıin Astrahan meriniń 200 mıllıon rýbl kóleminde para alǵanyn habarlap úlgerdi. Muny teńgege shaqsaq, 1 mıllıardty quraıdy. Az aqsha emes, árıne. Tergeý komıteti bas tergeý basqarmasynyń resmı ókili Vladımır Markınniń sózine qaraǵanda, M.Stolıarovtan jaýap búgin alynatyn bolady.
Araqqa táýeldi merdiń taǵdyry neshik?
Kanadanyń Toronto qalasynyń polısııasy jergilikti buqaralyq aqparat quraldarynyń ókilderine shahar meri Rob Fordtyń jaman atyn shyǵaratyn 500 bettik materıaldardy bergen. R.Ford qala ákimshiligin shamamen 3 jyldaı basqaryp kele jatqany belgili.
Osy az ǵana ýaqyt ishinde qalabasy óziniń ishimdik pen esirtkige táýeldiligimen ataǵy shyǵyp úlgerdi. R.Ford krek shegedi, esirtki dıllerlerimen dos jáne kólik róline ishimdik iship alyp otyrady degen áńgime buǵan deıin de halyq arasyna keń tarasa kerek. Endi, burynǵy jáne qazirgi qyzmettesteriniń ashyqtyǵynyń arqasynda onyń kúnine 4-aq saǵat jumys isteıtini, merııaǵa józekshelerdi ákeletini, úıine jaryq shamdaryn aýystyrý úshin qol astyndaǵylardy jiberetini belgili bolyp otyr. Ákimshilik qyzmetkerleri R.Fordtyń negizgi qasireti ishimdikke táýeldiligi ekenin aıtady.
Áskerı ushaqtaryn jańartady
Kolýmbııa áskerı-áýe kúshteriniń komandovanıesi taıaýdaǵy 3-4 jyl ishinde joıǵysh ushaqtardy jańartý úderisin júrgizbek. Bul týraly el áskerı-áýe kúshteri avıasııa basqarmasynyń basshysy, brıgada generaly Karlos Býeno jarııa etti.
Jańa áskerı ushaqtar buǵan deıin jańǵyrtýdan ótken ızraıldik tehnıkany tolyqtyratyn bolady. K.Býenonyń sózine qaraǵanda, áskerıler F-16, Sý-30, Mıraj-2000 nemese JAS 39 Gripen joıǵysh ushaqtaryn satyp alý múmkindigin qarastyrý ústinde kórinedi. Biraq satyp alynatyn ushaqtar sany qansha bolatyny ázirshe belgisiz. Bul arada basymdyq buǵan deıin qoldanysta bolǵan, qaldyq resýrstary úlken ushaqtarǵa beriletin syńaıly. Satyp alý úderisi 2015 jyly aıaqtalýy tıis.
Bergen ýádesine berik eken
Grýzııa ulttyq qaýipsizdik keńesiniń hatshysy Gıga Bokerııa osy joǵary laýazymdy qyzmetinen ketti. Ol qazan aıynyń ortasynda-aq eger prezıdenttik saılaýda «Grýzın armany» koalısııasynan úmitker jeńiske jetetin bolsa, qyzmetinen bas tartatynyn málimdegen edi.
Prezıdenttik saılaýda atalǵan koalısııadan kandıdat Georgıı Margvelashvılıdiń jeńiske jetkeni belgili. Al G.Bokerııa qaýipsizdik keńesiniń basshysy laýazymyn 2010 jyldyń qarashasynan beri, ıaǵnı 3 jyl atqaryp keledi. Qazirdiń ózinde ony kimniń almastyratyny da belgili bolyp otyr. Ol Grýzııadaǵy jalǵyz áıel-general, parlament komıtetiniń tóraıymy Irına Imerlıshvılı kórinedi. Ony osy laýazymǵa resmı túrde bekitý prezıdenttik ınaýgýrasııadan keıin júzege asady.
Qatelesip, óz adamynyń basyn aldy
Prezıdent Bashar Asadqa qarsy «kúresip» júrgen sırııalyq búlikshiler qatelikke boı aldyrýlary saldarynan ózderiniń jaqtastarynyń basyn kesip alǵan. Bul jóninde Sırııadaǵy azamat soǵysy týraly aqparat taratatyn Facebook uıymy habarlady.
Qatelikke myna nárse sebep bolǵan sııaqty: jaraly Mohammed Fares búlikshilerdiń gospıtaline jetkizilgen kezde ol shııtterdiń eki batyrynyń atyn aıtyp aıǵaılasa kerek. Al búlikshilerdiń basym bóligin súnnıtter quraıtyny belgili. Osydan keıin B.Asadtyń jaýlary M.Fares úkimet áskeriniń jaǵyndaǵy adam dep qatelesse kerek. Endi qatelik úshin búlikshilerdiń atynan «Irak jáne Levanta ıslam memleketiniń» baspasóz hatshysy Omar ál-Kahatanı keshirim surap otyr. Quqyq qorǵaýshylardyń derekterine súıensek, Sırııadaǵy qarýly qaqtyǵystan 120 myńnan astam adam qaza tapqan.
Brıtanııadaǵy eń qart turǵyn kóz jumdy
Burnaǵy kúni Ulybrıtanııadaǵy eń qart adam qaıtys boldy. Greı Djons esimdi keıýana qarııalarǵa arnalǵan ınternat-úıinde 113 jasynda jaryq dúnıemen qoshtasty. Ol bir aıdan sál astam ýaqyttan soń óziniń 114 jyldyǵyn atap ótýi tıis bolatyn.
G.Djons 1899 jyldyń 7 jeltoqsanynda Londonnyń ońtústigindegi Bermondsı aýdanynda dúnıege kelipti. Ol ómiriniń negizgi bóligin sonda tiginshi bolyp jumys isteı júrip ótkizgen. Zeınetkerlikke shamamen osydan 50 jyl buryn shyqsa kerek. S.Djonstyń attastyryp qoıǵan jigiti birinshi dúnıejúzilik soǵys kezinde qaza taýypty. Sodan soń ol turmysqa shyqpaı, anasymen, baýyrymen jáne sińlisimen birge turǵan. Olardyń bári ózine deıin qaıtys bolypty. Keıýananyń ólimine osydan birneshe apta buryn qulap qalýy da sebep bolǵan sekildi.
Qysqa qaıyryp aıtqanda:
*Keshegi ótken London saýda bırjasynda Reseıdiń «Tınkoff kredıttik júıesi» bankiniń qundy qaǵazdarynyń baǵasy shamamen 39 paıyzǵa quldyrap, 9 dollarǵa deıin túsip ketken.
* Polshanyń Iаnkýv-Pshıgodskı derevnıasynda gaz qubyry jarylyp, oqıǵa saldarynan 2 adam qaza tapsa, kem degende 13 adam túrli deńgeıde dene jaraqatyn alǵan. Jarylys gaz qubyrynyń tozyǵy jetkendiginen bolǵan.
* Búkilálemdik boks qaýymdastyǵynyń (BBQ) nusqasy boıynsha álemniń ýaqytsha chempıony, kýbalyq Iýrıorkıs Gamboa úıde zorlyq-zombylyq kórsetti dep aıyptalyp, qamaýǵa alyndy. Janjal onyń burynǵy zaıybymen urys-keris saldarynan shyqqan.
* Keshe Taılandta aralarynda reseılik jolaýshylary bar týrıstik avtobýs apatqa ushyrady. Apat saldarynan 12 reseılik jaraqat alǵan. Avtobýsta barlyǵy 51 týrıst bolsa, olardyń qanshasy reseılik ekeni belgisiz.
Internet materıaldary negizinde ázirlendi.
