«Anonımýs» tobynyń hakeri Perý memleket basshysy Olıanta Ýmalanyń saıtyn buzyp kirgen. Bul týraly ITAR-TASS habarlady.
Haker birneshe mınýtqa Perý prezıdenti Olıanta Ýmalanyń saıtyna kirýge múmkindik alǵan. Portaldy buzyp kirgen ol prezıdenttiń serverine úkimet pen memleket basshysynyń ózine baǵyttalǵan synı materıaldar jarııalap úlgergen.
LuizSecPeru búrkenshik esimdi haker bul áreketti memlekettik organdar ınternet-portaldarynyń qaýipsizdiginde shıkilikter bar ekenin kórsetip, úkimettiń atqaryp jatqan jumystaryna kóńili tolmaıtynyn aıtý maqsatynda uıymdastyrǵanyn jetkizdi. Saıttyń jumysy qalpyna kelgennen keıin ol óziniń Tvıtterdegi betine Perýdiń jańa zańdaryna narazylyq bildiretinin jazdy. Bul zańdardyń birinde aqparattyq salada júrgizgen qylmystarǵa bas bostandyǵynan aıyrý jazasy qarastyrylǵan eken.
Aıdar О́risbaev.
