Tekseristiń basynan bastap, Tótenshe jaǵdaılar departamenti qyzmetkerleri jeke turǵyn úı sektoryndaǵy 15 500-den astam úıdi aralap shyqty. Úı ıelerimen túsindirý jumystary júrgizildi. Turǵyn úılerge tekseris barysynda 4901 buzýshylyq joıyldy. Bul týraly elorda ákimdiginiń resmı "ınstagram" paraqshasyndaǵy tikeleı efır kezinde qalalyq TJD apattar qaýpin azaıtý jáne azamattyq qorǵaý basqarmasynyń bastyǵy Erkin Otarǵalym habarlady.
"15 tamyzdan bastap órt qaýipsizdigi aılyǵy bastaldy. Shara maqsaty - órt qaýipsizdigi normalaryn túsindirý. Bizdiń qyzmetkerler ár úıge barady, tekseris barysynda olar turǵyn úılerge qoıylatyn órt qaýipsizdiginiń erejeleri men talaptary sıpattalǵan jadynamalardy túsindirip, tabystaıdy. Qazirgi ýaqytta 15 500-den astam úı araladyq, onyń ishinde 1543-i halyqtyń áleýmettik osal toptarynyń úıleri, olarmen aldyn alý jumystary júrgizildi. 4901 buzýshylyq sol jerde túsindirý jumystaryn júrgizý, keńes berý arqyly joıyldy", dedi Erkin Otarǵylym.
Tekseris kezinde qutqarýshylar elektr jabdyqtaryn durys ornatpaǵan jáne durys paıdalanbaǵan jaǵdaılardy anyqtaıdy. Kóbinese órt qaýpin týdyratyn - eskirgen elektr symdary. Sondaı-aq, turǵyndar jıi jylytqyshtardy paıdalanady, olardy qoldanǵan kezde abaı bolý kerek. Spıker elektr aspaptary men elektr symdaryn ýaqtyly tekserýdi usynady. Termorettegishpen jabdyqtalǵan zaýyt óndirisiniń jabdyqtaryn paıdalaný qajet.
Jylytý peshterin durys paıdalanbaý talap buzýshylyq boıynsha ekinshi orynda.
"О́kinishke qaraı, turǵyndar qaýipsizdik máselelerine nemquraıly qaraıdy. Kóbinese peshterin jylytý maýsymyna daıyndamaıdy. Iаǵnı olar tekserý, jóndeý, murjalardy tazartý sharalaryn júrgizbeıdi. Peshterdiń ústine zattar, otyn qoıyp, aıaq kıim keptirgender jıi kezdesedi", dedi Erkin Otarǵylym.
Qazirgi ýaqytta peshterge qoıylatyn eki negizgi talap bar: órtke qarsy oqshaýlaǵysh pen japqyshtyń bolýy. Bul qarqyndy jumys kezinde peshtiń qyzyp ketýine jol bermeıdi. Jylytý maýsymy bastalmas buryn, peshterdi tekserip, jóndep, tazalap, 50h70 sm ólshemdi metall tósegish jabdyqtaý qajet.
Peshterge zattar men otyndy keptirýge tyıym salynady, sondaı-aq ony tez tutanatyn suıyqtyqtarmen jaǵýǵa jol berilmeıdi. Balalarmen órt qaýipsizdigi týraly áńgimelesý qajet, olardy eresektersiz qaldyrmańyz.
Statıstıkaǵa sáıkes, turǵyn úı sektoryndaǵy órtterdiń 30% - y sharýashylyq qurylystarǵa tıesili. Turǵyndar olardy kútip ustaýǵa nazar aýdarýy kerek, sondaı-aq aýlalardy tutanatyn zattarmen nemese janbaıtyn kúlmen bitep tastamaýy kerek.
О́rt qaýipsizdigin qamtamasyz etý úshin aýlalardy únemi tazalap otyrý qajet.
