Bul akademıktiń sińirgen eńbegine, densaýlyq saqtaý salasyna qosqan zor úlesine degen qurmet. Qazaqstandyq medısınasynyń korıfeıi — Tóregeldi Sharmanov óziniń 90 jasynda tynymsyz eńbek etýde. Ol Qazaq taǵamtaný akademııasyna mańyzdy ózgerister engizýde. Ol sondaı-aq S.J. Asfendııarov atyndaǵy QazUMÝ-dyń qurmetti professory bolyp tabylady. Akademık Sharmanov óziniń tálimgerlik mıssııasyn esh umytpaı, jas mamandardy daıarlaýǵa kóp kóńil bóledi. Akademık Tóregeldi Sharmanov 90 jasqa kelse de, halqynyń ıgiligi úshin eńbek etýdi maqsat etedi.
QazUMÝ Tóregeldi Sharmanovtyń alma-materi. Tóregeldi Sharmanov 1947 jyly 17 jasynda ýnıversıtettiń esigin alǵash ashqan bolatyn. Dál osy zalda akademıktiń alǵashqy dáristeri ótti. QazUMÝ-dyń Dańq zaly – 90 jyldaǵy qazaqstandyq medısınanyń maqtanyshy men jetistikteri shoǵyrlanǵan, mańyzdy otyrystar men jınalystar ótkizilgen ýnıversıtettiń negizgi zaldarynyń biri.
Tóregeldi Sharmanovtyń Qazaqstan ǵylymyna qosqan úlesi zor. Akademık áli kúnge deıin jas mamandardy tárbıelep, el ıgiligi úshin tynymsyz eńbek etýde. Esimi búkil dúnıejúzine málim akademık Tóregeldi Sharmanovty HH ǵasyrdaǵy densaýlyq saqtaý salasynyń aıtýly oqıǵasy bolǵan Almaty konferensııasynyń uıymdastyrýshysy retinde biledi. Tóregeldi Sharmanov qazaq medısınasynyń qalyptasý men damý jolynda aıtarlyqtaı eńbegi sińgen ǵalym.
QazUMÝ – bul elimizdiń dárigerlerdi daıyndaýdaǵy úzdik alma-materi. О́ziniń 90 jyldyq baı tarıhynda ýnıversıtetten 100 myńǵa jýyq dáriger túlep shyqty. Elimizdiń árbir úshinshi medısına qyzmetkeri bizdiń ýnıversıtettiń túlegi bolyp tabylady.
QazUMÝ tek jetekshi medısınalyq ýnıversıtet qana emes, sonymen qatar Qazaqstannyń jetekshi ǵylymı ortalyqtar men ǵylymı-zertteý ınstıtýttaryn biriktiretin ǵylymı ortalyq bolyp tabylady. Búgingi tańda ýnıversıtet qazaqstandyq bilim berý reıtıngterinde jetekshi orynda.
Medısına mamandarynyń ustahanasyna aınalǵan QazUMÝ-da búginde 10 myńǵa jýyq stýdentter, ınternder, rezıdentter, magıstranttar men PhD doktoranttary bilim alady. Olardyń arasynda 19 elden kelgen 1200-den astam sheteldik stýdentter bar. QazUMÝ túlekteri álemniń 17 elinde jumys isteıdi. Ýnıversıtette 7 mektep pen fakýltet bar.
S.J. Asfendııarov atyndaǵy QazUMÝ-da Qazaqstannyń belgili ǵalym-pedagogtary, QR Ulttyq Ulttyq ǵylym akademııasynyń, Reseı medısınalyq ǵylymdar akademııasynyń, QR Profılaktıkalyq medısına akademııasynyń, Halyqaralyq akadamııalardyń akademıkteri, eńbek sińirgen ǵylym jáne bilim qaıratkerleri, eńbegi sińgen dárigerler men farmasevter qyzmet etedi.
ALMATY
